SEPHORA HAUL

 من زمااان ماسويت هول من سيفورا غير اني من زمان ماقشيت منهم شي يعني تمر اوقات اخذ شي محتاجته بس اني اقعد ساعه ساعتين ابحث بالاشياء لا.. بس هالمره حبيت اشتري منهم كذا غرض وغير انه كان فااااضي يفتح النفس .

عاد قلت اكتب بوست عن مشترياتي الاخيرة منهم ..

GUERLAIN  L`OR MAKE-UP BASE
برايمر الذهب من قيرلان سمعت مدح عليه كثييييير ناس تقول يغير الملمس والشكل تماما لاي فاونديشن تحطينه بجربه واقولكم عاد اذا ينفع او لا .

 

DIORSKIN NUDE AIR POWDER
بودرة ديور نيود كنت ادور بودره من زمان لاني مازلت استخدم بورجوا هيلثي مكس وقربت تخلص فقلت ابي شي خفيف وبنفس الوقت طبيعي .
(للاسف بنات شريت هالباودر ويوم فتحتها تفاجات انها مستخدمه والحروف ممسوحه انقهرت من الاهمال ورحت لسيفورا وعلى طول بدلها بدون اي كلمه واضح انها تصير كثير لذلك اذا شريتوا شي زي كذا شيكوا قبل ماتدفعون )

NAKED SKIN
فاونديشن نيكد من اربن داكي اول مانزل جربته على يدي وحبيته مره تغطيته خفيفه يعتبر مصحح خفيف اكثر من انه فاونديشن هذا
حبيت ان فيه حماية بس فكره الضغاط ماعجبتني ابد وغير كذا احس كميتة قليلة :(

NARS PURE MATTE LIPSTICK
بما ان نارس صارت عندنا حبيت اخذ منهم شي وجربت هالروج من صاحبتي وحبيته مررره تغطيته صراحه خفيفه مره بس لونه يجنن بحط سواتش بالانستقرام .اسمه TONKIN

اخذت فرشة انستازيا برفلي هيلز للهايلايتر .

فرشة ميكب فور ايفر رقم 242 صار لي سنه ادورها والحمد لله لقيتها بسيفورا اتذكر اني لقيتها بمحل ميكب فور ايفر بس انا ابي اشتريها من سيفورا عشان النقاط :(

 

GLAMGLOW gravitymud firming treatment 
قناع من قلام قلو وظيفته يشد البشره ويزيل الجلد الميت  والقشور من البشره متحمسه اجربه عشان طريقة ازالته عاجبتني مره D; جاي معه فرشه حبيتها مره صغيره اتذكر شريت قلام قلو اللي علبته سوداء قبل ماكان معه فرشه :(

اتمنى استفدتو من هالبوست ولاتنسون تشاركوني مشترياتكم الجديده باي مكان بالسوشل ميديا
اسمي على التويتر والانستقرام والسناب نفس الشي NORAHBEAUTYBOX

اللي عندها اسئلة او فضفضه او تبي تسولف تقدر تراسلني على هالايميل ارد على الجميع حسب استطاعتي : )
norahbeautybox@gmail.com

قناع الطين من سيفورا sephora mud mask

مرحبا صبايا
قبل فتره حطيت صوره بالانستقرام لما شريت ماسك الطين من سيفورا كثير سألو عنه قلت اكتب عنه تجربتي بالتفصيل
هنا للي مهتم يشتريه :

الماسك يجي بعلبه بلاستك فاخره قوامه ناعميحتوي على الزنك والنحاس يتوزع على البشره بطبقه معتدله لما ينشف على وجهك يتحول للون افتح هنا تغسلين وجهك بمويه مع التدليك .
الماسك لما جربته حسيته يحرق بالبدايه بعدها يخف واذا نشف تماما ماتحسين باي شيء ينظف البشره بشكل عميق ويزيل الدهون بشكل ملاحظ ويشد البشره مره لدرجة من بكرا احس بشرتي مازالت مشدوده .
ريحته عاديه مب حلوه ولا شينه .
اذا تبين نتايج حلوه تستخدمينه لمده مرتين بالاسبوع تقريبا بس انا عن نفسي تو متش مرتين بالاسبوع :( 
سعره بخمس وسبعين وسعر معقول مره بالمقارنه بالماسك المشهور قلام قلو اللي سعره 300 تقريبا
النتجية بتعجب اللي بشراتهم دهنيه اكثر بس للبشرات الجافه احس لازم بعده كميه مرطب عموما انصح فيه لان سعره مقارنه بالنتيجه اللي شفتها معقول جدا
انصح تجربونه بفرشه الماسك من سيفورا للتوزيع مره جميله وتوزع بالتساوي بعد ماقالت لي صديقتي الماسكات ماينفع توزع باليد وانا طايحة بهالفرشه انظف واسرع .
اتمنى هالبوست عجبكم والقاكم على خير .
تابعوني على التويتر والانستقرام والسناب هذا حسابي : norahbeautybox