Thursday 7 March 2013

بلشر كريمي من ماك مع بديل رخيص من نكس

مرحبا ... 
عندي حماس زايد هالايام .. ودي كل يوم اكتب بوست p;
المهم اليوم بكتب لكم عن بلشر من ماك مشهور جدا جدا حتى بالمحل لو تقولين ابي بلشر كريمي على طول راح يرشح لك هاللون وراح اكتب عن بديل من نكس 


بلشر كريمي من ماك اسمه POSEY  لونه وردي مرجاني طبيعي كريمي بشكل ناعم سهل بالدمج لمسه بسيطه تتوزع على الخد مايحتاج كمية كبيره يناسب جميع الوان البشره الغامق والفاتح واللي بينهم ..
البديل من نكس ماركه متوسطه الاسعار وجودتها رائعه لقيت هالبلشر الكريمي اسمه Glow وهو شبيه مره بحق ماك يمكن ماك وردي اكثر بس على البشره حطيت واحد على خد والثاني على خد مافي فرق 
الفرق ماك اسهل بالدمج لانه كريمي اكثر .. حسيت ماك يعطي نظاره اكثر مع ان نكس برضو يعطي قلو بس مب زي ماك .. الثبات نفس الثبات مافي فرق ومعروف جودة بلشرات نكس وثباتها الطويل .
سعر ماك ٩٨ .. ماك ماينعرف لهم بالاسعار كل يوم يزيدون الاسعار الشدوات كنت اشتريها  ٥٩ واللحين صارت ٧٢ !!!!
نرجع للاسعار سعر بلشر نكس مايتعدى الخمسين يعني تقريبا النص يعني تشترين بلشرين من نكس بسعر واحد من ماك ومافي اي فرق يذكر 
هنا سواتش يبين التشابه :

اتمنى استفدتوا من هالتدوينه واذا لقيتي شي بديل بسعر ارخص انصحك تشترينه لان كثير مكياج بسعر متوسط وجودته زي جودة الغالي ../ ليش نخسر انفسنا ؟!
  • *للاشتراك في مدونتي اضغطي على الرابط الموجود في اليمين بالضغط على  
  • تلقوني هنا على التويتر   
  •   انستقرام : norahbeautybox
  •  إذا حابين تطلبون من سيقما هذا كود التخفيض تحطونه قبل ماتسوون تشيك اوت ويخفض لكم ١٠ بالميه SAVE2013 وهنا موقع سيقما 

القاكم على خير ..

9 comments:

  1. نواره احب مواضيعك مره خصوصا البديل من زمان عنها
    ان شاء الله بشتري حق نكس شكله جميل جدا وسعره مناسب
    تسلمين لنا ياقمر

    ReplyDelete
  2. ممكن بديل لروج ماك party parot

    ReplyDelete
    Replies
    1. ماعندي هالروج دورت بالنت له بديل مالقيت

      Delete
  3. انا عندي بلشر ماك مره جمييييل استخدامه دايما ومع ذلك فيه بركة ماخلص
    وقد جربت الوان ثانيه من نكس جميله
    مره حبيت البوست شكرا :)

    ReplyDelete
  4. مره حلو اشكرك

    ReplyDelete