مرحبا بنات شلونكم ؟ ان شاء الله بخير : ) .❤.❤
هالريفيو انطلب مني كثير من زمان ان شاء الله يعجبكم ويفيدكم ولو اني تأخرت فيه
اول شي بتكلم عن البي بي كريم باختصار :
هو منتج قديم كانوا الاسيوين يستخدمونه ولما عرفوا شركات التجميل الغربيه عنه كل شركه انتجت بيبي خاص فيها
طبعا بشرات الاسيويات لها خاصيه معينه نظرا لبيئتهم واكلهم تلاقون ام 80 سنه زي بشره ام 50 عندنا فشي طبيعي ان هالمنتج يناسبهم جدا ويضيف لبشرتهم رونق خاص فيهم اكثر مننا ❤.
تعريف البي بي كريم :
البي بي كريم مكوناته غير ضاره وكيميائيه ويرطب ويعطي البشره نضاره ويعالجها ( هالكلام مب بالضروره صحيح )
الماركات المشهوره اغلبها نزلت لها بي بي كريم اللي فاشل واللي ممتاز واللي خفيف واللي كانه كريم اساس وهكذا ... انا عن نفسي ماكنت متحمسه اجربه من ايام الاقلاع وانا اشوف التجارات يبيعون الكوري حسيته موضه وبتروح .. لكن بعد مده بديت اجرب من كم ماركه وفيه اللي عجبني وفيه اللي لا .. راح استعرض معكم بهالتدوينه تجاربي لست انواع بي بي كريم اتمنى يعجبكم وتستفيدون واسفه اني تأخرت بالريفيو بس قلت اجرب هالكريمات فتره عشان احكم صح ❤ ❤ ❤: )
بي بي كريم سماش بوكس :
جميل جدا واعتبره كريم اساس خفيف تغطيته متوسطه قوامه ثقيل شوي فيه حماية من الشمس انصح فيه اللي تبي تغطيه اثقل من البي بي كريم الخفيف
بي بي كريم بودي شوب :
يجي منه 3 درجات 1 و2 و3 انا اخترت 2 قوامه ابيض ومع الدمج يتحول للون بشرتك تغطيته خفيفه لازم يتثبت بودره اشوف انه يدهن بعد كم ساعه .
بي بي كريم بوبي براون :
ممتاز وهو افضل واحد جربته يناسب البشرات الصفراء اكثر من الورديه تغطيته متوسطه ثباته ممتاز ويدمج بسهوله على البشره فيه نسبه 35 حماية من الشمس .
بي بي كريم قارنيه :
كثير يسبون هذا البي بي انا ماشفت انه سيئ خصوصا اني ادمجه مع اساس احيانا ويعطيني تغطيه حلوه قوامه كريمي يندمج بسهوله
مافيه حماية من الشمس .
بي بي كريم مايبلين :
تغطيه خفيفه جدا عجبني قوامه وتركيبته كثير احطه اذا بغيت طله خفيفه مع شوي كونسيلر ويطلع جميل جدا انصح فيه المراهقات اللي يحبون التغطيه الخفيفه بالمدرسه مناسب لهم و نسبه الحمايه من الشمس 30 .
بي بي كريم لوريال :
اول ماحطيته لاحظت كم وحده قالوا بشرتك منوره للاسف الشديد ماقد شفته باسواقنا انا شريته من السوق الحره من دبي تغطيته خفيفه قوامه ابيض ويندمج بسهوله فيه حماية بسيطه من الشمس 12 بالميه بس الشي اللي ماعجبني فيه انه يترك ملمس ترابي خفيف .
اللي محتاجين تعرفونه بحطه بهالنقاط ❤ :
1- البي بي كريم يناسب البشرات الصافيه اكثر من البشرات المتضرره
2- البي بي كريم عاده فيه دهون لان هو اللي يخلي قوامه كريمي ويعطي اضاءه للوجه لذلك تحتاجين تثبيت بودره خصوصا اذا كانت بشرتك دهنيه
3- البي بي كريم غالبا تغطيته خفيفه الي متوسطه فأذا انتي تدورين شي ثقيل ما انصحك فيه
4- اغلب البي بي كريم يجي بثلاث درجات لايت ميديم ودارك .
وهذا كل شي عن البي بي كريم اتمنى استفتدوا من هالتدوينه واللي جربت اي نوع او انواع ثانيه تقرد تترك تعليق هنا او منشن بالتويتر❤ ❤.❤
- *للاشتراك في مدونتي اضغطي على الرابط الموجود في اليمين بالضغط على
- تلقوني هنا على التويتر
انستقرام : norahbeautybox
- إذا حابين تطلبون من سيقما هذا كود التخفيض تحطونه قبل ماتسوون تشيك اوت ويخفض لكم ١٠ بالميه RSR2013 وهنا موقع سيقما
- اشوفكم على خير
مرحبا .. ان شاء الله تكونوا بخير جميعا ..
قبل فتره كنت مسافره وجمعت مشترياتي المكياجيه وقلت اكتب عنها .. اول مره اعرض مشترياتي لاني اشتري شي واحد او اثنين فماتسوى اسوي تدوينه ولو عجبكم هالموضوع اسوي بين فتره وفتره نبداء بسم الله بفتح الأكياس :
بلشر اسمه beg من الاماسكا .. كثير اسمع عن فاونديشن وبلشرات هالماركه قلت اجرب بلشر منهم لونه وردي غامق مع التوزيع يطلع وردي فاتح طبيعي ..
كونتور واضاءه كريميه من توم فورد جميل جدا بس يبي له توزيع احترافي فيه اغمق من كذا رقمه 2 انا اخذت الفاتح رقمه واحد
مثبت الميك اب من اربن داكي مشهور هالمثبت وهو تابع لشركه سسكندنيفيا مابعد جربته ..
حابه اشكر ساره وندى استفدت من تدويناتهم
الروج الكريمي من سان لوران كتبت عنه ندى هنا شريت رقم خمسه متحمسه اجربه وهو عباره عن روج كريمي ثابت يجي منه 24 لون ..
وهنا قلدت سارا بالكتاب قد كتبت عنه بتدوينتها هنا الكتاب يفتح النفس ويشهي بالميك اب
من الصيدليه اخذت من لوريال بي بي كريم والروج اللي على اليمين كولور ريتش رقم ٣٧٨ والثاني اللي بالوسط روج على قلوس رقم ٠٤
وهذا شريته من هنا من سيفورا من ماركه تو فيسد هو عباره عن قلم محدد شفاف تحددين فيه شفايفك عشان مايطلع الروج على برا متحمسه اجربه مره لان دايم مع الالوان الغامقه زي الاحمر تخافين يطلع شكل الروج على الحواف وانواع الحوسه .
برونزر شانيل كريمي من سنتين ادوره والحمدلله لقيته لونه احس يقبل على كل البشرات كميته كثيره احس يكفي سنين ..
واخيرا من ماك فرشه رقم ١٠٩ وشدو فلوف PHLOOF! جميل ينفع اضاءه تحت العين او بيس او شدو لوحده.
ومع هالمشتريات اكيد مانسيتكم الهديه راح تكون بالت نيكد اخترت هاذي لآن اكثر الناس حبوها اكثر من بالت 2 كل اللي عليك تتركين تعليق وتحطين ايميلك وبعد اسبوعين ان شاء الله راح اختار وحده منكم بشكل عشوائي ولاتنسين تسوين فلو بالتويتر هنا .
الفائزه هي صاحبه الإيميل Nimon-07@hotmail.com راح اتواصل معك للتفاصيل مبروك وحظ اوفر للباقين ان شاء الله الجاي افضل خليكم قريبين
*للاشتراك في مدونتي اضغطي على الرابط الموجود في اليمين بالضغط على
اشوفكم بخير ..
مرحبا فيكم ... ان شاء الله كلكم بخير ...احس من زمان مادونت قلت يابنت اتركي الكسل واكتبي طبعا تأخر الوقت على مفضلات ديسمبر وتأخر الوقت على مفضلات ٢٠١٢ فقررت اكتب عن ٢٠١٢ مره وحده وان شاء الله تستفيدون من هالتدوينه ..
الوجه /
اول شي نبدا بافضل فاونديشن .. فاونديشن شانيل فيتالومير غني عن التعريف خفيف وتغطيته متوسطه سهل بالدمج وهذا اجمل شي فيه
الكونسيلر من بوبي براون ... بوبي براون ممتازه بمنتجات الوجه سواء اساس او كونسيلر او بودره واذا لقيتي درجتك المناسبه اضمن لك راح تكونين راضيه عن مكياجك .
البلشر من تارت اعتبره من اجمل البلشرات اللي جربتها يكفي انها طبيعي لونه طبيعي وثباته رائع .
اضاءه
ديور امبر دايمند قد كتبت عنها هنا اضاءه جميله وناعمه وكل شي حلو بالدنيا
شريتها من موقع ساكس فيث افنيو .. اتمنى ينزلونها هنا تستحق الشراء .
الأدوات /
البيوتي بلندر جميله جدا جدا مع الاساس سهله بالاستخدام وناعمه على الوجه يمكن اللي يقهرني فيها احس انها تمتص الاساس مع اني قد شفت فيديو وحده قاطعتها من النص وتقول شوفوا مافيه اساس جوا وهذا دليل انها ماتمتص > ياحسافتها يوم قصتها :(
المهم انصح فيها مره توزع الاساس بشكل طبيعي
الفرشه الثانيه فرشه انقلوت للعيون وش اقول عن هالفرشه ؟ اعتبرها من فرشي المفضله المحبوبه تدمج بشكل خفيييييف ومركز لو بغيتي تدمجين لون غامق على كسره الجفن هاذي ممتازه لهالشي زي هالصوره
العيون /
الشدو صعب الاختيار لأن مكياج العيون نحب نجدد فيه كل يوم فما بالكم سنة كامله !!... طبعا نيكد ٢ ابهرتني زي الاولى مع اني اول متردده اخذها ولا لا بس الحمدلله استفدت منها
ولو بختار لون واحد راح اختار All That Glitter هالشدو بدون مبالغه ماقد حطيته بأي مكان الا احد يمدحني عليها طريقتي استخدمه على كامل الجفن مع كحل كات ايز عريض واجمل لوك اضمن لك بيطلع لوك انيق وناعم .. هذاي الصوره من النت توضح اللون
الشدو الكريمي يفك ازمه ولما تحطينه ويكون يعطي لونين تحسين مكياجك جميل ومرتب كثير اجرب نوعيات وهالسنه طحت على شدو كريمي من بنفت اللون موف على بني ثابت ومايتكتل وسهل بالدمج دايم اذا مالي خلق احط شي احطه مع مسكارا وفعلا يرضيني الالوان اللي منزلينها قليله بس كلها روعه .
الحواجب ماجربت شي جديد هالسنة وبقيت على بودرة الحواجب من بودي شوب .. وصايره احط مرطب بشكل خفيف جدا يعطي لوك طبيعي
الكحل كحل ماك الكريمي من اشهر انواع الكحل وقليل جدا القى احد مايحبه سواد بس يبي لك فرشه واستمتعي باجمل كحله
المسكارا
شوكينق من سان لوران جميله هالمسكارا مررره يمكن بالآول ماعجبتني لأنها
جمعت الرموش بس مع كل استخدام احبها اكثر وفعلا قد قريت مقال تجميلي يقولك
فيه نوع مسكارات تتحسن مع الوقت .. يعني لاتيأسين من المسكارا على طول
جربيها كذا مره .
الشفاه /
الارواج .. السنه هاذي الروج اللي حسيت اني حبيته ويستحف افضل روج هو روج سان لوران رقم ١٣ مع اني ماستخدمته طول السنه تقريبا الصيف بس .. لكن ثباته ولونه يستحق يكون افضل روج .. وكثير سمعت مدح على كل كولكشن روج كتور
القلوس من نكس جميل وطبيعي وريحته توت انصح فيه حتى اللي ماتحب القلوسات اسمه (ناتشورال ) .
المناكير /
المناكير ريفلون سموكي كانفس جميل هاللون ويحلي اليد بشكل .. ولونه غريب بس مب بشكل ملفت .. انا من النوع اللي احب احط مناكير كثير وبنفس الوقت احب الشي اللي يكون شيك ويليق مع كل شي وبكل وقت وهذا منقذني الحمدلله .
عطر /
العطر من بنيفت اسمه ايفا عطر جميل وساحر ومافي احد ماراح يحبه .. فعلا هذا العطر اللي راح يتفق الجميع انه جميل من كثر ماهو حلو صرت اشتريه هديه لصديقاتي وقريباتي واضمن انه يعجبهم ... بينفت منزلين ٦ عطورات كلهم حلوين جربوهم : )
العنايه /
من اليمين مرطب يدين من لوكسيتان معومه فائقه باختصار
اللي جمبه مرطب من ستيفس بالخوخ استخدمه بالاسبوع مره جميله ولطيف
اللي جمبه سيتافيل عرفته من مدونه كات واك قلام الله يسعدها روعه واتوقع اني راح اعتمده بحياتي
الشامبو طبي اسمه كاستاليا صراحه قللللل التساقط عندي بشكل واضح الحمدلله جربت قبله فيتشي لكن هذا افضل
اللي فوق ماسك من لوريال وماسكات لوريال كلها ممتازه واهم شي ماتخلي الشعر دهني .
هالمنتج
اكثر منتج تكلموا عنه الناس هالسنه والسنه اللي قبلها ... مزيل مكياج ناعم
على البشره وينظف اذا كان موجود بمدينتك انصحك وبقوه تشترينه : )
واخيرا شموع باث اند بودي غرامي وعشقي مع انهم يقولون مضره بس احبها .. واجمل وحده جربتها وراح اشتريها مره ثانيه ان شاء الله هي تشيري بلوسم اشغلها تحت واشمها فوق ريحتها تنتشر بكل البيت .. وبما ان باث تخفيضات انصحكم تستولون عليها بس خلوا لي وحده .
اتمنى لكم سنة جميله يارب تتحقق فيها امنياتكم وتزيد نجاحتكم .
*للاشتراك في مدونتي اضغطي على الرابط الموجود في اليمين بالضغط على .
استجابه للجميلات ندى وهيا مدوناتهم هنا و هنا راح اقولكم عن عشر منتجات ما استغني عنها
بالنسبه لي عشر شوي وجلست اضيق على نفسي لين طلعت عشر بس هالاشياء فعلا ما استغني عنها وفيه منها خلص وشريته مره ثانيه لان تجربتي كانت ممتازه ومايخيبون ظني ابدا نبتدي بسم الله الصوره الاولى :
1 / مايخفي عليكم بالت نيكد اشهر بالت عرفها التاريخ استخدمها بشكل يومي تقريبا مب شرط احط كم لون احيانا استخدم منها اضاءه فقط او كونتور دايم الجأ لها.
2 / مسكارا بنفت القديمه باد قال من اجمل المسكرات اللي جربتها وناسبتني بقوه ورجعت اشتريتها كذا مره تكثف وتطول وفرشتها تجنن .
3 / بلشر كريمي من نيكس جميل هاللون بشكل طبيعي كثير استخدمه وما استغني عنه واجمل شي انه سلس وثابت وسعره ممتاز
4 / روج فيفا قلام v من ماك اللي متابعه مدونتي تعرف قد ايش احب هاللون ينفع مع كل شي واي شي واي وقت احبه مره تغطيته متوسطه لونه نيود وفيه لمعه خفيفه جدا .
5 / كونسيلر بوبي براون هالكونسيلر اعجوبه يجننن ويخفي العيوب وكأن بشرتك صافيه تماما احيانا ماحب احط كريم اساس ف احط الكونسيلر وبس لو خلص برجع اشتريه .
الصوره الثانيه :
6 / العلبه الشفافه الكبيره مزيل مكياج ومنظف للبشره من بايودرما اشهر مزيل وكثير سمعوا عنه اول شي ماعجبني بس مع الايام حبيته وصرت ما استغني عنه يزيل المكياج بشكل ناعم وماتحسين بحساسيه او شي من هالقبيل .
7 / فرشه البلشر من ريل تكنيك هالفرشه نااااااعمه بشكل خيالي احس متعه وانا احط البلشر مع انها كبيره بس توزيعها خطير وتمسك اللون اهم شي
8 / الفرشه النحيييفه وهل يخفى القمر فرشتي المحبوبه من سماش بوكس للكحل قد كتبت عنها كثير
9 / العلبه السوداء كريم مرطب للبشره من بودي شوب احطه باي وقت واحطه لو بغيت احط ميك اب روعه رووووعه خفيف ومافيه زيوت وتمتصه البشره بسرعه وفيه فيتامين E ومناسب لجميع انواع البشره .
10 / مرطب اليدين من لوكسيتان بزبدة الشيا يجننن هالمرطب ما استغني عنه مع ان ريحته ماعجبتني بس يديني ماقد صارت انعم من كذا .
اتمنى انكم استفدتوا واي وحده ممكن تشاركنا باشيائها اللي ماتستغني عنها : )
* للاشتراك في مدونتي اضغطي على الرابط الموجود في اليمين بالضغط على .
بوبي براون ماركه مكياج لسيدة امريكيه اسمها بوبي براون تعتبر هالماركه من الماركات الجديدة نسبيا لكن اشتهرت بشكل سريع اي شي ناجح وجودته ممتازه اكيد بيشتهر .. : )
الماركه عندنا بالرياض في محلات هارفي نيكلس الخدمه اللي فيه جيدة المنتجات يمكن تتأخر ماتنزل بس غالبا تنزل احيانا اشتري منه واحيانا من برا وان شاء الله يفتحون عندنا محل كامل : )
قليل جدا تلقين احد شرى شي من بوبي براون وتحسف حتى المجموعات اللي تجي طقم / كت تجي جودتها ممتازه عكس كثير من الماركات باختصار لاتخافين تشترين منها بس اسألي وش يناسبك .
التدوينه بتكلم عن الومتينق برونزق باودر اول ماشريتها كانت لميتد اديشن لكن يوم شافوا نجاحها حطوها من ضمن المجموعات الدائمه .
هي بودرة برونز تعطيك قلو للوجه تقدرين تستخدمينها كحمرة/بلشر وهذا استخدامي لها غالبا احيانا اوزعها بفرشه بودره بشكل خفيف على كامل الوجه اكثر ميزه عجبتني انها تندمج على البشره بشكل سهل بما اني من عشاق المنتجات السهله اللمعه اللي فيه ناعمه تبين اضاءه بشكل عام العلبه كبيره نوعا ما يعني راح تكفيك مدة طويله قريت كثير ناس يستخدمونها ايام الشتا لان البشره تصير شهباء وباهته انا عن نفسي ماحطيت لها موسم معين احسها تنفع على طول .
سواتش:
* اتمنى تدوينتي حازت على رضاكم واستفدتوا تسعدني متابعتكم واشتراككم وتعليقاتكم :)
* للاشتراك في مدونتي اضغطي على الرابط الموجود في اليمين .
*متوفره في هارفي نيكلز الرياض سعرها ١٥٠ ريال
* او الطلب من النت من موقع ساكس فيث افنيو http://www.saksfifthavenue.com
