وانتهى شهر اكتوبر .. وجينا للمفضلات واعتذر ان هالشهر ماكتبت كثير مريت بظروف خلتني ما ادون واللحين رجعت لكم واتمنى تسامحوني على القصور ..
اللي على اليمين البي بي كريم من قارنيه من فتره قلت لكم بالتويتر بقول تجربتي والحمدلله كانت تجربه حلوه لكن مب قد التوقعات لانه غامق نوعا ما علي فصرت ادمجه معه الفاونديشن اللي فوق والنتيجه رووووعه تقريبا اغلب هالشهر كان هذا استخدامي للاساس : ) ♥
البلشر من بورجوا رقم ٥٤ جميل جدا هاللون وردي على مشمشي مثالي للاستخدام اليومي ♥♥ .
قلم الكحل من بورجوا من زمان هالكحل عندي وهالشهر ماكنت بالمود احط اسود لانه ثقيل وممل ككحل يومي فكنت احط هاللون روعه وسلس مره وفيه لمعه ذهبيه خفيفه جميل مع مسكارا بدون شدو حتى وخلصت نصه تقريبا ♥ : )
فرشه ٢٢٤ من ماك مستحيل مستحيل احط ميك اب بدون ما استعمل هالفرشه جمييله ومذهله ادمج فيها بكل سهوله اقدر اقول من مفضلاتي الدائمه.
ارواج ميك اب فور ايفر اللي نزلت قبل سنتين تقريبا من اروع الارواج اللي جربتها بحياتي تغطيتها كامله والوان روعه واهم شي هاللون مات ومايجفف الشفايف زي الماركات الثانيه اهم شي قشري شفايفك قبل واستمتعي باجمل روج .. لونه بين الموف والوردي رقمه ٥ ♥♥♥ .
المسكارا كنت استخدم ذي ار ريل من بنفيت كا استخدام يومي جميله تطول الرموش بس ماتكثف وهذا عيبها وبالنسبه لي الكثافه تهمني اكثر من الطول .
المناكير من دولتشي اند قابانا رقم ١٠٨ لونه وردي مشمشي يجنننن هاللون وانصح لو تبين شي مميز واضافه جديده لكولكشنك تختارينه ♥
واخيرا كوبي المفضل من دبنهامز .. دبنهامز كانوا يجيبون اكواب روعه ومميزه بس بالفتره الاخيره مدري تغيروا اتذكر قد شريت منهم كوب زي كوب سوزان ماير اللي بدسبرت هاوس وايفز > مشكله اللي يدقق بكل شي المهم انكسر :(
فيه احد يجمع اكواب مثلي ؟
استودعكم الله والقاكم بتدوينات اخرى ان شاء الله ♥
* للاشتراك في مدونتي اضغطي على الرابط الموجود في اليمين بالضغط على
.
* وللأستفسارات السريعه والمتابعه انا موجودة على التويتر ( تويتر نوره بيوتي بوكس )
