مناكير سياتيه مع الكافيار ciaté caviar manicure

من فتره قريبه قالت لنا قورجس بالتويتر ان ماركة سياتيه للمناكير نزلوها بسيفورا وشريتها انا واختي وجربناها كم مره قلت جا الوقت اللي  اسوي ريفيو عنها واقول رأيي وتستفيدون ان شاء الله .

العلبه يجي فيها اربع الوان مناكيرالحجم الصغير واربع علب كافيار برضو حجم صغير .

الالوان احمر ووردي وفضي ذهبي ، والكافيار متنوع فيه الفضي مع الازرق وفيه الاخضر مع الاحمر وفيه اللؤلؤي يجي مع العلبه زي الانبوب عشان توزعين فيه الكافيار على الاظافر ، جربت المناكير والكافيار حطيت الصوره بالانستقرام هنا وطريقته سهله بس تحطين المناكير وقبل ماينشف توزعين الكافيار على الاظافر وبس .
 ماركه ساتيه هي اول ماركه انتجت مناكير الكافيار بالنسبه لرأيي فيها جدا عاديه والكافيار يطيح بعد يوم  هالعلبه الالوان مافيها اي تميز والكافيار انتشر بكل مكان ماتسوى سعرها !
المضحك بالموضوع ان العلبه من الهوليدي كولكشن من السنه اللي راحت يعني فضله الاسواق الاوربيه والامريكيه وفرحانين سيفورا وكاتبين حصري !!

 

 اتمنى انكم استفدتو من الريفيو واتمنى اشوف تعليقاتكم تحت : )

• *للاشتراك في مدونتي اضغطي على الرابط الموجود في اليمين بالضغط على  
• تلقوني هنا على التويتر   
•   انستقرام : norahbeautybox
•  إذا حابين تطلبون من سيقما هذا كود التخفيض تحطونه قبل ماتسوون تشيك اوت ويخفض لكم ١٠ بالميه SAVE2013 وهنا موقع سيقما  
•  اشوفكم على خير 

Tom Ford Shade and Illuminate كونتور واضاءه من توم فورد

 انتجت ماركه توم فورد هالثنائي عباره عن اضاءه مع برونزر اللي صار اساسي بالمكياج اي بنت ويعتبر اول منتج يحتوي على هالثنائي في علبه وحده .
تجربتي كانت بفتره بسيطة لكن قلت اكتب عنه هالفتره لأن كثير بنات مسافرين  فيستفيدون من هالتدوينه لأن المنتج مش متوفر عندنا او حتى لو حابه تطلبينه من النت .
البرونز والاضاءه من النوعيه الكريميه تجي في علبة فاخره مع كيس مخملي فيها منها درجتين ١ و ٢ بالنسبه للبرونزر لكن الاضاءه نفسها بكل العلبتين الدرجه اللي اخترتها هي ١  . 

الاضاءه :
سهله بالدمج وتناسب جميع البشرات لأن لونها شفاف ماهو مايل للوردي ولا الذهبي اضاءه طبيعيه .. من خلال تجربتي حسيت لازم كميه كثيره عكس الاضاءات اللي استخدمها كميه قليله تكفي .
البرونزر / الكونتور :
يعتبر من اشهر البرونزر اللي يستخدم بعروض الازياء صبغته قويه جدا كميه قليله ممكن تكفي كامل الوجه تقدرين تستخدمينه كامل الواجه او اذا حابه تعملين كونتور فيه وهذا اللي يسوونه الميك اب ارتست غالبا .
يحتاج شويه احترافيه ما اعتبره سهل بالاستخدام لانه لو مادمجتي كويس يطلع وجهك ملطخ .
طبعا مايحتاج اقول السعر مبالغ فيه جدا بس كثير يقولون لانه ديو مو حسافه عليه اكيد لنا حريه الاختيار بالشراء او ايجاد البدائل المناسبه . 
ان شاء الله استفدتوا من هالتدوينه السريعه البسيطه وتسوق ممتع للجميع .
للطلب المنتج من النت هنا 

• *للاشتراك في مدونتي اضغطي على الرابط الموجود في اليمين بالضغط على  
• تلقوني هنا على التويتر   
•   انستقرام : norahbeautybox
•  إذا حابين تطلبون من سيقما هذا كود التخفيض تحطونه قبل ماتسوون تشيك اوت ويخفض لكم ١٠ بالميه SAVE2013 وهنا موقع سيقما  
•  اشوفكم على خير 

مشترياتي من صيدلية بوتس Boots Haul

مرحبا بنات اتمنى انكم بخير 
اليوم جايبة لكم مشترياتي البسيطه من صيدلية بوتس الشهيرة (طفرت فينا هالصيدلية :/ ) المهم فيه شي مره جميل طحت عليه وهو اللي خلاني اكتب هالتدوينه قلت لازم افيدكم .. 

نبدا من اليمين روج من بوتس ماركة No7 اسمه DANCING
المعقم من سوب اند قلوري 
تحت مناكير من Barry M رقمه ٣١٠ اسمه MUSHROOM
مناديل للوجه من سوب اند قلوري ( الشيء الخطير وراح اشرح فايدتها )
بودره RIMMEL المشهوره لتثبيت المكياج 

المناديل من سوب اند قلوري مشهوره كثير بعالم الجمال وهي مخصصه للبشره الدهنيه او المختلطه تنظف البشره وتنظف الرؤوس السوداء كثير جربوها ويمدحونها انا جربتها وقت بسيط بس مبين تنظف واهم شي تنظف الرؤوس السوداء بدون ماتفتح المسام زي اللصقات اكيد راح اظل استعملها انصحكم فيها بقوه .

القلوس / روج عجبني شكله واخذت واحد منزلين خمس الوان كلها من درجات الوردي ماعدا واحد احمر جميل وخفيف على الشفايف بس تغطيته خفيفه يعطي لمعه قلوسيه انصح فيها للنهار فيه برايه فوق عجبتني هالحركه مره مفيده حطيه  معك بالشنطه وارتاحي .

اخذت مناكير بيري ام وقلت اجرب هاللون البني لاني اعشق الالوان الناتشورال على اليدين لما رجعت للبيت حسيت ان عندي شبيهه المفاجأه طلع بالضبط على اليد مثل شانيل اللي قد كتبت عنه هنا انصحكم ماتشترون شانيل هاللون طبقا الاصل منه مع انه بالعلبه افتح شوي .. مناكير بيري ام سعره 20 ريال وشانيل 130 تقريبا فرق السعر بشكل خيالي . 
الصورتين توضح التشابه ( من النت ) 

 

اتمنى استفدتوا من هالتدوينه واتمنى لكم تسوق ممتع دائما واذا شريتوا شي من اللي بالتدوينه علموني هنا او بالتويتر احب اسمع ارائكم وتعليقاتكم .

• *للاشتراك في مدونتي اضغطي على الرابط الموجود في اليمين بالضغط على  
• تلقوني هنا على التويتر   
•   انستقرام : norahbeautybox
•  إذا حابين تطلبون من سيقما هذا كود التخفيض تحطونه قبل ماتسوون تشيك اوت ويخفض لكم ١٠ بالميه SAVE2013 وهنا موقع سيقما 

القاكم على خير ..

بلشر كريمي من ماك مع بديل رخيص من نكس

مرحبا ... 
عندي حماس زايد هالايام .. ودي كل يوم اكتب بوست p;
المهم اليوم بكتب لكم عن بلشر من ماك مشهور جدا جدا حتى بالمحل لو تقولين ابي بلشر كريمي على طول راح يرشح لك هاللون وراح اكتب عن بديل من نكس 

بلشر كريمي من ماك اسمه POSEY  لونه وردي مرجاني طبيعي كريمي بشكل ناعم سهل بالدمج لمسه بسيطه تتوزع على الخد مايحتاج كمية كبيره يناسب جميع الوان البشره الغامق والفاتح واللي بينهم ..
البديل من نكس ماركه متوسطه الاسعار وجودتها رائعه لقيت هالبلشر الكريمي اسمه Glow وهو شبيه مره بحق ماك يمكن ماك وردي اكثر بس على البشره حطيت واحد على خد والثاني على خد مافي فرق 
الفرق ماك اسهل بالدمج لانه كريمي اكثر .. حسيت ماك يعطي نظاره اكثر مع ان نكس برضو يعطي قلو بس مب زي ماك .. الثبات نفس الثبات مافي فرق ومعروف جودة بلشرات نكس وثباتها الطويل .
سعر ماك ٩٨ .. ماك ماينعرف لهم بالاسعار كل يوم يزيدون الاسعار الشدوات كنت اشتريها  ٥٩ واللحين صارت ٧٢ !!!!
نرجع للاسعار سعر بلشر نكس مايتعدى الخمسين يعني تقريبا النص يعني تشترين بلشرين من نكس بسعر واحد من ماك ومافي اي فرق يذكر 
هنا سواتش يبين التشابه :

اتمنى استفدتوا من هالتدوينه واذا لقيتي شي بديل بسعر ارخص انصحك تشترينه لان كثير مكياج بسعر متوسط وجودته زي جودة الغالي ../ ليش نخسر انفسنا ؟!

• *للاشتراك في مدونتي اضغطي على الرابط الموجود في اليمين بالضغط على  
• تلقوني هنا على التويتر   
•   انستقرام : norahbeautybox
•  إذا حابين تطلبون من سيقما هذا كود التخفيض تحطونه قبل ماتسوون تشيك اوت ويخفض لكم ١٠ بالميه SAVE2013 وهنا موقع سيقما 

القاكم على خير ..

كيف تختارين الكونسيلر المناسب من ماك How to choose Concealer from MAC

مرحبا بنات 
بهالبوست راح اتكلم عن الكونسيلر/ خافي العيوب وتحديدا من ماركة ماك .. كثير بنات يحتارون اي كونسيلر يختارون وش الأنسب لهم ؟
الكونسيلر مهم جدا ويعتبر اضافة اساسية للميك اب ولازم تحددين نوع بشرتك وايش اللي راح تغطينه ؟ هل هي ندب او هالات او احمرار ؟
فيه كثير ناس يكتفون بالكونسيلر بدلا من كريم الاساس خصوصا بالايام العاديه لذلك تأكدي أنك مختارة النوع المناسب .. ونبدأ بسم الله : ) 
اولا ماك عندها ٥ انواع من الكونسيلر تختلف تماما عن بعضها وعن نتائجها وتغطيتها.

 

١-  Select Cover-up Concealer كونسيلرسيلكت كوفر اب : هو كونسيلر يجي بأنبوب تغطيته خفيفه الى متوسطه قوامه مائي خفيف سهل بالدمج كثير قريت ان بعض الميك اب ارتست يستخدمونه ككريم أساس مناسب للهالات و الاحمرار الخفيف .

٢- Select Moisturecover كونسيلر سيلكت موسترايزكوفر : هالكونسيلر يجي بعلبه زي القلوسات قوامه كريمي ناعم سهل بالدمج تغطيته متوسطه مناسب جدا للهالات يخفيها ويضيئ ماتحت العيون من احب الكونسيلرات لقلبي ينفع للبشرات الجافه : ) 

٣- Pro Longwear Concealer كونسيلر برو لونق وير : (ماقد جربت هالكونسيلر ) هو كونسيلر يجي بضغاط تغطيته متوسط الى ثقيل يغطي الندب والكلف والهالات يعني تقريبا ينفع لكل شي ( قريت كثير انه صعب بالدمج والتحكم ) من اسمه لونق وير ثابت لوقت طويلاذا تبين نتيجة ممتازه بعد ماتحطينه حطي بودره خفيفه تثبته .

٤-  Studio Finish SPF 35 Concealer كونسيلرستديو فينش مع واقي الشمس بنسبة ٣٥ : اشهر كونسيلر في ماك يجي بعلبه زي الشدو قوامه كريمي تغطيته ثقيله سهل بالدمج ويغطي كل شي تقريبا مناسب للندب والكلف والتصبغات والاحمرار لايناسب الهالات لانه راح يتكتل معك بعد كم ساعه .

٥-Studio Sculpt Concealer كونسيلر ستديو سكالبت : يجي بعلبه زجاجيه تغطيته متوسطه الى ثقيله مناسب للبشرات الدهنية عيبه يبي لك تكثرين الكمية شوي عكس الانواع الثانيه تكتفين بكمية صغيره .
بالنسبه للتوزيع ممكن توزيع بفرشه او بيدك حسب ماتفضلين انا افضل اصابعي شكل الفرشه المناسبه للكونسيلر تجي مثل هالصوره 

  
خلصنا الشرح اتمنى سهلت عليكم الإختيار مستقبلا شوفي وش تبين تغطين وش نوع بشرتك وروحي اشتري المناسب لك واي استفسار انا حاضرة .

• *للاشتراك في مدونتي اضغطي على الرابط الموجود في اليمين بالضغط على  
• تلقوني هنا على التويتر   
•   انستقرام : norahbeautybox
•  إذا حابين تطلبون من سيقما هذا كود التخفيض تحطونه قبل ماتسوون تشيك اوت ويخفض لكم ١٠ بالميه SAVE2013 وهنا موقع سيقما 

القاكم على خير ..