اللون الاحمر يعتبر من اقدم الوان الاروج في عالم الميك اب وكثير منا يتخوف يحط روج احمر بعضهم يقول مايليق لي وبعضهم تقول احسه تو متش ومبالغ فيه .
اللي اتفقوا عليه اميك اب ارتست من جميع انحاء العالم ان الروج الاحمر مناسب لكل انثى .. وطبعا يختلف احمر عن احمر
بالنسبه لي اعشق الاحمر وما عمري ترددت اشتريه .. ميزته يعطي فخامه وانوثه بشكل جميل ويناسب جميع الاعمار الا اذا كنتي مراهقه ف ما انصح فيه .
بالنسبه للمناسبات انتي تقدرين تحددين وش يناسب وكل واحد وذوقه لكن غالبا يفضل الروج الاحمر مع مكياج خفيف وناعم عشان يكون التركيز على شفايفك وتبرزين جمال اللون ♡♡♡ .
الروج الاحمر روج يونيفرسال ينباع بكل مكان وبكل وقت وبكل مكان تلقين احد يحطه تقدرين تحطينه بالشتاء والصيف وبآي وقت بشرط تختارين الميك اب المناسب معه .
لو بتروحين تشترين روج احمر من اي ماركه راح يطلع لك مليون لون شي على اورنج وشي على وردي وشي غامق .. الخ
اهم شي تتأكدين تشترين باضاءه كويسه عشان ماترجعين للبيت ويطلع لك لون ثاني ♡♡♡.
انواع البشرات المناسبه :
بالنسبه للبشرات يفضل :
1- الاحمر اللي جاي على اورنج يكون جميل على البشرات الدافيه
2- الاحمر اللي جاي على وردي يكون جميل على البشرات الباردة
واذا كنتي تبين تحطين احمر بشكل يومي اختاري الاحمر اللي يجي على لون التوت ..
أرواجي الحمراء : نجي لأرواجي الثلاثه الحمراء المفضله ودايم استخدمها ممكن تختارين اللي يناسبك منها ♡♡♡ :
رشن ريد من اشهر ارواج ماك لونه احمر اصلي تركيبته مات ثابت لاكثر من ٦ ساعات .
ريفلون ايس اند تشيري رقم ٧٢٠ احمر على وردي تركيبته كريميه ثابت لاكثر من ٦ ساعات .
برجوا روج فاشن رقم ٧٦ احمر فاتح تركيبته كريمي فيه نسبه ترطيب ثابت لاكثر من ٥ ساعات .
* مده الثبات بدون اكل وشرب
كيف احط الروج الأحمر ؟
يعتبر اللون الاحمر لون صعب نوعا ما يبي له فرشه ودقه بالرسم .. اول شي تتأكدين ان شفايفك مقشره ومرطبه .. بعدها ترسمين بالمحدد الاحمر مب شرط نفس درجه الروج بعدها ترسمين الروج بشكل ثقيل كطبقه اولى بعدين تطبطبين بالمناديل على الشفايف وترسمين مره ثانيه وتمتعي بروج احمر ثابت طول اليوم : ) ♡♡♡
هاذي من اروع ارواجي الحمراء اتمنى تستفيدون من هالتدوينه واذا عندكم لون احمد ترشحونه لي علموني
للاشتراك في مدونتي اضغطي على الرابط الموجود في اليمين بالضغط على
.
* وللأستفسارات السريعه والمتابعه انا موجودة على التويتر ( تويتر نوره بيوتي بوكس )
يعطيك العافيه^^
ReplyDeleteجربت ماك ومرا كويس واعطيه 10/10
ممتاز ... ويعافيك يارب
Deleteفي ماك في روج احمر مات وفظيع لاحظت ان حتى البنات اللي مايحفظون اسامي الارواج يكونون عازفين هالروج الا وهو Ruby Woo
ReplyDeleteكم مره اسأل عنه مخلص .. يعطيك العافيه
Deleteانا استخدم مثلك revlon والاحظ انه يثبت حتى مع الأكل والشرب وشكرا على التدوينة الحلوة
ReplyDeleteمره ثابت ريفلون وينفع صباحي جميل ... شكرا على المتابعه
Deleteيعطيك العافيه هل تبع برجوا الاندرتون له ازرق ؟
ReplyDeleteيعتبر ازرق الاندر تون
Deleteويعافيك يارب
أنصح بثلاثة ألوان للخريف من ماك رائعة : Ruby Woo + Diva + Rebel
ReplyDeleteمشكوره على النصايح الله يسعدك
Deleteروعه التدوينه .. هيك مواضيع والا بلاش
ReplyDeleteمرررا شوكرن والى الامام
الف شكر لك انتي على المتابعه : )
Deleteعجزززت اغامر و اشتري هاللون :$
ReplyDeleteبسألك وش رايك بفرش مكياجي للبلاشر وياليت تعطيني رقم وحدة تنفع للبلشر... لان صراحة اودي بالغالي
مكياجي قد جربتها من ست سنوات يمكن وسيئه جدا مانصحك فيها
Deleteجربي تشترين من h&m انا شريت منهم قحت اي شدو وروعه
السلام عليكم غلآتي أنا من اشد المتابعين لتدويناتك ومواضيعك الاكثر من روعه
ReplyDeleteالله يحقق لك ماتتمنينه , ويوفقكك جعله بموازين حسناتكك ()"
عندي كم استفسار
أنا ابي اشتري مكياج وابي اخذ شورك قبل اشتريهه
وخبرتك كمان ابي تقولين لي وش الاساسيات من كونسلر وغيرهه وفرش المكياج وكذا
لاني مو مرا بالمميك اب أعرف بعض الاشياء مو كلها مثل رسم العين بالاي لاينر ورسم الحواجب ببودرة بودي شوب ولقيت لك موضوع عنها ومرا جمييل موضوعك والبودرة فعلاً روعه
بس الظل اكثر شيء ماني قادرة اتعلمه وبما إني لسى بنوته ف ماأفكر كثير بموضوع الظلال
بس حابه اتعلم هالسنه عشان الجامعه وكذا :$
وان شاء الله بشتري علبة ظلال نيكد 1 مرا حمسني موضوعك اشتريها
وعذراً ع الاطاله "$
وش هالتعليق الجميل الله يسعدك ولله افرح جدا بالمساعده لو بالشي البسيط ..
ReplyDeleteاذا كان للجامعه افضل شي تحطين مرطب على حسب نوعيه بشرتك وبعدها الواقي من الشمس وبعدها الكونسيلر .. لان صعبه تحطين يوميا كريم اساس وتقدرين تشترين كريم اساس خفيف وتستخدمينه بشكل شبه يومي او كتغير لو حابه ..
الشدو لو اخذتي نيكد جميله جدا للاستخدم اليومي لو حطيتي لون او لونين ودمجتي الوانها ناعمه وتنفع للصباح وفيه عندك علبه من تو فيسد قد كتبت عنها برضو جميله جدا
فيه موضوع قد حطيته مكياج البنت الجامعيه حلو لو اطلعتي عليه
واي مساعده انا حاضره
http://norahbeautybox.blogspot.com/2012/08/blog-post_15.html
http://norahbeautybox.blogspot.com/2012/08/blog-post_8.html
http://www.superbwallpapers.com/celebrities/victoria-justice-7083/#
ReplyDeleteابغى درجة الألوان هذي من ريفلون او ريميل
http://www.webhatti.com/makyaj-sac-ve-cilt-bakim/569180-bihter-makyaji.html
الصوره الثانيه ، الروج
http://img.khleeg.com/imgcache/2013/05/73079.jpg
http://www.9ori.com/media/images/aae2712636.jpg