مرحبا بنات اشتقت لكم كثير واشتقت للتدوين كنت مسافره للإمارات فتره اسبوع والحمدلله استمتعت كثير دبي كل مره اجمل من قبلها ❤️ ❤️ ❤️
المهم قبل فتره شفت كولكشن ايستي لودر وكان فيه بلشر عاجبني مرررره وفيه اضاءه قريت كثير عنه وكثير كانوا يمدحونه واللي متابع تانيا البريطانيه بيشوف كيف تمدحه وفي مدونه تامبتاليا كانت معطيته تقييم A كنت متحمسة له كثير وفعلا يستحق كل المدح والحماس عاد لقيته متوفر بدبي واكيد بينزل عندنا او يمكن نازل .
ايستي لودر كل صيف تكون مبهره بمنتجاتها سواء الاضاءات او الاضاءات البرونزيه قبل العام كان فيه اضاءه جميله بس للاسف خلصت ولا شريتها :(
هالبلشر اللي شريته درجه وحده وهو ليمتد اديشن لونه وردي فاتح وفيه اضاءه يعطي قلو ونضاره للوجه ناعم مره وحتى لو كثرتي منه لونه جميل ومايبين كثير مرررره يجنن حتى الشكل جميل ينفع هديه مرره مميز وجميل وحتى لو حابه تهدين نفسك : )
سعره 245 متوفر في دابنهامز باريس قالري .
على فكره انا صرت كثيره بالانستقرام هههه واحط رفيوهات سريعه وسواتشات للمنتجات تابعوني هناك ❤️
*للاشتراك في مدونتي اضغطي على الرابط الموجود فوق على اليمين بالضغط على
السلام عليكم
قبل فتره حطيت بالانستقرام صوره لبالت ماك الناتشورال وكثير طلبوا مني احط التفاصيل عن هالبالت ،،
هالبالت صار لي سنين اجمعها اول شي تشترين من ماك بالت فاضي حسب حاجتك فيه علبه باربع الوان وفيه 15 لون اختاري اللي يناسبك وبعدها تشترين الوان لوحدها بدون علبه وتركبينها في البالت وبس : )
الاسعار اعذروني شاريتها من زمان وكان ماك ارخص من كذا اخر لون شريته كان 65 يمكن اللحين اكثر بعشر ريال
ميزه الوان ماك الثبات والسهوله بالدمج وتعدد الخيارات تعجبني الوانهم مره وهالالوان اللي في علبتي كلها ناتشورال وعندي علبه ثانيه للالوان العاديه بس بصراحه نادرا استخدمها .. لذلك انصحكم ماتشترون الوان الا اذا بتستخدمونها الناتشورال تستفيدين منه بكل وقت رقمت البالت عشان يسهل عليكم اختيار الالوان :
وكل ثلاث الوان تحتها رقم انا مرتبتها حسب تدرج الالوان اسهل وعشان مايدخل الفاتح عليه الغامق
نجي للصف الاول من فوق
نايلون NYLON : اضاءه توزعينه على مدمع العين او تحت الحواجب او على عظمه الخد جميل هاللون
بورلي Brule : اضاءه مطفي حلو كبيس للشدو
ملت Malt : استخدمه للدمج لو كانت مستخدمه الوان غامقه
الصف الثاني من فوق :
نيكد لنشnaked lunch : الفواتح ممكن يستخدمونه كأضاءه وحلو بالدمج ولوحده
كيد Kid: حلو لدمج السموكي براون ايز
ويدجwedge :مشابه لكيد مررره كان ودي ارجعه بس مارضوا المحل
الثالث من فوق :
ويدوينكد woodwinked نحاسي على ذهبي جميل لوحده يعطي كذا لون
ال ذات قليترز all that glitters : جمممممميل هاللون اتعب وانا اقول روعه كثير شروه من توصيتي وعجبهم لوحده او مع الوان ثانيه مبهر
بتيناpatina : بني مع ذهبي فاتح صبغته خفيفه وهذا شي غريب صراحه من ماك ! لونه حلو
الرابع من فوق :
سيبل sable : بني فيه لمحه موف وردي جميييل مره هاللون
ساتن توب satin taupe : مشهووور هاللون مره فيه لمعه لونه رمادي على بني
كلوب club : قد تكلمت عن هاللون اول مافتحت المدونه يعطي الوان كثيره وجمممميل مره ممكن ناس يشوفونه زيتي وناس بني وناس عنابي انصح فيه مره
الخامس من فوق ( كل هالصف مطفي ) :
شاركول براون charcoal brown : حلو للحواجب مررره طبيعي ويناسب الكل
براون داون brown down : بني فيه درجه حمراء
ايمبارك embark : بني غامق ينفع سموكي ويعطي على اسود وينفع تحت العين
وهذا كل شي البالت كل الالوان راضيه عنها وبعد ما امتلت علبتي ماشريت شدو من ماك مره احب هالبالت شبه يومي استخدمها سواء شدو او حواجب.
اتمنى انكم استفتدوا واللي عندها الوان من ماك جربتها وعجبتها تعلمنا .
*للاشتراك في مدونتي اضغطي على الرابط الموجود فوق على اليمين بالضغط على
