مرحباا بنات ❤️ ❤️
مره مشتاقه للتدوين بشكل دوري بس انشغلت كثير الفتره اللي راحت بدوامي وان شاء الله ارجع زي اول .. فكرت اني اخلي تدوينه بشكل اسبوعي ثابته بحيث التزم بالوقت ومنها كل تدوينه تاخذ حقها بالقراءه .. ❤️
عاد قلت ابدا من اليوم واخلي كل جمعه تدوينه بأذن الله .. ❤️ ❤️
اليوم بتكلم عن مسكارا ايف سان لوران بيبي دول كتبت عنها بالانستقرام
المسكارا نزلت بعد مسكارا شوكينق اللي قد كتبت عنها قبل فتره هنا
المسكارا من اول استعمال عجبتني وهذا شي نادرا بالمسكرات لانها دايم بعد كم مره تزين معك هاذي مختلفه تفرق الرموش وتطول وتكثف لونها اسود اسود
اجمل شي بالمسكارا انها ثاااااابته لما احطها بالصبح تظل الرموش ملتفه حتى الليل غالبا المسكرات بعد ست ساعات تنزل اوتفقد شكلها هاذي لا ❤️
الفرق بينها وبين شوكنق اللي كنت منهبله عليها بعد ان هاذي تفرق الرموش بس شوكنق احيانا تكتل وتجمع الرموش بس كلهم بشكل عام مسكرات ممتازه .
شكل فرشتها بالصوره اللي فوق .. اسوء شي فيها سعرها مرررره غاليه ١٩٠ ريال كثير على شي يخلص وينشف بسرعه وحده من المتابعات قالت لي انها زي مسكارا لوريال تيلسكوبك ان شاء الله القى لوريال واجربها بعد ماتخلص هاذي
اتمنى هالتدوينه اعجبتكم واتمنى للجميع ويك اند سعيد ❤️ ❤️
صباح الشتاء القارس < مبالغه ههههه
من زمااان ماكتبت شي بمدونتي مدري هو كسل شتوي ولا شغل بس قلت دام اني صاحيه بدري خل اكتب شي يفيد البنات وان شاء الله يعجبكم هالبوست وتستفيدون منه
الروج العنابي لازم بكل شتاء يكون موجود بالرن واي وغالبا يكون مع مكياج ناعم او بدون اي مكياج يادوب فاونديشن ومسكارا .
وكثير من البنات يحسونه جريئ وماينفع لاي مكان بالنسبه لي ماعندي قوانين على نفسي ولا على احد اهم شي تحطين الشي اللي مرتاحه عليه ❤️ .
بهالبوست حطيت كذا ماركه وكذا درجه كل وحده تشوف اللي يناسبها وتطير على السوق تشتريه ❤️ ❤️ ❤️ ❤️
من اليمين :
١- ريد فلفلت من الكولور برست اللي انتشرت قبل كم سنه مع اني ماحبيت نفس الارواج بس هذا اعتبره ممتاز لونه عنابي على احمر مميز ومايتكتل ويعطي على قلوس وغير انه مايجفف الشفايف يعني حطيه وانتي مرتاحه .
٢- ريميل رقمه ١٢٤ لونه عنابي على باذنجاني مره مميز بس يبي لها جرأه نادرا احطه قوامه ساتن يعني لا مطفي ولا قلوسي
٣- ريميل رقمه ١١٢ من مجموعه كيت موس لونه عنابي هادي جاي على بني مره جميل وانيق واللي مبتدئه بالالوان العنابيه انصحها بهذا .
٤- ميك اب فور ايفر رقمه ٧ لونه عنابي عنابي مره جميل بس مشكلته مطفي مرررررره ويجفف الشفايف يعني لازم تقشير وترطيب قبله ثباته ممتاز .
٥- ميك اب فور ايفر رقمه ٤١ عنابي فاتح جاي على احمر قوامه ساتن جميل مره وثباته ممتاز زي اي روج من ميك اب فور ايفر .
السواتشز دايم احطها بالانستقرام اتشرف بمتابعتكم ❤️ ❤️
