Sunday, 3 February 2013

ارواجي العشرة المفضلة من ماك My TOP 10 MAC Lipsticks


مرحبا فيكم في مدونتي 
احس من زمان ماكتبت مع انه شوي بس تعودت ادون بشكل اسبوعي 
اليوم بكتب عن افضل ١٠ ارواج من ماك بالنسبه لي .. ارواج ماك مشهوره ومتنوعه والألوان تقريبا اي لون يخطر على بالك موجود وهذا اللي يحبب البنات فيه سواء اللي تحب الناتشورال او الجريئ كلهم بيلقون اللي يبونه 
بالنسبه لبنات كثير يقولون ماك يشقق الشفايف بالنسبه لي ماشفت هالشي خصوصا اذا قشرتي ورطبتي شفايفك فماراح تلقين مشكله 
ميزه ارواج ماك غير تنوع الألوان وهو تنوع التركيبه من الشير للمات 
الاسعار اول كانت ارخص تقريبا ٨٦ واللحين رفعوا الاسعار للتسعينات وكل مالهم يزيدون مادري وش سياستهم ماك بارتفاع الاسعار :( 
قسمت ارواجي المفضله على حسب درجه اللون خمسه ناتشورال وخمسه ملونه وغالبا اكثر شي استخدمه النتاشورال بس بالصيف حلو  التغيير والجرآه او الشتاء بالمناسبات تحبين يكون التركيز عالي على الروج 
النتاشورال / الطبيعي :


من اليمين لليسار :
KINDA SEXY لونه وردي على نيود نوعه مات جميل مع رسمه كحل عريضه يعطي لوك فخم .
VIVA GLAM V لونه بيج على بني في لمعه خفيفه دايم امدح هاللون نوعه لستر
ANGEL لونه وردي طبيعي نوعه فروست ( روج كيم كارداشيان المفضل ) 
MOCHA لونه بني فاتح اعتبره نيود قد كتبت عنه وفيه توب يشبه له مره اللي عندها واحد تكتفي فيه نوعه ساتن 
BRAVE لونه وردي وفيه لمحه موف خفيفه روجي الصباحي المفضل نوعه ساتن 

 الوان جريئه / صارخه :
RUSSIAN RED لونه احمر فيه لمحه اورنج خفيفه جدا جميل جدا ومن افضل الارواج الحمراء اللي جربتها كثير ممثلات هوليود يعتمدونه نوعه مات .
UP THE AMP لونه موف جميل جدا بالنسبه لموف مع ان الموف مش مرغوب على الشفايف يعطي ايحاء كأنك تدخنين P: بس هذا غير نوعه امبلفايد .
IMPASSIONED لونه وردي فاقع جميل بالصيف مع التان نوعه امبلفايد .
REBEL لونه موف غامق ممكن تحطين طبقه خفيفه منه ويعطي وردي على موف خفيف لون البنات المفضل لون شتوي ماينفع بالصيف نوعه ساتن .
GIRL ABOUT TOWN لونه وردي فوشي جميل جدا هاللون ينفع بكل وقت من الالوان اللي اعشقها كثير قد كتبت عنه هنا مع بديل من ريفلون هنا نوعه امبلفايد.

 انواع ارواج ماك للفائدة : 
المات : هو المطفي وتغطيته ثقيله غالبا وقت ثباته اكثر من الباقي احيانا يجفف الشفايف يحتاج ترطيب ولتقشير لنتيجه افضل .
الساتن : هو تقريبا مطفي لكن فيه لمعه او اضاءه خفيفه مناسب للي شفايفه جافه ويبغون تغطيه ثقيله هذا نوعي المفضل
الفروست : لامع وتغطيته متوسطه .
امبلفايد : هو اللي يجي سهل وكريمي وتغطيته متوسطه واحيانا ثقيله فيه لمحه قلوسيه .
لستر : هو اللي لامع مره وتغطيته خفيفه وثباته خفيف الى متوسط . 

 اتمنى تعجبكم هالارواج وتساعكم بالتسوق وياليت تكتبون لي بالتعليق تحت وش ارواجكم المفضله من ماك 
اشوفكم بخير ..
فرش سيقما تخفيض ١٠ بالميه
http://www.sigmabeauty.com/?Click=344496

تحطين هالكود اذا سويتي تشيك اوت BASE2013
Posted by at
Labels:

28 comments:

  1. Unknown4 February 2013 at 00:34

    حبيت ارواجك ماشالله.. انا ارواجي من ماك ما يتعدوا 5 هههه
    حبيت REBEL ورراح اشتريه!

    Thanks for sharing <3

    ReplyDelete
    Replies
    1. Unknown4 February 2013 at 19:36

      راح يعجبك ريبل كثير ناس يعشقونه
      شكرا ايمان

      Delete
  2. weaam4 February 2013 at 11:30

    ماشاء الله تبارك الرحمن
    أرواجگ شي جمممميل جدا وأختيآرآتك متنوعة
    المجموعة الآولى،،
    آلوآنهآ كثير متشابهة وقريبه من بعض لكن هذا مايعني آنهآ مو حلوة بلعكس تناسب آجواء الصباح
    المجموعة الثآنية ،،
    كثير كثير حبيتها وخاصة اللون الاحمر درجة اللون خييال
    نآويه على لون نفسه من ريفلون كآن الله ييسر

    ReplyDelete
    Replies
    1. Unknown4 February 2013 at 19:37

      تسلمين ولله كلك ذوق
      اختي مثلك اذا شفت الالوان كذا تقول متشابهه بس ترا على الشفايف غير ولله
      الاحمر جميل جدا وفخم وثابت اذا لقيتي مثله في ريفلون علميني
      شكرا وئام

      Delete
  3. iZainab4 February 2013 at 17:32

    من زمان نفسي اجرب موكا
    عندي آنجل وكل ماخلص اخذت غيره
    حبيت المجموعة الاولى اكثر كوني احب الناتشورال لوك :)
    مع ذلك عندي كم لون جريء يشابهو المجموعة الثانية . بس انا مااطلع من دائرة الفوشي والدارك بينك والاحمر D:
    عليك بألف عافية واختيار موفق للارواج :*
    بإنتظار جديدك :)

    ReplyDelete
    Replies
    1. Unknown4 February 2013 at 19:39

      موكا وتوب نفس الشي تقريبا جربيه وراح يعجبك متأكده
      حلو الجرىء وتغيير عن المعتاد
      شكرا حبيبتي زينب

      Delete
  4. Femininity5 February 2013 at 10:44

    صباح الخير نورة
    موضوع يجنن خصوصا اني اكثر شيء احرص عليه في المكياج الروج
    مجموعتك رووووعة
    من الأولى عندي كيندا سكسي خورافي
    من المجموعة الثانية عندي راشين ريد اعتقد مافي مرأة بالعالم مو عندها هاللون حتى كاميلا
    وانصحك بروج عندهم خيالي مات اسمه DIVA
    كنت أدور على MEDIA نوعه ستين وقعدت فترة كل ما اروح يقولون خلص خلص لين دلتني وحدة فاهمة عالديفا وقالت لي هو نفس درجة الميديا بس مات قلت افضل وافضل
    احب المات لأن ثباتها أطول
    اتمنى تجربينه وتعطيني رايك .. لونه عنابي ماقد شافه احد علي الا سألني عنه
    متابعتك دايما ...

    ReplyDelete
    Replies
    1. Unknown5 February 2013 at 19:55

      هلا حبيبتي
      الروج جميل يختيو يعطي نهاية مرتبه الديفا كم مره شفته بس ماشريته عندي عنابي من ميك اب فور ايفر راح يعجبك مات مررررره بشوف التقارب بينهم اذا تبين اكتب عنه كتبت او اقولك رقمه < متعيجزه
      ياكثر الارواج اللي مب عندنا ان شاء الله يجيبونها
      تسلمين على المتابعه لي الشرف ولله

      Delete
  5. Anonymous5 February 2013 at 20:23

    ماشاء الله ارواجك جميله ياعسل *،*
    حبيت لون GIRL ABOUT TOWN وقعت بغرامه
    لازم احطه مع لسته هالشهر هههههه
    يعطيك العافيه ياعسسل وتتهني باأرواجك يارب ♥♥♥

    ReplyDelete
    Replies
    1. Unknown2 March 2013 at 19:35

      This comment has been removed by the author.

      Delete
  6. Unknown5 February 2013 at 20:40

    هلا حبيبتي منوره البلوق ... قيرل اباوت تاون فيه منه بديل من ريفلون مره يتشابهو
    ويعافيك ياربي تسلمين

    ReplyDelete
  7. Anonymous6 February 2013 at 15:26

    Hellllo
    Thank you
    Do u think I can find matte almost drying lipstick ? Form center pont ? Or any cheap lipstick

    ReplyDelete
  8. Unknown6 February 2013 at 16:35

    revlon have a mat lipstick and bourjois too
    check revlon 011 stormy pink and 003 mauve it over

    ReplyDelete
  9. Anonymous6 February 2013 at 22:20

    تجنننننننن ارواجك مشا الله بس ماعندي ولا واحد ههههه ان شاء الله اذا شريت بشتري من هاللسته
    الله يهنيك بصراحه متنوعه وجميله اكيد كل البنات بيستفيدون
    يازينك نوره كل مواضيعكك تجنن

    ReplyDelete
    Replies
    1. Unknown8 February 2013 at 20:18

      ياحلوك ولله ان شاء الله تشترين اللي يعجبك وتتهنين فيه
      شكرا لقرائتك ومتابعتك

      Delete
  10. Unknown14 February 2013 at 18:50

    نورا .....مجموعتك مررررا حلوة لكن ايش رايك ببنك نوفا وبارتى باروت؟

    ReplyDelete
    Replies
    1. Unknown14 February 2013 at 21:07

      تسلمين ياقمر ... بينك نوفا حلو بس ماهو من ارواجي المفضله بالاضافه انه يشقق الشفايف اكثر من غيره
      بارتي باروت ماقد جربته

      Delete
  11. Biology15 February 2013 at 15:17

    ..

    حلوه الالوان خصوصا النتاشورال عشقي الارواج خصوصا الطبيعيه
    والوانك خطفت البي
    انا على كل ماشتري ارواج لكن ماقد جربت ماك وقبل فتره اشتريت من ماك
    ولاحظت من جد شقق شفايفي قهرني لكن بسوي مثل ماقلتي برطبها واقشرها واشوف ^^
    لان من جد الوان ارواجهم تهوسس
    يعطيك العافيه ع البوست ياعسل آعجبني والله ^^

    ReplyDelete
    Replies
    1. Unknown15 February 2013 at 18:34

      كثير يتكون من نقطه التشقق انا مالقيت هالشي الا احيانا بالمطفي
      سوي اللي قلت لك وشوفي تسلمين ياقمر على هالطله والتعليق

      Delete
  12. http://classy.blogspot.com21 February 2013 at 09:04

    ارواجك جمميله تتهني فيهم حبيت الالون مرررره حلوين

    ReplyDelete
  13. Khadooj401 March 2013 at 21:00

    الله يعطيك العافية حلوة أرواجك ماشاء الله تبارك الله،، أنا ماجربت من أرواج ماك مرتاحة على ريميل
    أما ماك أخذت من عندهم ٣ ظلال ماندمت عليها أبدا

    ReplyDelete
  14. Khadooj401 March 2013 at 21:02

    لكني كتبت أسماء بعض الأرواج عشان أروح أجربها إن شاء الله،، حبيت أسألك عن فرش المكياج بإيش تنصحيني غير ماك؟؟

    ReplyDelete
    Replies
    1. Unknown2 March 2013 at 19:38

      اهلين حبيبتي ريميل حلوه ارواجهم بس ماتنافس ماك
      طيب عنك فرش سيقما وميك اب فور ايفر وريل تكنيك
      الله يعافيك ياقمر

      Delete
  15. Unknown14 March 2013 at 08:16

    نورا وش رايك بفرش مكياجي

    ReplyDelete
  16. Unknown15 March 2013 at 11:26

    جربت فرشهم من ٦ سنوات يمكن ومن افشل الفرش اللي جربتها ماعرف اذا تغيروا او لا

    ReplyDelete
  17. roos.oman199415 September 2013 at 04:20

    ماشاءالله
    عندي روج واحد من ماك بليز مي
    عجبني IMPASSIONED

    ReplyDelete
  18. Anonymous15 July 2014 at 06:24

    وش رايك ب dark said و ruby woo ?

    ReplyDelete

Subscribe to: Post Comments (Atom)