الاضاءات اللي ماستغني عنها (دليلك باختيار الاضاءات )

اهلين بنات 
رمضان كريم والله يتقبل منا ومنكم يارب 
اليوم جايبه لكم ست اضائات اعشقها بكتب عن كل اضاءه وانتي اختاري اللي يناسبك 
الاضاءه شي مهم بالميك اب يعطي جمال ونظاره على وجهك ومؤخرا صارت كل ماركه تنافس بمنتجاتها 
اول شي حاولي تبتعدين عن الاضاءه اللي فيها قليتر او ( حبيبات لمعه كبيره ) الا اذا كنتي رايحه حفلات دي جي ممكن تكون مناسبه : )

بالنسبه للون اذا كنتي بيضاء اختاري اللي تجي على وردي واذا سمرا اختاري اللي على ذهبي وفيه اضاءات تكون مناسبه للجميع البشرات يكون فيها مزيج من اللون الذهبي والوردي .
اماكن توزيع الاضاءة هي الاماكن البارزه في وجهك مثل الخدود ماتحت الحاجبين فيه ناس يحبون يحطون على الجبهه خفيف والانف وارنبه الفم .

اضاءة ماري لو من ذا بالم هالاضاءه روعه لونها ذهبي تناسب البشرات البيضا والسمراء ثباتها ممتاز تحتاجين فرشه خفيفه لان صبغتها قويه .

اضاءه ماك لميتد اديشن روعه وجايه على ذهبي اسمها ويسبر اف قيلت

اضاءه توم فورد جميله وتعطي لوك الرطوبه ثباتها متوسط وبالاجواء الحاره ممكن ماتثبت ابد بس كاضاءه روعه زي اضاءه العارضات بالعروض 

اضاءه ديور امبر دايمند اعشقها هالاضاءه تناسب كل البشرات وممكن تستخدمينها كا آي شدو 

اضاءه بينفت واتس اب روعه هالاضاءه واكثر اضاءه طبيعيه هي انسب اضاءه من الست للصباح حطيها وانتي مرتاحه مافيها قلتر وتناسب البشرات البيضا والسمرا ثباتها ممتاز وتوزيعها سهل .

اضاءه هاي بيم اول اضاءه اشتريتها جميله وسهله بالتوزيع حلو كمان تدمجينها مع الفاونديشن تعطي وجهك نظاره ولمعان جميل .

وهذا كل شي .. بنات لاتنسون تدعموني بالفولو بالاشياء اللي تحت باكون ممتنه لكم كثير ❤️

• تلقوني هنا على التويتر   
•  انستقرام : norahbeautybox
•  إذا حابين تطلبون من سيقما هذا كود التخفيض تحطونه قبل ماتسوون تشيك اوت ويخفض لكم ١٠ بالميه  RNL2013 اضغطي هنا لموقع سيقما
•  اشوفكم على خير .

علبه الظلال شيدي ليدي الثاني من ذا بالم shadyLady Palette Volume 2

ماركه ذا بالم من ماركات المكياج الجديدة جودتها عاليه واسعارها متوسطه مريسا هي مُؤسسه هالماركه تقول عن بدايتها انها كانت تحب المكياج وتعشقه فقررت تشتري ١١ كتاب من الامازون عن كيفيه صنعه وبدت تحوس بمطبخها ومن هنا بدت الانطلاقه < لو احد يسوي كذا قالوا انهبلت ههههه المهم ميزة هالماركه انها جميله ومرحه علبهم كيوت ورومانسيه تذكرني في ستايل بينفت للاسف ماتوفرت عندنا لحد اللحين لكن ممكن تطلبونها من المواقع او تشترونها من برا.. بتكلم عن علبه الشدو هي ٣ علب اللي بتكلم عنها رقم ٢  .

العلبه يجي فيها تسع الوان فيه اللي النتاشورال وفيها الملون صبغته واضحه مره وفيه لمسه كريميه حريريه  (تكوينتها مب بودره زي الشدوهات الثانيه ابد ) دمجها سهل مايحتاج اي مجهود حجم الون يعتبر كبير نوعا ما اكبر من حجم ماك واصغر من حجم ميك اب فور ايفر بالعلبه موجود مرايه كبيره وممتازه ♥  .

السطر الاول من اليسار :

Caught in the Act Courtney : لونه بني غامق فيه لمعه ذهبيه بسيطه

Feisty Felicia : لونه بنفسجي غامق وفيه لمعه فضيه 

Insane Jane : بيج بني فيه لمعه معدنيه 

السطر الثاني : 

Bossy Bobbi : ازرق بحري فيه لمعه زرقاء بنفس اللون .

Makeout Mary : اخضر عشبي وفيه اضاءه ذهبيه .

Just This Once Jamie : وردي على بنفسجي بلمعه واضاءه فضيه/عشقي هاللون

السطر الثالث من اليسار :

Mischievous Marissa : برتقالي فاتح جدا مع لمعه .

Tempting Tara : ابيض مضيئ مع لمعه . 

Devilish Danielle :لونه خوخي شامباني مع لمعه .

سواتش حسب الترتيب بالعلبه :

انصح الجميع يجربونها مره ممتازه وجودتها رائعه اسوء شي انها مب موجودة عندنا بالسعوديه واذا طلبناها تكون غاليه مع سعر الشحن والضريبه مع ان اسعارها متوسطه وبعد فيها سيئه او نقطه ممكن ماتعجب الجميع انها كلها فيها لمعه او اضاءه يعني اللي يحبون المات ماتعجبهم ذكرتني بنيكد بالت الى حد ما . 
الماركه بشكل عام روعه وقد سولفت مع بنت استخدمت الاضاءه والبرونز وتمدحهم مره واتوقع كل اشيائهم جميله .

للطلب ممكن تطلبونها من موقع Nordstrom.com ويوصلها خلال سبع ايام .
وللي يبي يتعرف على الماركه اكثر هذا موقعهم : ذا بالم  


p.s اشكر كل متابعيني من جميع انحاء العالم .. ماكنت متصوره ان بامريكا الجنوبيه وحتى اوروبا احد يتابعني ويقراني .. اتركوا لي تعليق عشان اتعرف عليكم اكثر♥ ♥

* للاشتراك في مدونتي اضغطي على الرابط الموجود في اعلى الصفحة بهذا الشكل . 
* وللأستفسارات السريعه والمتابعه انا موجودة على التويتر ( تويتر نوره بيوتي بوكس )