مقارنه نيكد و نيكد الثانيه Urban Decay Naked 1 vs. Naked 2

 السلام عليكم ...♥ ♥ ♥
بدايه حابه اوضح انه يمكن يكون هالموضوع مستهلك بالنت ... وكثير مواضيع عن هالمقارنه لكن تقديرا لقراء مدونتي راح اطرح وجهة نظري بخصوص هالعلبتين لأن كثير يسألوني بالمدونه او على الايميل اشتري نيكد الاولى ولا الثانيه ؟ وش افضل ؟ 
ان شاء الله اكون واضحه واعطيكم تصور للي يناسبكم ..♥ ♥♥ 
نيكد طلعت قبل سنتين تقريبا واشتهرت بالجوده والألوان المناسبه للجميع والثبات وهي من ماركه اربن داكاي الشهيره مؤخرا .♥ ♥ ♥
اللحين نجي لللمقارنه طبعا الآلوان تختلف تماما مافيه الا لون واحد متكرر اللي هو HALF BAKED الباقي الوان ثانيه ممكن احد يشوفها الوان مقاربه لكن لو تجربين راح تلقين اختلاف وعلى العين راح تكون التأثيرات غير ..
العلبه الثانيه علبه اصدار مختلف يعني ماهي تطوير للجوده او نيكد الأولى كان فيها اخطاء مثلا وعدلوها لا .. هم أخذوا الأسم لأنه نجح تجاريا فحبوا يكون هالنجاح لنيكد 2 
العلبه الأولى فيها لونين مطفيات والباقي لامع اما نيكد تو فيها 3 الوان مطفيه و9 الوان لامعه 
نيكد جاي معها فرشه شعيراتها صناعيه للتوزيع الفرشه عاديه جدا وجاي معها برايمر حجم صغير هالبرايمر اجمل برايمر جربته قد كتبت هنا عنه وعن برايمر تو فيسد
نيكد 2 يجي معها فرشه صناعيه برأسين فرشه للتوزيع وفرشه للدمج فرشه التوزيع عاديه برضو اما الدمج جميله جدا يجي مع العلبه برضو قلوس ماحبيه ابدا وتمنيت بداله برايمر
الوان نيكد تدرجاتها برونزيه وبنيه وفيها اللونين الأخيرين المعدنيه 
الوان نيكد تو طبيعيه ومعدنيه وفيها لون اسود مطفي وهذاي اعتبرها ميزه ..
مرايه نيكد تو اكبر من نيكد 
علبه نيكد مخمليه بالنسبه لي اعتبرها اجمل من الحديديه يمكن لأني ماحب الحديد :/ 
طبعا لو بتختارين بين الثنتين حددي وش الوانك المفضله لأن زي ماقلت الجوده والثبات كلهم ممتازين اذا تبين الوان برونزيه وذهبي اختاري نيكد اذا تبين الوان دافيه ومعدنيه وطبيعيه اختاري نيكد تو ...

اتمنى تكون هالتدوينه مفيده وتحدد لك خيارك  والقرار اعتبره سهل لأن كل الثنتين علب جميله والوانها رائعه وتناسب جميع الوان البشره لمختلف الأعمار يعني سواء اخترتي الولى او الثانيه بأذن الله راح تعجبك وتستفيدين منها .. ♥ ♥ ♥
الماركه مش موجوده حاليا بالسعوديه ممكن تلقونها بدول الخليج او تطلبونها من مندوبات ويوصلونها لأي مدينه بالسعوديه .
سؤال كم مره قلت نيكد ؟ يإلهي
*للاشتراك في مدونتي اضغطي على الرابط الموجود في اليمين بالضغط على .

* وللأستفسارات السريعه والمتابعه انا موجودة على التويتر ( تويتر نوره بيوتي بوكس )