مشترياتي البسيطه من سيفورا

مرحبا ..

اليوم رحت سيفورا ارفه عن نفسي من ضغط الدوام اتوقع محد يداوم بالسعوديه الا انا ): .. 

سيفورا الصباح جميل وتشوفين وتتفرجين على راحتك اخذت كم شغله منهم 

فرشه الماسك توزعين فيها الماسك بحيث ماتستخدمين يدك انظف واسهل سعرها خمس واربعين ريال سعودي

فرشه بلشر مابعد جربتها بس متاكده روعه لان فرش يفورا الجديده جربت كم وحده وكلهم ممتازين رقمها ثلاث وسبعين وسعرها ١٤٣ ريال سعودي 

بلشر من اربن داكي اسمه فيديو كتبت عنبلشر من اربن دامي قبل فتره تلقون البوست هنا اللون هذا خيالي مرررره لونه نيود احسه يقبل مع كل شي ❤️❤️ بس ان شالله يكون قوامه اجمل من الاول 

 مفاجأة لقيت مكياج سياتيه كم حبه  استغليت الفرصه واخذت الهايلايتر الكريمي بجربه واشوف كيف راح يكون 😻❤️

هذا كل شي بهالبوست اتمنى اعجبكم السواتشز احطها بالانستقرام دائما على حسابي : نوره اللحيدان 

تابعوني على السناب : norahbeautybox 

الى اللقاء ❤️❤️❤️

ريفيو شامل عن ماركة ويت اند وايلد الامريكية

مرحبا بنات
اليوم بكتب لكم تجربتي لميكب ويت اند وايلد ماركة امريكيه مشهوره من الدرق ستور جودتها بالاغلب رائعه وكثير يقارنون ارواجهم بارواج ماك جربت كذا منتج منهم وبعطيكم ريفيو عنهم وان شاء الله تستفيدون .

البالت المشهور comfort zone كمفرت زون اشتهر قبل خمس سنوات الوانه اغلبها ناتشورال وفيه الوان غامقه بالبالت البقيمنت روعه وقوامه كانه زبدة ثباتها ممتاز  جربتها مع برايمر مثل شدوهات ماك .
صديقتي جربتها بدون برايمر وبرضو لاحظت انها ثابته بشكل جميل انصح فيها .

جربت بلشرين اللي فوق اسمه ميلو واين mellow wine واللي تحت هيذر سيلك heather silk الوانها مرره قويه تحطين نقطه يكفي ولازم تصير يدك خفيفه مع هالبلشرات ثباتها روعه برضو بس زي ماقلت لازم تخففين ولا بيطلع مبقع لقيت صعوبه بالدمج بس شي معقول يمكن لاني كثرت .

برونز للوجه اسمه starlight bronze ماحبيته للاسف فيه لمعه قويه والشمر كبير فيه وباين مره اوفر مع انه يوم اجربه بالمحل كان ناعم فيه منتجات مثله احلى بكثير زي برونز نكس .

شدو مشهور لكامل الجفن والدمج اسمه بروليه نفس حق ماك بالضبط ونفس الاسم حلو للدمج مع الالوان الغامقه برضو حلو قوامه مرررره مع انه مطفي بس قوامه زبدة .

الارواج جربت وردي بس للاسف مالقيته ضايع الثاني لونه عنابي مطفي اسمه cinnamon spice  لونه جميل للشتاء مع كحل اسود ثقيل روعه .

بشكل عام الماركة جميله وكوالتي ممتاز اغلب منتجاتهم ثباتها قوي وماكأنها من ماركات الدرق ستور السيء فيها التعليب مررره رخيص وماينفك بسهوله خصوصا الروج لازم تصيرين حذره وانتي تسكرينه او ممكن ينكسر معك .

الماركة شريتها من فيرجن ياس مول متوفره ايضا فيرجن الامارات مول وجيان ياس مول .
اسعارها زي ماقلت رخيصه البلشرات باربعين والارواج بثلاثين والبالت بخمسين ريال تقريبا .

اتمنى عجبكم الريفيو الكامل للماركة والقاكم على خير
تابعوني على التويتر والانستقرام norahbeautybox

فرشة اسنان من فوريو

مرحبا بنات ...
قبل فترة وصلتني فرشة اسنان من صيدلية وايتس قلت اجربها فترة واكتب عنها تدوينه عشان تستفيدون من الريفيو بشكل واضح .

هي فرشه اسنان من السلكون تعمل بالكهرباء تستخدم مرتين في اليوم لمده دقيقتين الفرشاة تنشحن مره كامله وتظل مشحونه لفتره طويله تقريبا سنه .

يجي منها اربع الوان اخضر وموف وازرق واسود باهت ❤️

تجربتي للفرشه جميله تقدرين تزيدين سرعه التذبذب وتنقصينها حسب رغبتك احسها تناسب الاسنان الحساسه لانها ناعمه مره ولطيفه .

سهله بالتنظيف واسهل من الفرشه العاديه وفعلا كاتبين انها ماتتجمع عليها الجراثيم مثل العاديه .

اتمنى هالريفيو اضاف لكم شي واراكم قريبا .

#issalovewhites
@whites_pharmacy
@foreo_mea