خمس أرواج عنابيه مناسبه لهذا الشتاء ❤️

صباح الشتاء القارس < مبالغه ههههه
من زمااان ماكتبت شي بمدونتي مدري هو كسل شتوي ولا شغل بس قلت دام اني صاحيه بدري خل اكتب شي يفيد البنات وان شاء الله يعجبكم هالبوست وتستفيدون منه 
الروج العنابي لازم بكل شتاء يكون موجود بالرن واي وغالبا يكون مع مكياج ناعم او بدون اي مكياج يادوب فاونديشن ومسكارا .
وكثير من البنات يحسونه جريئ وماينفع لاي مكان بالنسبه لي ماعندي قوانين على نفسي ولا على احد اهم شي تحطين الشي اللي مرتاحه عليه ❤️ .
بهالبوست حطيت كذا ماركه وكذا درجه كل وحده تشوف اللي يناسبها وتطير على السوق تشتريه ❤️ ❤️ ❤️ ❤️

من اليمين :
١- ريد فلفلت من الكولور برست اللي انتشرت قبل كم سنه مع اني ماحبيت نفس الارواج بس هذا اعتبره ممتاز لونه عنابي على احمر مميز ومايتكتل ويعطي على قلوس وغير انه مايجفف الشفايف يعني حطيه وانتي مرتاحه .

٢- ريميل رقمه ١٢٤ لونه عنابي على باذنجاني مره مميز بس يبي لها جرأه نادرا احطه قوامه ساتن يعني لا مطفي ولا قلوسي 

٣- ريميل رقمه ١١٢ من مجموعه كيت موس لونه عنابي هادي جاي على بني مره جميل وانيق واللي مبتدئه بالالوان العنابيه انصحها بهذا .

٤- ميك اب فور ايفر رقمه ٧ لونه عنابي عنابي مره جميل بس مشكلته مطفي مرررررره ويجفف الشفايف يعني لازم تقشير وترطيب قبله ثباته ممتاز .

٥- ميك اب فور ايفر رقمه ٤١ عنابي فاتح جاي على احمر قوامه ساتن جميل مره وثباته ممتاز زي اي روج من ميك اب فور ايفر .

 السواتشز دايم احطها بالانستقرام اتشرف بمتابعتكم ❤️ ❤️

• تلقوني هنا على التويتر   
•  انستقرام : norahbeautybox
• اللي عندها سؤال هنا الآسك 
•  اشوفكم على خير واعذروني على القصور ❤️ ❤️

خمس منتجات من الصيدليه ما استغني عنها مع قيف اواي 5 (تم اعلان الفائزه ) Must have DRUGSTORE products with Giveaway

مرحبا بنات مره متحمسه لهالتدوينه فيها كل شي احبه : )
معروف الصيدليات فيها اشياء روعه وخصوصا الميك اب والعنايه وجودتها ممتازه وكثير منها تكون بديله للماركات الغاليه
صراحه انا اذا رحت الصيدليه اقعد ساعه احوس فيها ولا امل لين يطلعوني اهلي :(
عاد كثير اشوف يوتيوب بنات حاطين ٥ منتجات من الصيدليه ماستغنون عنها وقلت راح اسوي هالتدوينه واخترت خمس اشياء فعلا احبها ودايم استعملها وسهله جدا ومتوفره والمفاجاة الجميله ان كل الخمس منتجات راح اسوي قيف اواي لها تستاهلون كل خير حبيباتي الشروط راح اتركها باخر التدوينه : )

اول منتج كحل مايبلين الكريمي كنت دايم استخدم ماك واذا بديت انتصف فيه يبدا يجف معي وجربت كحل مايبلين وتركت ماك الى الابد مررره جميل وكريمي ولا ينشف يعني اذا جف جف على نهايته وهذا شي طبيعي لاني افتح العلبه مليون مره فيه منه بني وموف وازرق .

المنتج الثاني هي فرشه ريل تكنيك للوجه للمحترفين صراحه كنت اسمع عن هالفرشه كثيييييير وجربتها وعرفت السر روعه بالدمج وتنفع لكل فاونديشن الكريمي والسايل والبي بي كريم .

المنتج الثالث بلشرات نكس جودتها ممتازه وثباتها جميل فيها منها كريمي وفيه منها بودره هالبلشر اسمه قلو لونه وردي طبيعي يعطي الوجه تورد صحي وطبيعي وغير متكلف قد كتبت عنه قبل اضغطي هنا وانه بديل لماك بوسي .

المنتج الرابع مسكارا ماكس فاكتر 2000  هالمسكارا قديمه بس مازالت مطلوبه جميله تكثف وتطول كثير مسكارات اتركها بس هاذي دايم ارجع اشتريها .

المنتج الخامس والاخير روج ريد فلفت من ريفلون قد كتبت لكم قبل اني ماتوقعت الريفلون لب بتر بهالشكل وماعجبتني ابدا مافيها ثبات وسعرها مبالغ فيه بس طحت في غرام هاللون اجمل لون جربته من اللب بتر لونه عنابي احمر وثابت بالنسبه للارواج الثانيه حتى لو اختفى يبقى اثر جميل على الشفايف .
هاذي منتجات لو خلصت راح اشتريها لانها فعلا مناسبه لكل يوم والاوقات اللي تكونين تبين شي سمبل كل هالمنتجات روعه وتعطيك نتيجه ناعمه واسعارها ممتازه ومتوفره في اغلب الاماكن .

ماركه نكس متوفره في سنتر بوينت
ماركه مايبلين وريل تكنيك وماكس فاكتور وريفلون في وايتس ( فرشه ريل تكنيك هالنوع ماشفتها في الصيدليات بس الانواع الثانيه متوفره .

كل وحده تقول وش منتجاتها المفضله من الصيدليه وماتستغني عنها ؟ حابه اعرف وش الاشياء اللي تحبونها اكتبوها لي هنا او على التويتر او الانستقرام .
القيف اواي راح يكون لما السبت الجاي ان شاء الله وراح يكون لجميع مناطق المملكه
الشروط ( مافي شروط صعبه ) :
تسوين فولو بالتويتر او على الانستقرام .
اهم نقطه هي انك تكتبين ايميلك.
وين تكتبين ايميلك ؟ 
عندك كذا خيار اختاري اللي يناسبك .. اما تكتبينه هنا بالتعليقات او تكتبينه منشن بالتويتر او تعليق في صوره الانستقرام هاذي 

راح اختار الفائزه من المتابعات بالتويتر او بالانستقرام بس لوماكنتي حاطه ايميلك ماراح اختارك .
الانستقرام norahbeautybox
التويتر اضغطي على هالرابط
اشوفكم على خير 

اشياء حبيتها الفتره اللي راحت May Faves!

مرحبااا بنات .. شلونكم ان شاء الله طيبين 
العالم كلها اختبارات ومذاكره فالله يعينكم يارب .. انا جايتكم بمفضلات هالشهر وهي اشياء جربتها هالشهر او الفتره اللي راحت عموما وعجبتني وعلقت عليها عاد اشيائي كثيره هالمره اتمنى تعجبكم وتستفيدون ..

بالنسبه للوجه ماكنت استخدم فاونديشن لاني يوميا احط مكياج فصعبه احط فاونديشن كل يوم .. واحسن شي جربته هالشهر ويعطيني تغطيه جيده هو بي بي كريم مايبلين تغطيته خفيفه مافيه زيوت كثير وفيه حمايه من الشمس اتوقع قرب يخلص حقي اذا تبين تقرين زيادة عن البي بي كريم افتحي هالرابط .
بالنسبه للكونسيلر فيه ثنين كنت استخدمهم اول واحد الكونسيلر الجديد من بنفت وكتبت عنه هنا بس عشانه غامق صرت استخدمه كمصحح للهالات جميل جدا ولايتكتل وانصح فيه بعدها احط كونسيلر فيت مي من مايبلين وهذا فاتح بالنسبه لي بس يعطي اضاءه مع كونسيلر بينفت .. وعموما درجاته قليله لكنه جميل مره ويناسب البشرات اللي فيها عيوب قليله انصح فيه بقوه .
 البلشر بما اني دايم مستعجله وكنت مضغوطه فا احسن شي جربته هو البلشر الكريمي روز بيتل من نكس حلو مره وناعم ويناسب كل البشرات واللوكات وعلى فكره هو بديل مثالي لبلشر بوسي من ماك  شوفي هالرابط .

العيون : هالبالت عندي اياها من زمان من بير مينرلز وهي لميتد ادشن يعني مب متوفر هاللحين شاريتها اون لاين بس من فتره شفت سيفورا منزلين شدوات بير منيرلز قلت دام نزلوها بكتب عنها شدوات هالماركه جدا جميله وثابته وصبغته قويه مره احبها احيانا استخدم لون واحيانا الوان متعدده ( ملاحظه ماراح تلاقون هالبالت بس نصيحه جربوا شدواتهم ) .
الاكحال غير الاسود الوحده اكيد تحب التغيير ومافي اجمل من اللون الاخضر والبني كتغيير وبرضو هادي ومب زحمه زي الازرق والموف كلها من بورجوا وثباتها ممتاز .
المسكارا هاذي عينه من شانيل لمسكراتهم الجديده ممتازه مرره توزع الرموش ولا تكتلها وبرضو تطول حبيتها مره مع اني ماقد فكرت اشتري مسكارا من شانيل بس هاذي اعجبتني مره ويمكن اشتريها بالحجم العادي مستقبلا.

الفرش :
سيقما الكابوكي F88 اروح وارجع عليها مره ممتازه للتوزيع والدمج وبما ان شعيراتها جدا كثيفه فهي مناسبه مره للتغطيه المثاليه مع الفاونديشن الثقيل وحتى الخفيف تنفع له تقدرين تطلبينها من هنا وفيه خصم لو حبيتي 10 بالميه .
الفرشه الثانيه لي كم اسبوع شريتها من بربري رقمها ٩ استخدمها للدمج الشدو مره ممتازه وتدمج بسهوله ومهمتها شبيهه بفرشه 224 بس حبيت هاذي اكثر لان شعيراتها اكثر .

الشفايف :
روج ايف سان لوران YSL 14 وروج كريم بورلي رقمه 095 من ريفلون الصراحه كل هاللونين ابي استعملهم وبديت ادمجهم سوا اول شي احط ايف سان لوران وبعدها اخففه بمنديل وبعدها احط كريم بورليه من ريفلون ويعطيني نتيجه ناعمه مره .
واللي عندها كريم بورليه ووتورطت فيه لانه نيود بزياده اقولها حاولي تستخدمينه مع الارواج الصارخه او المحددات وراح يعجبك مره .

والقلوس اعشقه من كلارنس رقمه 2 مره جميل وقد تكلمت عنه احسانه احطه لوحده واحيانا مع ارواج ريحته تفتح النفس ويمكن تتحمسين وتاكلينه لان طعمه لذيذ . 

الاظافر :
 اليسار من سالي هانسن من وجوه فرع صحارى لونه ازرق بحري مره جميل وكريمي وعلى طول ينشف وهاذي اول مره اجرب مناكيرهم وعجبني مره رقمه 250 واسمه BLUE IT  .
الثاني هوليدي من شانيل Holiday 617 هذا اللون لو تذكرون الصيف الماضي انهبلت كنت ابيه ولا حصلته وكان لميتد ادشن واللحين نزلوه بشكل دائم جاني هديهلونه اورنج فاقع وهادي بنفس الوقت وبرضو حسيته يقبل كل البشرات .

الشيين اللي ماحبيتهم الفتره الماضيه :
هالسكراب / من باث اند بودي بوركس بالمانقو وجوز الهند ريحته استغفر الله ياربي قبيحه جدا وغير كذا مايسوي اي مفعول بس شكل واسم هاذي اول مره اجرب سكرابات باث بس شكلي ماراح اسويها ثاني مره .
الشي الثاني شمعه من ديورانس محلهم في حياة مول المحل يجننن مره وروايح تاخذ العقل وكنت من زمان ابي شمعه جميله وقررت اشتري منهم وحده وطبعا اخترت رائحتي المفضل اللافندر او ماشغلتها بالبيت انصدمت مالها ريحه ابد ابد :( مره انقهرت وخصوصا انها غاليه وغير كذا شي يقهرني بالشموع ماتحترق بالتساوي يعني بيضيع نص الشمع عليك بالحوايف عموما المحل ودي اجرب منه اشياء بس الشمعه احبطتني .

 *للاشتراك في مدونتي اضغطي على الرابط الموجود فوق على اليمين بالضغط على  

• تلقوني هنا على التويتر   
•  انستقرام : norahbeautybox
•  إذا حابين تطلبون من سيقما هذا كود التخفيض تحطونه قبل ماتسوون تشيك اوت ويخفض لكم ١٠ بالميه  SUM2013 اضغطي هنا لموقع سيقما
•  اشوفكم على خير .

تجاربي لشهر مارس MARCH FAVORITES

مرحبا بنات 
ان شاء الله انكم بخير انبسطتوا بالاجازه للاسف بدت الدومات وماعاد فيه عندي وقت :( 
بهالتدوينه بستعرض افضل ماجربته في الميك اب في الشهر اللي فات وعجبتني وفيه منتجين فاشلين باخر التدوينه بكتب عنهم : 

الفاونديشن والكونسيلر :
من فتره طويله وانا ادور البي بي كريم حق بودي شوب وكنت ابي الدرجه الثانيه ودايم مخلصه والحمدلله اخيرا توفر تجربتي كانت ناجحه حبيته مره يغطي بشكل خفيف يندمج بسهوله بس اهم نقطه لازم يتثبت بودره ولا بيعطيك شكل دهني ماراح تحبينه .
بالنسبه للكونسيلر قد كتبت عن هالكونسيلر هنا (دليلك بأختيار الكونسيلر من ماك ) هو تغطيته خفيفه وهذا اللي يناسبني غالبا خصوصا بفترات الصباح ماحب الشي الثقيل .

الشدو : 
كل هالشهر تقريبا اذا حطيت شدو ماحط الا هذا اسمه برونز من ماك ( كنت شاريته وانا مسافره وتكسر :( ) جميل جدا تقدرين تخففينه او تثقلينه وحطيت سواتش بالانستقرام هنا للي حاب يشوف اللون .

البلشر :
اليمين  MELBA من MAC  لونه وردي فاتح جدا وطبيعي دايم مخلص من ماك وعرفت ليش صراحه اكثر بلشر طبيعي عندي ويناسب اي بشره يمكن هذا اللي خلاه يشتره واهم شي انه مطفي يناسب اللي مايحبون اللمعه  حطيت سواتش بالانستقرام : ) 
اليسار بلشر بلمعه اسمه ALPINE BRONZE لونه برونزي مع لمعه ذهبيه جميل مررره كنت انتظره من زمان لاني شفت وحده باليوتيوب تمدحه ورحت سألت حقت ماك قالت مخلص :( بعدين نزلت مره ثانيه طلع الكولكشن توه ينزل اتاري البائعه ماتدري قالت مخلص وبس < تبي تفتك مني ... المهم هو من اخر كولكشن يمكن تلاقونه اللحين للي تبيه روعه وخطير بالصيف .. انا احطه بلشر وصديقتي توزعه على كامل الوجه وتقول مره حلو بالطريقه : ) (قصة حياتي هالبلشر :/ )

الأرواج : 
اليمين اقلام ريفلون الجديدة رقمه 001 برضو فيه صوره بالانستقرام صجيتكم فيه بس لاني توي اطيح فيه > بدري :( 
الاقلام جميله تغطيتها بسيطه وخفيفه تنفع للصبح وللطلعات البسيطه ثابته بس لمعه القلوس تروح بسرعه 
الوسط قد حكيت عنه بتويتر وهو عباره عن محدد شمعي شفاف من ماركه تو فيسد في سيفورا تحددين فيه شفايفك وبعدين ترسمين الروج ويساعد ان الروج مايطلع على الحوايف ويتلطخ المنتج ممتاز وفكرته جديده عجبني مره وجربته كم مره وفعلا مايطلع الروج مع الاكل والسواليف يناسب مره الالوان اللي تحوس وتخافين يخرب شكلك مثل الاورنج والاحمر.

اليسار قلوس / كريم الشفايف من NYX اسمه  Buttery Nude رقمه ٠٤ مع ان كثير بنات يمدحونه من زمان بس توي اطيح عليه عجبني مررره ثابت ولونه يجنن بس العيب الوحيد هو الفرشه سيئه مره كانه خشب!! سواتش انستقرام .. 

 المسكارا :
اليمين المسكارا الصغيره من كلينك تركتها فتره ورجعت لها يعني حتى اللي مالها رموش تحت تطلع لها 
اليسار مسكارا من ماركه برستيج من سنتر بوينت جميله المسكرا مره وفرشتها عريضه انا احب هالنوعيه تكثفه مرررره بس التطويل عادي اللي مثلي تهمها الكثافه راح تعجبها مره وسرها ممتاز 30 ريال .

 الفرش :
هالفرشه اخذتها من الدانوب وكتبت عن فرشتين هنا بسعر رخيص جميله مره مع الشدو اللي فوق تنفع للي مستعجله وتبي شي سريع مناسبه لكامل الجفن او لو حبيتي للأضاءه .

المناكير : 
 قبل سنه تذكرون هبه البنات بمناكير تيفاني لدرجه اي بياع تدخلين عنده يقول عندنا مناكير تيفاني عاد حامت كبدي وكرهت اللون وكرهت الاسم وكرهت تيافني بكبره لول .. عاد قبل تره طحت على مناكير بيري ام كتبت تدوينه هنا وعجبني هاللون مره فرايحي وجميل . 

المنتجات سيئه لا انصح بشرائها :

هالمنتجين فاشلين بدرجه غير معقوله يعني اصلا هالاشياء مفروض ماتنباع يمكن الروج اهون شوي .. اليمين روج من لوريال اللي يجي غطاه شفاف بساعه او اقل يروح اللون مع ان اللون عاجبني مره لكن للاسف مب ثابت ابدا 
اليسار سويت سواتش بالانستقرام عنه وهو من البلشرات الجديدة من مايبلين اغبى بلشر شريته في حياتي مايطلع اللون ابدا ياحسافه الفلوس بس مانصح ولا وحده تشتريه ابدا ابدا .

طولت بهالتدوينه مررره اتمنى تسامحوني واهم شي تستفيدون وهذي غايتي ولاتنسون التعليق والمشاركه .

• *للاشتراك في مدونتي اضغطي على الرابط الموجود في اليمين بالضغط على  
• تلقوني هنا على التويتر   
•   انستقرام : norahbeautybox
•  إذا حابين تطلبون من سيقما هذا كود التخفيض تحطونه قبل ماتسوون تشيك اوت ويخفض لكم ١٠ بالميه  AAM2013 وهنا موقع سيقما  
•  اشوفكم على خير 

February Favs 2013 الأفضل في شهر فبراير

رجعت للمفضلات (عبارة عن افضل المنتجات اللي استخدمتها في الشهر اللي فات ) احس من زمان ماكتبت بس لأن احيانا مالقى شي جديد فحلو اخذ بريك مع اني اعشق فديوهات وتدوينات المفضلات .

 اجمل بيبي كريم جربته بيبي كريم لوريال كثير بنات قالوا لي علمينا اذا عجبك وابشركم انه عجبني P: جميل جدا وخفيف تغطيته متوسطه ماستخدمت الا هو طوال هالشهر اسوء مافيه يبي له ترطيب عالي لانه قوامه ناشف .. 

كواد الشدو رقم ٤٠١ من زمان شاريته لكن ماحصل اجربه الا هالفتره واستغربت اني متجاهلته التغطيه واللون جميلين مره وثابت مره من الماركه التركية flormar فيه كثير تاجرات على التويتر يوفرونها واسعارها مناسبه .

 يمكن كثير اتكلم عن هالبرايمر لي سنة استخدمه وابشركم خلص وناوية اشتري واحد ثاني من افضل البرايمر اللي جربته يعطي اللون الاصلي للشدو الثبات رائع لاكثر من ١٢ ساعه تكتفين بنقطتين منه وتوزعينه على العيون قبل الشدو وبعدها بلحظات توزعين الشدومن ماركة تو فيسد تحصلونها في سيفورا .

المسكارا من ريفلون تكثف وتطول اجمل مافيها انها خفيفه جدا ماتحسين حاطه شي على رموشك مكتوب على العلبه انها تساعد على نمو شعيرات الرموش مادري اذا صدق او لا بس نشوف وش يصير .

 اضاءه لميتد اديشن من ماك اسمها WHISPER OF GILT يمكن تحصلونها لأن احيانا تقعد الاشياء فيعرضونها .
هذا اخر منتج شريته من كولكشنات ماك لأنهم زودوها ماغير ينزلون كولكشن وبين كل كولكشن وكولكشن كولكشن فرعي !!! ماصار يهمني وش ينزلون وغالبا المنتجات اللي بالكوكلشنات اللي تنزل تصير جودتها سيئه خصوصا الفرش مانصحكم تشترون منها .

 مافي اجمل من انك ترجعين لمنتج كنتي ناسيته وتكتشفين انك تحبينه بلشر من بينفت اسمه شوقر بمب Sugarbomb لونه مشمشي ذهبي جميل جدا يعطي لوك صحي منعش انصح فيه للصيف .

مادري وش فيني هالشهر على ريفلون !
الارواج هاذي اعتبرها بالنسبه لي افضل ارواج ماركه ريفلون ثابته ومرطبه وتغطيتها كامله واسعارها ممتازه 
الاول اسمهMink رقمه ٦٧١ الوسط اسمه CHERRIES IN THE SNOW رقمه 440 والأخير اسمه Fire & Ice رقمه ٧٢٠ ...
القلوس انا مب راعيه قلوسات ابدا بس هذا طحت فيه غرامه برضو من ريفلون حلاته مايدبق وتحسينه ثقيل اسمهPink Pop رقمه ١٨٠ .

فرشه الفلات كابوكي من سيقما رقم F 88  اعجبتني هالفرشه مره استخدمها لتوزيع الفاونديشن واحيانا تنفع للكنتور دمجها ناعم وتعطي تغطيه صافيه تقدرون تشترونها من هنا .

ماقلت لكم ريفلون قصتها قصه :/ هذا المناكير المطفي الوحيد اللي عندي واكتشفت اني احب المطفي اللون اخضر غامق فخم وكلاسي اسمه Emerald City رقمه ٠٣٢ مره انصحكم فيه طبعا عشان تعرفين اذا هو مطفي او لا فيه ستكر على الغطا مكتوب عليه مات .

اسرع شي اخلصه بالبيت الشموع والقهوة هالشمعه من باث اند بودي وركس من الاروماثيربي وهي مجموعه محدوده من الشموع هي شموع للاسترخاء والنوم .

اخر شي حطيته قبل بالانستقرام وهو دولاب الاكسسورات الجميل العظيم كل ما اشوفه اقول ويني كنت عنه من زمان جميل ومنظم ومرتب لكل الحاجات الاكسسواريه اول كنت حايسه نفسي بالادراج والعلب والتعليقات والسلسله تتشبك مع الاسواره < حرب 
واللحين يارب لك الحمد بس افتح واتنقى جاني احساس الاميرات ههه انصحكم فيه بقوه شريته من طيبه الرياض فيه من بني واسود وابيض سعره 550 تقدرون تطلبونه من هنا  ع الطلب
خلصت مفضلاتي اتمنى تستفيدون يارب وتلقون شي يعجبكم القاكم على خير حبيباتي ..

• *للاشتراك في مدونتي اضغطي على الرابط الموجود في اليمين بالضغط على  
• تلقوني هنا على التويتر  
•  إذا حابين تطلبون من سيقما هذا كود التخفيض تحطونه قبل ماتسوون تشيك اوت ويخفض لكم ١٠ بالميه SAVE2013 

منتجات ندمت عليها ٢ product i regret buying 2

مرحبا ♥ :)

تذكرون قبل فتره كتبت عن منتجات ندمت تقدرين تشوفين التدوينه القديمه هنا عليها جيتكم من جديد ومعي اشياء ندمت عليها .. مع اني اقرا قبل اشتري واتفحص واسأل بس لابد يطلع شي ما يناسبني .. او اجربه ومع الايام اكتشف انه مايستحق !

طبعا لو اقولكم حماسي قبل سنه على هالارواج ماتصدقون مع حماس البنات عليهم قلت مب ارواج معجزه وفعلا نزلت بعد ٨ اشهر في اسواقنا .. وما انكر انها عجبتني الى حد ما واستخدمها الى يومكم هذا ترطب والوانها جميله وريحة الارواج تفتح النفس .. مشكلتي مع الثبات ماتثبت ابدا ابدا استغرب انه ٥٠ او ٦٠ ريال ماتوقع راح اشتريهم مره ثانيه ابدا فيه ارواج بنفس هالسعر وتثبت لمده اطول ..

 روج ايف سان لوران برضو ثباته سيئ لونه جميل جدا لكن مايثبت ابدا ابدا خصوصا هالنوعيه الانواع الثانيه جميله وقد كتبت عن ثنين روعه بس العلبه اللي يكون فيها ابيض الظاهر فيها مشكله ومشكلتها سايحه بزيادة .

مسكارا استي لودر ..مادري شلون شريت هالمسكارا سيئه وثقيله بس خلصتها عشان حرام فلوسها 

الثانيه ماتخفى على الكثير واستغرب من الناس اللي يحبونها واحسدهم واقول الله يهنيكم : ) ماضبطت معي ابدا 

هالمنتج  من تو فيسد قلوس شفاف يتحول للون وردي ثابت فكره هالمنتجات حلوه للمراهقات مشكلته يدبق وانا ماحب هالنوعيه ابد بس للامانه القلوس ثابت من بكرا ماراح : ) . 

فرشه ماك ١٨٧ من زمااااان شاريتها هالفرشه واقدر اقول ماستفدت منها بالشكل اللي كنت اتمناه كبيره مره فيه اصغر منها هي اللي ممتازه (اهم شي ظل يديني بالتصوير متحمسه هههه ).

ماسك للشعر من بوتس .. بعترف لكم اعتراف .. منتجات بوتس ماتفقنا انا وياها ابدا مدري العله مني او منهم اشياءهم مغريه ومتنوعه لكن الجوده سيئه على الاقل الاشياء اللي جربتها قريبه لمنتجات كارفور .

الماسك لو ما احطه يطلع شعري احسن < اسهل وصف : ) 

اللي جمبه مدري وشو بالضبط هههه فعلا مادري شريته والبائع قال لي تحطينه بعد الاستحمام ويخلي الشعر الكيرلي كيرلي بشكل مرتب مالاحظت هالشي ابدا يخلي الشعر دهني قريسي ! 

نجي للشي اللي ندمت وماندمت عليه هالشمعه من لوكسيتان روحوا للمحل وشموها بس يالهي اجمل ريحه شمعه شميتها بحياتي روووووعه مميزه وفخمه وتنفع عطر .. المشكله لم احترقت ماحترقت بالتساوي يعني اللحين فيه شمع كثير على الحواف حاولت اميعها ماقدرت يوم رحت لوكسيتان اخر مره قال جربي الزيت ترا احسن معترف ان فيها مشكله ! صرت افتحها واشمها واسكرها :(

وبس خلصنا .. : )
*للاشتراك في مدونتي اضغطي على الرابط الموجود في اليمين بالضغط على .

*  هنا التويتر ( تويتر نوره بيوتي بوكس )

كيف تحطين الروج الأحمر How to Wear Red Lipstick

اللون الاحمر يعتبر من اقدم الوان الاروج في عالم الميك اب وكثير منا يتخوف يحط  روج احمر بعضهم يقول مايليق لي وبعضهم تقول احسه تو متش ومبالغ فيه .
اللي اتفقوا عليه اميك اب ارتست من جميع انحاء العالم ان الروج الاحمر مناسب لكل انثى .. وطبعا يختلف احمر عن احمر
بالنسبه لي اعشق الاحمر وما عمري ترددت اشتريه .. ميزته يعطي فخامه وانوثه بشكل جميل ويناسب جميع الاعمار الا اذا كنتي مراهقه ف ما انصح فيه .
بالنسبه للمناسبات انتي تقدرين تحددين وش يناسب وكل واحد وذوقه لكن غالبا يفضل الروج الاحمر مع مكياج خفيف وناعم عشان يكون التركيز على شفايفك وتبرزين جمال اللون ♡♡♡   .
الروج الاحمر روج يونيفرسال ينباع بكل مكان وبكل وقت وبكل مكان تلقين احد يحطه تقدرين تحطينه بالشتاء والصيف وبآي وقت بشرط تختارين الميك اب المناسب معه . 
لو بتروحين تشترين روج احمر من اي ماركه راح يطلع لك مليون لون شي على اورنج وشي على وردي وشي غامق .. الخ
اهم شي تتأكدين تشترين باضاءه كويسه عشان ماترجعين للبيت ويطلع لك لون ثاني ♡♡♡.
انواع البشرات المناسبه :
بالنسبه للبشرات يفضل :
1- الاحمر اللي جاي على اورنج يكون جميل على البشرات الدافيه
2- الاحمر اللي جاي على وردي يكون جميل على البشرات الباردة 
واذا كنتي تبين تحطين احمر بشكل يومي اختاري الاحمر اللي يجي على لون التوت ..
أرواجي الحمراء : نجي لأرواجي الثلاثه الحمراء المفضله ودايم استخدمها ممكن تختارين اللي يناسبك منها ♡♡♡  :

  
رشن ريد من اشهر ارواج ماك لونه احمر اصلي تركيبته مات ثابت لاكثر من ٦ ساعات .

ريفلون ايس اند تشيري رقم ٧٢٠ احمر على وردي تركيبته كريميه ثابت لاكثر من ٦ ساعات .

برجوا روج فاشن رقم ٧٦ احمر فاتح تركيبته كريمي فيه نسبه ترطيب ثابت لاكثر من ٥ ساعات .
* مده الثبات بدون اكل وشرب 
كيف احط الروج الأحمر ؟ 
يعتبر اللون الاحمر لون صعب نوعا ما يبي له فرشه ودقه بالرسم .. اول شي تتأكدين ان شفايفك مقشره ومرطبه .. بعدها ترسمين بالمحدد الاحمر مب شرط نفس درجه الروج بعدها ترسمين الروج بشكل ثقيل كطبقه اولى بعدين تطبطبين بالمناديل على الشفايف وترسمين مره ثانيه وتمتعي بروج احمر ثابت طول اليوم : ) ♡♡♡
هاذي من اروع ارواجي الحمراء اتمنى تستفيدون من هالتدوينه واذا عندكم لون احمد ترشحونه لي علموني  
للاشتراك في مدونتي اضغطي على الرابط الموجود في اليمين بالضغط على .

* وللأستفسارات السريعه والمتابعه انا موجودة على التويتر ( تويتر نوره بيوتي بوكس )