روتين عنايتي مع رفيو بسيط عن جهاز كليرسونك .

مرحبا بنات 
من زمان بكتب هالبوست بس انشغلت وزياده على كذا احس منتجات البشره نتايجها تختلف من ناس لناس عشان كذا تترددين تنصحين احد بشي عاجبك ...
انا زي كل البنات احلم ببشره صافيه وقزازه بس للاسف دايم داخله بمعاناة بالثانوي كانت بشرتي زينه بعدين لما دخلت الجامعه الله لايوريكم :( 
وقررت اخذ روكتان وخلصت كورس وبعد فتره رجعت الحبوب ضاق صدري واكتئبت ورجعت اكلته مره ثانيه بعد الجامعه واللحين بعد ٣ سنين من تركته مارجعت الحبوب الا يادوب كم حبه كل كم شهرين 
البشره يدخل فيها عوامل كثيره الاكل والنفسيه والجو .. الخ بس تقدرين تسيطرين على شي معين بحيث تكونين راضيه الى حد ما عن نفسك .
بحكي لكم عن المنتجات اللي جربتها ولعل وحده منكم تستفيد منها ( انا بشرتي دهنيه الى مختلطه )

اول شي الكليروسانك من ٤ سنين وانا اسمع عنها وانها آله عظيمه لين قررت اغامر واشتريها ولي ٣ شهور تقريبا استعملها جميله بالتنظيف خصوصا لو كنتي حاطه ميك اب ذاك اليوم وغسلتي وجهك تحسين تطلع كل الاثار احيانا استخدمها يومي او يوم ورا يوم .
طريقتها باختصار :
تتحطين الغسول اللي تستخدمينه على الفرشه وبعدها تشغلينها وراح تحسب لك ٢٠ ثانيه للجبهه ٢٠ ثانيه للذقن والانف وعشر ثواني لكل خد ..
شحنها تقريبا نص يوم وراح تظل معك مشحونه لمده اكثر من ٣ اسابيع 
فيه ناس استخدموها وويقولون انها طلعت لهم حبوب بالبدايه لان تنضيفها عميق فتطلع الحبوب الداخليه انا ماصار لي هالشي 
الفرشه تبدلينها كل ٣ اشهر الى خمس انا ماغيرتها لحد اللحين ..
 

الغسول استخدم ثنين 
افين جميل جدا وينظف مررره يناسب البشره الدهنيه والختلطه ماحسه يجفف البشره 
وكلين اند كلير خفيف على البشره وريحته حلوه مع انهم كاتبين عميق المفعول بس ماحسه كذا ابد . 

التونر (وظيفته يغلق المسام ويوازن الدهون وبعد الغسول تحطينه )
استخدمت  لوريال وكلينك بس مالقيت زي مويه الورد احسها ماتضر البشره وتساعد على توازن الدهون ويكفي انها طبيعيه 
اشتريها من الحمود وتلقونها باي محل عطاره ( العلبه انكسرت وحطيته بعلبه سبراي فكتوريا سيكرت )

المرطبات 
من اليمين بودي شوب فيتامين اي دايم امدحه للناس وماقد شفت احد اشتكى منه يناسب كل البشرات خفيف مررره على البشره وبنفس الوقت يرطبها استخدمه دايم قبل الميك اب عشان مايدهن وجهي اسوء شي فيه انه اذا خليتيه فتره ماستعملتيه يتغير قوامه يصير خفيف بزياده .
الوسط مرطب من ماركه لروشي بوزي من صيدليات وايتس جمممميل هالمرطب للبشره الدهنيه او المختلطه استخدمه غالبا بالليل لان احس ترطيبه عالي مره .
اليسار من كلينك مع اني ماعمري شريت شي من كلينك وعجبني الا ان هالمرطب ماستغني عنه كانه جل وخالي من الزيوت وتمتصه البشره على طول . 

الماسكات 
انا انسانه اعشق الماسكات خصوصا وقت الشاور حلو تستخدمينها كل اسبوع الى مرتين بالاسبوع تزيل الخلايا الميته وتنظيفها عميق .
الماسكات اللي جربتها :
ماسك بودي شوب بلو كورن لطيف وتنظيف معقول .
ماسك كيس ماي فيس هالماركه متوفره في بعض فروع التميمي مرره جميل هالماسك تحسينه ينظف ويشد البشره .
ماسك كلارنس يساعد على تضييق المسام ولما تحطينه ينعم بشرتك ويعطها نضاره ماركه كلارنس بالعنايه ممتازه مره بس محد عاطيها فرصه منتجاتهم طبيعيه ولطيفه على البشره اشوف بنات كثير يشتكون من كلينك احس كلينك كميائيه مره وقويه على البشره 
انصح البنات يجربون كلارنس بس اختاري اللي يناسبك .
ماسك من نوكس صراحه ماسك فاشل بس مازلت استخدمه عشان احلل فلوسه ماستفدت منه شي غير انها بعد ماحطه يدهن وجهي مره يمكن يناسب غيري مادري !! ..

هالمنتج مدري هو ماسك او غسول بس كاتبين ماسك من ماركه بيلس متوفره في دابنهامز قوامه زي الجل تغسلين وجهك بالمويه وتحطينه وتدلكين وجهك فيه وتطلع لك رغوه منتج مميز ماقد جربت زيه ريحته فواكه حمضيه تنظيف عميق وتحسين بشرتك بعدها فرش ونظيفه .

الواقي 
الواقي استخدمت كثير حاليا استخدم نيتروجينا وتوبكس نصحتني فيها وحده من متابعاتي الله يسعدها كلهم ممتازين توبكس لاحظت مايدهن بالوجه ابد . 
وهذا كل شي في روتين العنايه طولت عليكم بالمنتجات بس حبيت يكون البوست شامل بحيث كثير يستفيدون منه .
اللي عندها شي تنصح فيه تكتب لنا هنا نتشارك المنتجات واهم شي تكتب وش نوع بشرتها .
نصيحه :
ازاله المكياج قبل النوم مهمه جدا انصحك ماتخلين شي على وجهك وبتلاحظين كيف تتحسن بشرتك بعكس اذا خليتي الميك اب ونمتي حبوب ونفره بالوجه ... هنا كتبت عن مزيلات المكياج .
 

• تلقوني هنا على التويتر   
•  انستقرام : norahbeautybox
• اللي عندها سؤال هنا الآسك 
•  اشوفكم على خير.

خمس منتجات من الصيدليه ما استغني عنها مع قيف اواي 5 (تم اعلان الفائزه ) Must have DRUGSTORE products with Giveaway

مرحبا بنات مره متحمسه لهالتدوينه فيها كل شي احبه : )
معروف الصيدليات فيها اشياء روعه وخصوصا الميك اب والعنايه وجودتها ممتازه وكثير منها تكون بديله للماركات الغاليه
صراحه انا اذا رحت الصيدليه اقعد ساعه احوس فيها ولا امل لين يطلعوني اهلي :(
عاد كثير اشوف يوتيوب بنات حاطين ٥ منتجات من الصيدليه ماستغنون عنها وقلت راح اسوي هالتدوينه واخترت خمس اشياء فعلا احبها ودايم استعملها وسهله جدا ومتوفره والمفاجاة الجميله ان كل الخمس منتجات راح اسوي قيف اواي لها تستاهلون كل خير حبيباتي الشروط راح اتركها باخر التدوينه : )

اول منتج كحل مايبلين الكريمي كنت دايم استخدم ماك واذا بديت انتصف فيه يبدا يجف معي وجربت كحل مايبلين وتركت ماك الى الابد مررره جميل وكريمي ولا ينشف يعني اذا جف جف على نهايته وهذا شي طبيعي لاني افتح العلبه مليون مره فيه منه بني وموف وازرق .

المنتج الثاني هي فرشه ريل تكنيك للوجه للمحترفين صراحه كنت اسمع عن هالفرشه كثيييييير وجربتها وعرفت السر روعه بالدمج وتنفع لكل فاونديشن الكريمي والسايل والبي بي كريم .

المنتج الثالث بلشرات نكس جودتها ممتازه وثباتها جميل فيها منها كريمي وفيه منها بودره هالبلشر اسمه قلو لونه وردي طبيعي يعطي الوجه تورد صحي وطبيعي وغير متكلف قد كتبت عنه قبل اضغطي هنا وانه بديل لماك بوسي .

المنتج الرابع مسكارا ماكس فاكتر 2000  هالمسكارا قديمه بس مازالت مطلوبه جميله تكثف وتطول كثير مسكارات اتركها بس هاذي دايم ارجع اشتريها .

المنتج الخامس والاخير روج ريد فلفت من ريفلون قد كتبت لكم قبل اني ماتوقعت الريفلون لب بتر بهالشكل وماعجبتني ابدا مافيها ثبات وسعرها مبالغ فيه بس طحت في غرام هاللون اجمل لون جربته من اللب بتر لونه عنابي احمر وثابت بالنسبه للارواج الثانيه حتى لو اختفى يبقى اثر جميل على الشفايف .
هاذي منتجات لو خلصت راح اشتريها لانها فعلا مناسبه لكل يوم والاوقات اللي تكونين تبين شي سمبل كل هالمنتجات روعه وتعطيك نتيجه ناعمه واسعارها ممتازه ومتوفره في اغلب الاماكن .

ماركه نكس متوفره في سنتر بوينت
ماركه مايبلين وريل تكنيك وماكس فاكتور وريفلون في وايتس ( فرشه ريل تكنيك هالنوع ماشفتها في الصيدليات بس الانواع الثانيه متوفره .

كل وحده تقول وش منتجاتها المفضله من الصيدليه وماتستغني عنها ؟ حابه اعرف وش الاشياء اللي تحبونها اكتبوها لي هنا او على التويتر او الانستقرام .
القيف اواي راح يكون لما السبت الجاي ان شاء الله وراح يكون لجميع مناطق المملكه
الشروط ( مافي شروط صعبه ) :
تسوين فولو بالتويتر او على الانستقرام .
اهم نقطه هي انك تكتبين ايميلك.
وين تكتبين ايميلك ؟ 
عندك كذا خيار اختاري اللي يناسبك .. اما تكتبينه هنا بالتعليقات او تكتبينه منشن بالتويتر او تعليق في صوره الانستقرام هاذي 

راح اختار الفائزه من المتابعات بالتويتر او بالانستقرام بس لوماكنتي حاطه ايميلك ماراح اختارك .
الانستقرام norahbeautybox
التويتر اضغطي على هالرابط
اشوفكم على خير 

العشر فرش المفضله عندي مع قيف اواي تم اعلان الفائزة my top 10 makeup brushes

مرحبا بنات .. احس من زمان ماكتبت شي بالمدونه انشغلت هالاسبوع مره بس قلت لازم اسوي شي بالويك اند للبنات ومافي اجمل من الفرش صراحه انا من عشاق الفرش وبقولكم سر لو تجيبين شدو اي كلام ومعك فرشه جميله راح تبدعين فيه .. ولو معك فوانديشن غالي وفرشه سيئه راح تكون التغطيه اي كلام .. 
لو تشوفون هالابداعات بالميك اب وخبراء التجميل كله فرش في فرش .. انا راح احط لكم عشر من فرشي المفضله ما استنغني عنها طوال الاسبوع ..
موجز بسيط عن الفرش :
هي نوعين :
1- فرش صناعيه : تكون من مواد صناعيه وليست طبيعيه غالبا قاسيه ورخيصه ومالها ريحه جودتها غالبا اقل من الطبيعيه .
2- فرش طبيعيه : مصنوعه من مواد طبيعيه (شعر حيوانات ) الخشب طبيعي صناعتها غالبا يدويه لها ريحه جودتها رائعه غاليه جدا .

فرش الوجه (الفاونديشن والبلشر والاضاءه ) : ( من اليمين )

1- فرشه سيقما الكابوكي جميله جدا  للتوزيع تدمج بسهوله وماتمتص الفاونديشن جميله جدا مع اي فاونديشن حتى استخدمها مع البيبي كريم ويطلع خيال .

2- فرشه ماك ١٠٩ هاذي الفرشه قبل سنه ماكانت متوفره عندنا دايم اسأل عنها يقولوا مافيه واخر شي قالوا انقطعت طبعا انا عارفه انها مانقطعت بس يسكتوني :( المهم لقيتها في دبي الحمدلله ويوم دورت قبل كم نزلوها عندنا الحمدلله .. جميله جدا للاضاءه والبلشر والكنتور .

3- فرشه ريل تكنيك سنتبلينق برش هي عباره عن فرشه تنقيط يعني توزعين بالتنقيط والضغط جميله جدا بالفاونديشن الثقيل والمتوسط تعطي تغطيه رائعه حتى اللي عندها مسامات واسعه لو توزعين بالتنقيط والضغط تلاحظين راح خف بشكل كبير شكل المسامات (ممكن تدورين كيف تستعمل هالفرشه ) برضو استخدمها للبلرش الكريمي تجنن مره .

4- فرشه الفان برش ٢٢ من سماش بوكس 
انا من عشاق الفان برش بس للاسف نادره بالسوق بشكل عجيب وماك كمان قطعوا حقتهم !! صار مايبيعها الا الماركات الغاليه جدا مادري ليه .. المهم هاذي الفرشه جميله جدا للاضاءه على عظمه الخد ولا لو بغيت بلشر فاقع تمسك اللون بشكل خفيييييف وتوزعه بشكل جميل جدا جدا . 

زي هالبلشر مثلا مستحيل احطه بفرشه تمسك اللون بقوه هاذي بيرفكت . 

فرش العيون ( الشدو والدمج ) : ( من اليمين )
1- اليمين فرشه ١٣٩ من ماك هالفرشه تمت ٨ سنوات عندي على الاقل ومازالت صامده (فرش ماك تعيش تعيش بقوه ) هالفرشه رائعه للشدو والبيقمنت والتوزيع الكامل على الجفن تمسك اللون بشكل مرتب ونظيف .
2- فرشه انقلوت ١٠ اس فرشه للدمج المحدد والنحيف انتي مثلا تبين توزعين شدو بس ماتبين الدمج كثير تبينه نحيف هاذي مثاليه مره احبها كثير ودايم على كسره الجف تدمج اللون بشكل ناعم وخفيف واذا بغيت ازيد ازيد زي ما ابي .. 
3- فرشه ٢٢٤ من ماك لو اعرف اكتب شعر كان بكتب قصيدة مدح بهالفرشه اعشقها اعشقها تدمج الحواف بشكل رائع وعجيب كأنه سحر انصح فيها بقوه كثير يقولون حقت سقيما نفسها واحسن انا ماجربت الا ماك يمكن اجرب سيقما واقولكم وش احسن لو حصل لي .
4- الفرشتين الاخيرات من اليسار وحده من ماك رقمها ٢١٧ جميله بالدمج والتوزيع خطيره هالفرشه دمجها احترافي جدا ولا يعلى عليه اللي جمبها الصغيره من صيدليه بوتس شبيهه فيها بس ماك افضل بس شيكو بين فتره وفتره في بوتس ممكن تلقونها لان اخر مره كانت مش موجوده تدمج بشكل جميل وتوزع برضو وسعرها ٢٥ ريال بس .

فرش الكحل والحواجب : 
هالفرشتين كلهم من سماش بوكس على فكره سماش بوكس فرشهم ممتازه واحترافيه وكثير من الميك اب ارتست يستخدمونها بس شهرتها هنا مره قليله وغير كذا كاونترات سماش بوكس عندنا مافيها شي ابد يقهرون :(
المهم اللي على اليمين فرشه الكحل جميله بالرسم مره وماستخدم الا هي مع ان عندي سيقما وماك وبودي شوب وشانيل بس ما احب الا هذي استخدمها مع الجل لاينر ومايحتاج اغسلها قبل بفتره تنشف بثواني بالصباح ارش عليها غسول الفرش بشكل خفيف وامسحها بمنديل وتصير جاهزه للاستعمال ( ترا فرش الكحل النحيفه كلها ماتبي غسل قبلها بيوم تنشف بدقيقه ) .
الثانيه للحواجب رقمها 12 جميله برسم الحواجب وتاخذ اللون مدري كيف بس اقولكم تاخذ الكميه الكافيه للحواجب كانها تعرف هههه جميله جدا واهم شي عندي دائما بفرش الحواجب انها ماتصير ناعمه مره وهاذي كذا : ) 

وطبعا الاداه السحريه اللي صارت هوس كل البنات هي البيوتي البلندر اعشقها مررره استخدمها للفاونديشن واذا بغيت تغطيه خفيفه اغسلها وبعدها اوزع الفونديشن فيها يطلع مره طبيعي واحيانا استخدمها للكونسيلر شي عجيب بالتوزيع والدمج مره ممتازه وتستحق الضجه . 

واخيرا القيف اواي عباره عن بيوتي بلندر واتمنى تعجب صاحبتها راح اخلي الدخول مفتوح لحد الخميس الجاي  وبعدها راح اعلن الفايزه واراسلها وين ماكانت بالسعوديه الشروط بسيطه جدا :
1- فولو بالتويتر اضغطي هنا 
2 - فولو بالانستقرام هذا حسابي norahbeautybox
3- اكتبي تعليق تحت مع اسمك بالتويتر او الانستقرام او ايميلك عشان اراسلك اذا فزتي  .الفائزه هي
nourh123@hotmail.com وحظ اوفر للبقيه انتظروني الجاي اجمل ياجميلات

نصائح للفرش :
1- الفرش يبي لها عنايه وتنظيف كل ماعتنيتي فيها كل ماقعدت معك اكثر .
2 - لاتتحسفين بالدفع لفرشه او فرشتين لانها تقعد معك سنوات .
3-الفرش الرخيصه متوفره بشكل قليل بس الريل تكنيك رائعه ومتوفرة عند مندوبين ممكن تدورون بالنت .
4- الفرش لها مليون استخدام لاتحصرين استخدامها بشي معين وتموتينها P; 

 *للاشتراك في مدونتي اضغطي على الرابط الموجود في اليمين بالضغط على  

• تلقوني هنا على التويتر   
• 
    انستقرام : norahbeautybox
•  إذا حابين تطلبون من سيقما هذا كود التخفيض تحطونه قبل ماتسوون تشيك اوت ويخفض لكم ١٠ بالميه  RSR2013 وهنا موقع سيقما  
•  اشوفكم على خير 

تجاربي لشهر مارس MARCH FAVORITES

مرحبا بنات 
ان شاء الله انكم بخير انبسطتوا بالاجازه للاسف بدت الدومات وماعاد فيه عندي وقت :( 
بهالتدوينه بستعرض افضل ماجربته في الميك اب في الشهر اللي فات وعجبتني وفيه منتجين فاشلين باخر التدوينه بكتب عنهم : 

الفاونديشن والكونسيلر :
من فتره طويله وانا ادور البي بي كريم حق بودي شوب وكنت ابي الدرجه الثانيه ودايم مخلصه والحمدلله اخيرا توفر تجربتي كانت ناجحه حبيته مره يغطي بشكل خفيف يندمج بسهوله بس اهم نقطه لازم يتثبت بودره ولا بيعطيك شكل دهني ماراح تحبينه .
بالنسبه للكونسيلر قد كتبت عن هالكونسيلر هنا (دليلك بأختيار الكونسيلر من ماك ) هو تغطيته خفيفه وهذا اللي يناسبني غالبا خصوصا بفترات الصباح ماحب الشي الثقيل .

الشدو : 
كل هالشهر تقريبا اذا حطيت شدو ماحط الا هذا اسمه برونز من ماك ( كنت شاريته وانا مسافره وتكسر :( ) جميل جدا تقدرين تخففينه او تثقلينه وحطيت سواتش بالانستقرام هنا للي حاب يشوف اللون .

البلشر :
اليمين  MELBA من MAC  لونه وردي فاتح جدا وطبيعي دايم مخلص من ماك وعرفت ليش صراحه اكثر بلشر طبيعي عندي ويناسب اي بشره يمكن هذا اللي خلاه يشتره واهم شي انه مطفي يناسب اللي مايحبون اللمعه  حطيت سواتش بالانستقرام : ) 
اليسار بلشر بلمعه اسمه ALPINE BRONZE لونه برونزي مع لمعه ذهبيه جميل مررره كنت انتظره من زمان لاني شفت وحده باليوتيوب تمدحه ورحت سألت حقت ماك قالت مخلص :( بعدين نزلت مره ثانيه طلع الكولكشن توه ينزل اتاري البائعه ماتدري قالت مخلص وبس < تبي تفتك مني ... المهم هو من اخر كولكشن يمكن تلاقونه اللحين للي تبيه روعه وخطير بالصيف .. انا احطه بلشر وصديقتي توزعه على كامل الوجه وتقول مره حلو بالطريقه : ) (قصة حياتي هالبلشر :/ )

الأرواج : 
اليمين اقلام ريفلون الجديدة رقمه 001 برضو فيه صوره بالانستقرام صجيتكم فيه بس لاني توي اطيح فيه > بدري :( 
الاقلام جميله تغطيتها بسيطه وخفيفه تنفع للصبح وللطلعات البسيطه ثابته بس لمعه القلوس تروح بسرعه 
الوسط قد حكيت عنه بتويتر وهو عباره عن محدد شمعي شفاف من ماركه تو فيسد في سيفورا تحددين فيه شفايفك وبعدين ترسمين الروج ويساعد ان الروج مايطلع على الحوايف ويتلطخ المنتج ممتاز وفكرته جديده عجبني مره وجربته كم مره وفعلا مايطلع الروج مع الاكل والسواليف يناسب مره الالوان اللي تحوس وتخافين يخرب شكلك مثل الاورنج والاحمر.

اليسار قلوس / كريم الشفايف من NYX اسمه  Buttery Nude رقمه ٠٤ مع ان كثير بنات يمدحونه من زمان بس توي اطيح عليه عجبني مررره ثابت ولونه يجنن بس العيب الوحيد هو الفرشه سيئه مره كانه خشب!! سواتش انستقرام .. 

 المسكارا :
اليمين المسكارا الصغيره من كلينك تركتها فتره ورجعت لها يعني حتى اللي مالها رموش تحت تطلع لها 
اليسار مسكارا من ماركه برستيج من سنتر بوينت جميله المسكرا مره وفرشتها عريضه انا احب هالنوعيه تكثفه مرررره بس التطويل عادي اللي مثلي تهمها الكثافه راح تعجبها مره وسرها ممتاز 30 ريال .

 الفرش :
هالفرشه اخذتها من الدانوب وكتبت عن فرشتين هنا بسعر رخيص جميله مره مع الشدو اللي فوق تنفع للي مستعجله وتبي شي سريع مناسبه لكامل الجفن او لو حبيتي للأضاءه .

المناكير : 
 قبل سنه تذكرون هبه البنات بمناكير تيفاني لدرجه اي بياع تدخلين عنده يقول عندنا مناكير تيفاني عاد حامت كبدي وكرهت اللون وكرهت الاسم وكرهت تيافني بكبره لول .. عاد قبل تره طحت على مناكير بيري ام كتبت تدوينه هنا وعجبني هاللون مره فرايحي وجميل . 

المنتجات سيئه لا انصح بشرائها :

هالمنتجين فاشلين بدرجه غير معقوله يعني اصلا هالاشياء مفروض ماتنباع يمكن الروج اهون شوي .. اليمين روج من لوريال اللي يجي غطاه شفاف بساعه او اقل يروح اللون مع ان اللون عاجبني مره لكن للاسف مب ثابت ابدا 
اليسار سويت سواتش بالانستقرام عنه وهو من البلشرات الجديدة من مايبلين اغبى بلشر شريته في حياتي مايطلع اللون ابدا ياحسافه الفلوس بس مانصح ولا وحده تشتريه ابدا ابدا .

طولت بهالتدوينه مررره اتمنى تسامحوني واهم شي تستفيدون وهذي غايتي ولاتنسون التعليق والمشاركه .

• *للاشتراك في مدونتي اضغطي على الرابط الموجود في اليمين بالضغط على  
• تلقوني هنا على التويتر   
•   انستقرام : norahbeautybox
•  إذا حابين تطلبون من سيقما هذا كود التخفيض تحطونه قبل ماتسوون تشيك اوت ويخفض لكم ١٠ بالميه  AAM2013 وهنا موقع سيقما  
•  اشوفكم على خير 

مشترياتي من صيدلية بوتس Boots Haul

مرحبا بنات اتمنى انكم بخير 
اليوم جايبة لكم مشترياتي البسيطه من صيدلية بوتس الشهيرة (طفرت فينا هالصيدلية :/ ) المهم فيه شي مره جميل طحت عليه وهو اللي خلاني اكتب هالتدوينه قلت لازم افيدكم .. 

نبدا من اليمين روج من بوتس ماركة No7 اسمه DANCING
المعقم من سوب اند قلوري 
تحت مناكير من Barry M رقمه ٣١٠ اسمه MUSHROOM
مناديل للوجه من سوب اند قلوري ( الشيء الخطير وراح اشرح فايدتها )
بودره RIMMEL المشهوره لتثبيت المكياج 

المناديل من سوب اند قلوري مشهوره كثير بعالم الجمال وهي مخصصه للبشره الدهنيه او المختلطه تنظف البشره وتنظف الرؤوس السوداء كثير جربوها ويمدحونها انا جربتها وقت بسيط بس مبين تنظف واهم شي تنظف الرؤوس السوداء بدون ماتفتح المسام زي اللصقات اكيد راح اظل استعملها انصحكم فيها بقوه .

القلوس / روج عجبني شكله واخذت واحد منزلين خمس الوان كلها من درجات الوردي ماعدا واحد احمر جميل وخفيف على الشفايف بس تغطيته خفيفه يعطي لمعه قلوسيه انصح فيها للنهار فيه برايه فوق عجبتني هالحركه مره مفيده حطيه  معك بالشنطه وارتاحي .

اخذت مناكير بيري ام وقلت اجرب هاللون البني لاني اعشق الالوان الناتشورال على اليدين لما رجعت للبيت حسيت ان عندي شبيهه المفاجأه طلع بالضبط على اليد مثل شانيل اللي قد كتبت عنه هنا انصحكم ماتشترون شانيل هاللون طبقا الاصل منه مع انه بالعلبه افتح شوي .. مناكير بيري ام سعره 20 ريال وشانيل 130 تقريبا فرق السعر بشكل خيالي . 
الصورتين توضح التشابه ( من النت ) 

 

اتمنى استفدتوا من هالتدوينه واتمنى لكم تسوق ممتع دائما واذا شريتوا شي من اللي بالتدوينه علموني هنا او بالتويتر احب اسمع ارائكم وتعليقاتكم .

• *للاشتراك في مدونتي اضغطي على الرابط الموجود في اليمين بالضغط على  
• تلقوني هنا على التويتر   
•   انستقرام : norahbeautybox
•  إذا حابين تطلبون من سيقما هذا كود التخفيض تحطونه قبل ماتسوون تشيك اوت ويخفض لكم ١٠ بالميه SAVE2013 وهنا موقع سيقما 

القاكم على خير ..

منتجات ندمت عليها ٢ product i regret buying 2

مرحبا ♥ :)

تذكرون قبل فتره كتبت عن منتجات ندمت تقدرين تشوفين التدوينه القديمه هنا عليها جيتكم من جديد ومعي اشياء ندمت عليها .. مع اني اقرا قبل اشتري واتفحص واسأل بس لابد يطلع شي ما يناسبني .. او اجربه ومع الايام اكتشف انه مايستحق !

طبعا لو اقولكم حماسي قبل سنه على هالارواج ماتصدقون مع حماس البنات عليهم قلت مب ارواج معجزه وفعلا نزلت بعد ٨ اشهر في اسواقنا .. وما انكر انها عجبتني الى حد ما واستخدمها الى يومكم هذا ترطب والوانها جميله وريحة الارواج تفتح النفس .. مشكلتي مع الثبات ماتثبت ابدا ابدا استغرب انه ٥٠ او ٦٠ ريال ماتوقع راح اشتريهم مره ثانيه ابدا فيه ارواج بنفس هالسعر وتثبت لمده اطول ..

 روج ايف سان لوران برضو ثباته سيئ لونه جميل جدا لكن مايثبت ابدا ابدا خصوصا هالنوعيه الانواع الثانيه جميله وقد كتبت عن ثنين روعه بس العلبه اللي يكون فيها ابيض الظاهر فيها مشكله ومشكلتها سايحه بزيادة .

مسكارا استي لودر ..مادري شلون شريت هالمسكارا سيئه وثقيله بس خلصتها عشان حرام فلوسها 

الثانيه ماتخفى على الكثير واستغرب من الناس اللي يحبونها واحسدهم واقول الله يهنيكم : ) ماضبطت معي ابدا 

هالمنتج  من تو فيسد قلوس شفاف يتحول للون وردي ثابت فكره هالمنتجات حلوه للمراهقات مشكلته يدبق وانا ماحب هالنوعيه ابد بس للامانه القلوس ثابت من بكرا ماراح : ) . 

فرشه ماك ١٨٧ من زمااااان شاريتها هالفرشه واقدر اقول ماستفدت منها بالشكل اللي كنت اتمناه كبيره مره فيه اصغر منها هي اللي ممتازه (اهم شي ظل يديني بالتصوير متحمسه هههه ).

ماسك للشعر من بوتس .. بعترف لكم اعتراف .. منتجات بوتس ماتفقنا انا وياها ابدا مدري العله مني او منهم اشياءهم مغريه ومتنوعه لكن الجوده سيئه على الاقل الاشياء اللي جربتها قريبه لمنتجات كارفور .

الماسك لو ما احطه يطلع شعري احسن < اسهل وصف : ) 

اللي جمبه مدري وشو بالضبط هههه فعلا مادري شريته والبائع قال لي تحطينه بعد الاستحمام ويخلي الشعر الكيرلي كيرلي بشكل مرتب مالاحظت هالشي ابدا يخلي الشعر دهني قريسي ! 

نجي للشي اللي ندمت وماندمت عليه هالشمعه من لوكسيتان روحوا للمحل وشموها بس يالهي اجمل ريحه شمعه شميتها بحياتي روووووعه مميزه وفخمه وتنفع عطر .. المشكله لم احترقت ماحترقت بالتساوي يعني اللحين فيه شمع كثير على الحواف حاولت اميعها ماقدرت يوم رحت لوكسيتان اخر مره قال جربي الزيت ترا احسن معترف ان فيها مشكله ! صرت افتحها واشمها واسكرها :(

وبس خلصنا .. : )
*للاشتراك في مدونتي اضغطي على الرابط الموجود في اليمين بالضغط على .

*  هنا التويتر ( تويتر نوره بيوتي بوكس )

مزيل المكياج Makeup Removers

 

مزيل المكياج يعتبر من الاشياء الضروريه اللي لازم تكون عندك خصوصا لو كنتي تستخدمين المكياج الكامل او مكياج العيون بالذات .. فيه بنات يقولون يكفي نغسل بالغسول والمويه وخلاص .. للاسف مايكفي لان المكياج يحتاج ازاله بشكل لطيف وهالشي مايكون الا بالمزيل ..المزيلات كثيره جدا وكل ماركات الميك اب والعنايه منزله مزيل بعرض لكم تجاربي بالترتيب من اليمين الى اليسار 

١- لوريال من افضل المزيلات اللي جربتها هاذي يمكن العلبه الخامسه اللي اخلصها ينظف ومايلطخ ومتوفر واهم شي رخيص وجودة رائعه.

٢-مزيل على شكل رغوه من سيفورا جميل وينظف بشكل ممتاز بس عيبه الصعوبه بالنسبه للانواع الثانيه 

٣-مزيل حليبي من بربري جميل وينظف ويشيل كل الميك اب بشكل سهل حبيت التركيبه مره .

٤-بايدورما اشتهر بقوه بعالم اليوتيوب جربته مرتين حلو مرررره ويزيل بشكل لطيف ومره استخدمته كغسول والنتيجه جميله لطيف وماحسيت بجفاف زي العاده .

٥- مزيل من جونسون عادي جدا وماحسه ينظف يبي لك تمسحين كم مره

٦- نيفيا برضو عادي بس احسن من جونسن ينفع لو حاطه مكياج ناعم وخفيف اما لو سموكي ايز بتلطخين الدنيا بهالمزيل p; 

٧- مزيل من بوتس Nْ7 روعه وينظف ويزيل المكياج بس عيبه ماينمزج بسرعه اذا رجيته والفتحه كبيره يبي لك تنتبهين اذا فتحتيه وفيه عيب بسيط انه يترك بقايا زي الزيت مع اني بغسل بعدها بغسول بس احس هالشي مزعج بالنسبه لي :/.

بالنسبه لي احب المزيلات السائله هي اللي تنظف وتشيل الميك اب من جذوره 

* معلومه بسيطه : اذا شريتي مزيل فيه سائلين ازرق وشفاف رجيه لين يتمازج اللونين ويصير لون واحد بعدين استعمليه وكرري العمليه اذا احتجتي .

 

المناديل مليان برضو بالصيدليات وبالنسبه لتجاربي ماقد جربت مناديل تشيل الميك اب بذمه وضمير خصوصا لو الميك اب ثقيل هي ممتازه لو مكياجك خفيف + انتي طفشانه ومالك خلق تعتبر اسرع من المزيل السايل 

هالمناديل من لوريال رقيقه وتنظف بشكل بسيط واهم شي ناعمه على الوجه

جربت جونسون فاشله جداا واحرقت وجهي وحمر منها قارنيه عاديه مره نيروجينا روعه رووووعه شريتها من التميمي ولا عاد لقيتها :(

لو ماكان عندك مزيل او ماتبغين تشترين فيه مزيل طبيعي عندك بالبيت وهو زيت الزيتون الطريقه انك تجيبين قطن او الشرائح القطنيه وتصبين عليها مويه دافيه وبعدها تحطين شوي زيت زيتون وراح تشيل لك الميك اب بكل سهوله وبساطه  : )  

واخيرا بعد ماتخلصين ازاله الميك اب وتغسلين بشرتك لاتنسين ترشين مويه الورد راح تعطيك انتعاش ونظاره وتسكر المسامات تلقين مويه الورد في العطاره والمحامص : ) 

لاتنسون تعلموني لو عندكم مزيلات ممتازه !!

*اتمنى انكم استفدتو واذا استفدتي من المدونه خبري صديقاتك وقريباتك وخليهم يستفيدون ♥♡♥
* للاشتراك في مدونتي اضغطي على الرابط الموجود في اليمين بالضغط على .

* وللأستفسارات السريعه والمتابعه انا موجودة على التويتر ( تويتر نوره بيوتي بوكس )