تجربتي للكوركتر الاورنج

مرحبا بنات اتمنى انكم طيبين ومبسوطين

بوست اليوم عن الكوركتر الارونج كيف استخدمه وافضل نوع جربته

اول شي انا مشكلتي سمار حول الفم والذقن جربت التقشير الكيميائي راح ورجع برضو جربت التقشير الخفيف بديفرين خف بس رجع اتوقع المشكله وراثيه اللي يضايقني إذا حطيت درجة الفاونديشن اللي تناسب كامل بشرتي على كل الوجه بدون كوركتر 

يقلب رمادي او يشهب ولا يطلع حلو ابد بعكس اذا استخدمت كوركتر اللون لكل الوجه يطلع متناسق ومتوحد  

وهذا اجمل شي بالميكب ان كل شي له حل

.

.

بالنسبه لي ضروري استخدم الكوركتر مع ان ماعندي هالات بس السمار يعتبر مثله بالضبط وينفع لهم اللون الاورنج او المشمشي حسب لون بشرتك 

L.A. GIRL corrector

كوركتر ال اي قيرل ماركة  اسعارها رخيصة وجودتها ممتازة اعتبره خيار جيد ويصحح بشكل ممتاز يعيبه الفرشه تمنيت انه عصار بدون فرشه 

MAC  studio finish corrector

كوركتر ماك تركيبته ثقيله وثابته اعتبره الافضل يصحح بشكل مثالي اللي جربوا كونسيلر ستديو فكس وعجبهم هذا نفس التركيبه

BECCA colour corrector

كوركتر بيكا خفيف ودهني ينفع للبشرات الجافه والعاديه بالنسبه لي بشرتي دهنيه فمانفع لي 

غير انه يصحح يعطي لمعه نضاره

MAKE UP FOR EVER radiant primer

اخيرا برايمر ميكب فور ايفر الاورنج اعتبره خيار سريع اذا ابي برايمر وكوركتر بنفس الوقت يصحح ويضوي الوجه ويثبت الميكب 

بالنسبه للكوركتر افضل شي تحطينه وتنتظرين شوي بعدين توزعين الفاونديشن واحيانا اوزعه واثبته بشكل خفيف ببودره لورا مرسييه بعدين احط  الفاونديشن 

بيكا: متوفره في سيفورا حصريا 

ال اي قيرل: متوفره في المصباح او سينما 

اتمنى عجبكم البوست وافادكم واذا جربتوا كوركترات عجبتكم علموني عنها بالانستقرام او هنا او سناب 

والقاكم في بوستات اخرى

 

بالت Artist Shadow من ميكب فور ايفر

مرحبا بنات
اتمنى انكم بخير وسعادة ..
اليوم البوست عن بالت ميكب فور ايفر اللي نزل شهر ديسمبر

قبل فتره نزلوا ميكب فور ايفر بالتين واحد الوانه ناتشورال وطبيعيه مره والثاني ملون وجريء وبعدها بفتره نزلوا بالت اختاروا فيه اجمل الالوان بالبالتين ودمجوها سوا .

تجربتي مع شدوهاتهم تجربه رائعه تنوع الوان وتركيبات مختلفه واجمل شي ان جودتهم ممتازه بعض الماركات تلقين الساتن عندهم ممتاز بس لما تاخذين لون مات يطلع تركيبته سيئه هالشدوهات اضمن لك كلها بنفس الجودة .

بوست كتبته السنه الماضيه عن بالتي الصغير منهم كثير بنات حبوا الالوان وقلدوني فيها D;   الالوان غريبه ويمكن ماتلقينها بالبالتات غالبا بالماركات الثانيه فحلو يكون اضافة لك هنا التدوينه 

صح نسيت اقولكم احيانا استخدم بعض الالوان بدون برايمر وتضبط معي وهاذي نقطه بعد ممتازه تحسب لهالشدوهات .

البالت يجي معاه سامبل مسكارتهم وقلم كحل ومرايه تلقونها متوفره في سيفورا او بوتيكات ميكب اب فور ايفر وهي ليمتد فتره وراح تنشال :(

اسماء الشدوهات موجودة بالصوره للي حابه لون معين :)

اذا عندكم اقتراحات او اي تعليق انا موجودة بالسوشل ميديا انستقرام تويتر ، سناب تحت هالاسم Norahbeautybox

القاكم على خير  ❤️

ريفير مبدئي عن اقلام الشدو من ميكب فور ايفر

مرحبا❤️
اتمنى الجميع بأفضل حال
وصلتني هالشنطه من ميكب فور ايفر قلت اسوي عنها ريفيو عباره عن اقلام شدو ومزيل مكياج للعيون الحساسه .

القلم الاول رقمه ٥٤ لونه وردي على بيج بلمعه جميل مره اللون من الالوان المفضله عندي اذا كان يعجبك لون all that glittir من mac فراح تحبين هاللون مره.
 القلم الثاني رقمه ٢٢ لونه ازرق بحري مطفي ممكن استخدمه ككحل خصوصا ان الوان الاكحال الملونه راجعه بس ماتوقع استخدمه كشدو على الجفن كامل الا اذا بيس للون كحلي مثلا .
الالوان كاول استخدام جميله وسهله جدا ممكن تحطينها لحالها لو مستعجله اجميل شي تدمجين الحواف بفرشه صناعيه مثل فرشه سيفورا رقم ٢٨ مخصصه وممتازه للشدوهات الكريميه  .
الشدوهات قريت انها ثابته وضد المويه تنفع مثلا لمكياج بحر وسباحه بس ماجربتها من هالنقطه .
مزيل المكياج جميل مره وشال الشدو بكل سهوله عاد اللون الازرق معروف يلطخ الدنيا بس بالنسبه لي شخصيا ماحب المزيلات الكريميه تزعجني مره .
اتمنى هالتدوينه اعجبتكم واستفدتو منها لاتنسون تسوون فلو بالانستقرام والتويتر .

السواتشز دايم احطها بالانستقرام .

القاكم على خير وكل سنه وانتم طيبين❤️

خمس أرواج عنابيه مناسبه لهذا الشتاء ❤️

صباح الشتاء القارس < مبالغه ههههه
من زمااان ماكتبت شي بمدونتي مدري هو كسل شتوي ولا شغل بس قلت دام اني صاحيه بدري خل اكتب شي يفيد البنات وان شاء الله يعجبكم هالبوست وتستفيدون منه 
الروج العنابي لازم بكل شتاء يكون موجود بالرن واي وغالبا يكون مع مكياج ناعم او بدون اي مكياج يادوب فاونديشن ومسكارا .
وكثير من البنات يحسونه جريئ وماينفع لاي مكان بالنسبه لي ماعندي قوانين على نفسي ولا على احد اهم شي تحطين الشي اللي مرتاحه عليه ❤️ .
بهالبوست حطيت كذا ماركه وكذا درجه كل وحده تشوف اللي يناسبها وتطير على السوق تشتريه ❤️ ❤️ ❤️ ❤️

من اليمين :
١- ريد فلفلت من الكولور برست اللي انتشرت قبل كم سنه مع اني ماحبيت نفس الارواج بس هذا اعتبره ممتاز لونه عنابي على احمر مميز ومايتكتل ويعطي على قلوس وغير انه مايجفف الشفايف يعني حطيه وانتي مرتاحه .

٢- ريميل رقمه ١٢٤ لونه عنابي على باذنجاني مره مميز بس يبي لها جرأه نادرا احطه قوامه ساتن يعني لا مطفي ولا قلوسي 

٣- ريميل رقمه ١١٢ من مجموعه كيت موس لونه عنابي هادي جاي على بني مره جميل وانيق واللي مبتدئه بالالوان العنابيه انصحها بهذا .

٤- ميك اب فور ايفر رقمه ٧ لونه عنابي عنابي مره جميل بس مشكلته مطفي مرررررره ويجفف الشفايف يعني لازم تقشير وترطيب قبله ثباته ممتاز .

٥- ميك اب فور ايفر رقمه ٤١ عنابي فاتح جاي على احمر قوامه ساتن جميل مره وثباته ممتاز زي اي روج من ميك اب فور ايفر .

 السواتشز دايم احطها بالانستقرام اتشرف بمتابعتكم ❤️ ❤️

• تلقوني هنا على التويتر   
•  انستقرام : norahbeautybox
• اللي عندها سؤال هنا الآسك 
•  اشوفكم على خير واعذروني على القصور ❤️ ❤️

مفضلات سبتمبر September Beauty Favourites

مرحبا بنات شهر سبتمبر من اجمل الشهور عندي وخلص بسرعه :( المهم كتبت لكم اهم المنتجات اللي علقت عليها الشهر اللي فات وكلها عاجبتني وانصح فيها بقوه نبدا بسم الله : ) 

ماك ستورب كريم من زمان عندي وتاركته جميل لو دمجتيه مع اي فاونديشن يعطيك نضاره صحيه فيه فوائد بتغذيه البشره بس انا استخدمه كمنتج تجميلي 

 يمكن كثير احط هالبالت من تو فيسد بس من جد جمييييله فيه ثلاث الوان مطفيه وست الوان لامعه واللامعه لمعتها جميله ماحسها ثقيله تقدرين تسوين منها مليون لوك .
الشدو اللي من ماك اسمه فلوف من زماااان وانا ادوره ودايم مالقاه الحمدلله لقيته وطحت فيه مررره ممتاز مع اي شدو وعلى مدمع العين وتحت الحاجب لونه لؤلؤي فاتح .

 بالفتره الاخيره صرت ماحط كحل اسود يمكن مليت وصرت طايحه على البني يجمل العين ويحددها وبرضو مب حاد زي الاسود .
اللي استخدمه من اربن داكي ثابته مره وفيه بكل الماركات لون كحل بني انصح اللي ملت من الاسود تجرب البني .
اللي تحت كحل من فور ايفر لونه شامباني رقمه23 ينفع لداخل العين من تحت مررررره يجنن مع انه مايبين انك حاطه بس يعطي شي جميل للعين مدري كيف اوصفه انا ماحب الابيض بالعين يطلع العين مره جاحضه بشكل غريب ومب صحي ابد احب البيج او هاللون اللي طحت عليه .

 بالاسك اغلب البنات يسألون عن كونسيلر لتحت العين انصحهم بهالكونسيلر مررررره فضيع من ماك اسمه برو لونق وير ينفع لتحت العين ولاماكن اخرى تغطيته متوسطه ومايتكتل .

 من اليمين البيوتي بلندر اللي ماجربتها للحين مادري وش جالسه تسوي ؟؟ 
مرررره متازه مع الكونسيلر كانك ماحطيتي كونسيلر وحتى مع الفاونديشن روعه وتخففه لو كان ثقيل .
المبرد من سيفورا بلاستك مدري زجاج بس انه جميل مره صحيح غالي بالنسبه لمبرد بس افضل مبرد جربته .

الارواج اليمين ايستي لودر اسمه موكا رقمه ٠٧ رووووووووعه فضيع وثااابت ومع انه مطفي بس مايجفف ابدا ابدا افكر اشتري الوان ثانيه عجبتني هالنوعيه اللي علبتها كحلي .
اليسار جيفنشي اسمه برون رقمه ١٠٣ برضو ممتاز وفيه نسبه ترطيب نفس الفكره يبين مات شوي بس مايجفف وثابت 
المحدد سبايس من ماك سبق وكتبت عنه بالمدونه صرت احطه مع اي شي وكل شي مره جميل .
اتمنى عجبتكم هالتدوينه واللي عندها شي جديد تنصح فيه تعلمنا عنه .

• تلقوني هنا على التويتر   
•  انستقرام : norahbeautybox
• اللي عندها سؤال هنا الآسك 
•  اشوفكم على خير.

مفضلات شهر نوفمبر November Favourites

مرحبا ياجميلات ... 
زي ماعودتكم نهايه كل شهر استعرض اهم المكياج اللي جربته وعجبني تأخرت كم يوم وكله من البرد اللي جا فجأه وجمدنا احس مفروض يجي بالتدريج !! اجل اليوم قمت ودرجه الحراره ٩ يا إلهي .. على كل حال ماطول عليكم ونبداء : )

بالنسبه للوجه كنت استخدم كونسيلر سيلكت كوفر اب من ماك لحاله واحيانا احط فاونديشن شانيل فيتا لومير الغني عن التعريف جميل هالفاونديشن وتغطيته خفيفه وجميله بنفس الوقت  وفيه حمايه ١٥ من اشعه الشمس : ) 
كثير سمعت انه بينقطع عاد مادري اشوفه للحين موجود بالسوق واحسه تصرف غبي 
 من شانيل يقطعون شي جميل زي هذا !!
الفرشه سامحوني مب نظيفه  روعه هالفرشه بدمج الاساس وتعطيك تغطيه رائعه .. فيه وحده ارسلت لي تقول انها ماعجبتها الفرشه وتحسفت عليها .. هو الفكره من الفرشه انك تدمجين لين تحسين ان الاساس اندمج مع بشرتك بشكل طبيعي وراح تعجبك متأكده

الشدو رجعت لبالتي القديم ناتشورال آي من تو فيسد هالبالت جميله جدا تسوين لوك صباحي او سهره فيه الوان مطفيه وفيه اللمعه وقد كتبت عنها هنا 

البلشر كنت استخدم تارت ناتشورال بيوتي رووووعه هالبلشر وثابت بشكل عجيب تمنيت اني شريت كم لون واهم شي الماركه طبيعيه لونه وردي غامق بس تقدرين تفتحينه براحتك بالفرشه والدمج 

المسكارا لاجديد هههه ماسكارا بنفيت ادري ازعجتكم فيها بس ماستخدمت الا هي ناويه اخلصها واتوقع انها خلصت جميله جدا تطول بشكل جميل وكثير يعتبرونها مسكارتهم المفضله
اللي جمبها نكته برضو مسكارا صغيره للرموش السفليه من كلينك كنت من زمان اشوف باليوتيوب يستخدمونها وعاجبتني مره طبعا ماعتبرها مفضله بس مفضله عشان شكلها يدنننن لكن احس تسوي نفس اللي تسويه المسكارا العاديه ..

الارواج روج لوريال ارواج لوريال فضيعه وفاخره والعلبه اصلا جميله وقد قالت لي وحده من البنات هنا انها تبع ايف سان لوران مادري اذا صدق ولا لا بس الماركه جميله جدا قد كتبت عن هالروج من قبل هنا رقمه  ٥٥٠ ناويه اجرب لون ثاني اذا توصون لون معين علموني : )
اللي جمبه محدد مكروف من ميك اب فور ايفر روووووعه هالمحدد اصلا كل اقلام هالماركه شي فضيع احيانا استخدمه لوحده واحيانا مع قلوس او روج مايحتاج اقول الثبات شي خرافي  رقمه ١٥ سي : ) 

اخر شي بعلمكم على شي خقيت عليه علمتني عليه خالتي الله يسعدها شوكولاته بالمارشميلو من مارك اند سبينسر ادمان هالشوكولاته وصديقاتي ادمنوا عليه 

 وخلصت التدوينه القاكم ان شاء الله بوقت ثاني واذا تبون شي اكتب عنه علموني بالتعليقات : )
للاشتراك في مدونتي اضغطي على الرابط الموجود في اليمين بالضغط على .

* وللأستفسارات السريعه والمتابعه انا موجودة على التويتر ( تويتر نوره بيوتي بوكس ) 

 

مفضلات اكتوبر October Favorites

وانتهى شهر اكتوبر .. وجينا للمفضلات واعتذر ان هالشهر ماكتبت كثير مريت بظروف خلتني ما ادون واللحين رجعت لكم واتمنى تسامحوني على القصور ..

بالنسبه للفاونديشن هالفاونديشن علمتني عليه صديقتي سارا وجربته منها كم يوم وكانت تجربه ممتازه ورحت شريت مثله تلقونه بصيدليه وايتس قوامه خفيف يتوزع بسهوله وعندهم درجات كثيره من ماركه اسنسي عاد تخيلوا بكم !؟ .. ٢٥ ريال فقط ارخص فاونديشن شريته : )
اللي على اليمين البي بي كريم من قارنيه من فتره قلت لكم بالتويتر بقول تجربتي والحمدلله كانت تجربه حلوه لكن مب قد التوقعات لانه غامق نوعا ما علي فصرت ادمجه معه الفاونديشن اللي فوق والنتيجه رووووعه تقريبا اغلب هالشهر كان هذا استخدامي للاساس : )  ♥ 

البلشر من بورجوا رقم ٥٤ جميل جدا هاللون وردي على مشمشي مثالي للاستخدام اليومي ♥♥  .

الشدو ايز تو كيل من جورج ارماني رقم ١٥ شدو بين الكريمي والموسي جميل جدا جدا جدا من اروع الشدوهات اللي جربتها بحياتي لونه ذهبي على بني يعطي كذا لون اغلب الاحيان اخففه يطلع ذهبي والنتيجه ممتازه طلبته من النت بس بنات الرياض يلقونه بالفيصليه هارفي نيكلس .

قلم الكحل من بورجوا من زمان هالكحل عندي وهالشهر ماكنت بالمود احط اسود لانه ثقيل وممل ككحل يومي فكنت احط هاللون روعه وسلس مره وفيه لمعه ذهبيه خفيفه جميل مع مسكارا بدون شدو حتى وخلصت نصه تقريبا ♥ : )

فرشه ٢٢٤ من ماك مستحيل مستحيل احط ميك اب بدون ما استعمل هالفرشه جمييله ومذهله ادمج فيها بكل سهوله اقدر اقول من مفضلاتي الدائمه.

ارواج ميك اب فور ايفر اللي نزلت قبل سنتين تقريبا من اروع الارواج اللي جربتها بحياتي تغطيتها كامله والوان روعه واهم شي هاللون مات ومايجفف الشفايف زي الماركات الثانيه اهم شي قشري شفايفك قبل واستمتعي باجمل روج .. لونه بين الموف والوردي رقمه  ٥ ♥♥♥    .

المسكارا كنت استخدم ذي ار ريل من بنفيت كا استخدام يومي جميله تطول الرموش بس ماتكثف وهذا عيبها وبالنسبه لي الكثافه تهمني اكثر من الطول .

المناكير من دولتشي اند قابانا رقم ١٠٨ لونه وردي مشمشي يجنننن هاللون وانصح لو تبين شي مميز واضافه جديده لكولكشنك تختارينه ♥ 

واخيرا كوبي المفضل من دبنهامز .. دبنهامز كانوا يجيبون اكواب روعه ومميزه بس بالفتره الاخيره مدري تغيروا اتذكر قد شريت منهم كوب زي كوب سوزان ماير اللي بدسبرت هاوس وايفز > مشكله اللي يدقق بكل شي المهم انكسر :( 
فيه احد يجمع اكواب مثلي ؟
استودعكم الله والقاكم بتدوينات اخرى ان شاء الله ♥ 
 * للاشتراك في مدونتي اضغطي على الرابط الموجود في اليمين بالضغط على .

* وللأستفسارات السريعه والمتابعه انا موجودة على التويتر ( تويتر نوره بيوتي بوكس )

مكياج الخريف والشتاء مع ارواجي وبلشراتي المفضله Makeup Trends Fall Winter 2012

مرحبا .. اشتقتوا لي ؟ < ما امدى هههههه
بالتدوينه الاخيرة كتبت عن الاشياء اللي كرفتها بالصيف وبما اننا تقريبا بدينا بالخريف والشتا على الابواب قررت اكتب عن ميك اب الشتويه ♥ ..فيه منكم يقول حتى الميك اب له موضه ومواسم ؟!! اقولكم اكيد خصوصا بعروض الازياء نشوف هالاشياء يركزون عليها .. طبعا مب معناتها اشتري ميك اب كامل او اتبع الموضه بحذافيرها .. هي لمسات خاصه وانتي وذوقك وراحتك بس انا عن نفسي الروج الاورنج مثلا ما استخدمه الا بالصيف الدرجات الذهبيه نفس الشي بس الباقي لا عادي احط روج فوشي مع انه مب موضه بالشتا بس احبه واستخدمه طول السنه ♥♥ .
نوقف كلام ونبدا :

البشره : طبعا كالعادة بالشتا والمواسم الباردة يفضل تكون البشره خاليه من العيوب والتغطيه كامله بالنسبه للفاونديشن  ♥♥.

الحواجب : شي راح يفرح اللي يكرهون التشقير♥ .. الموضه راح تكون الحواجب العريضه والعريضه بشكل خيالي فيه ناس حلو عليهم وفيه ناس تطلع كنها رجال .. اهم شي تكون تركزين انها تكون مجموعه و مرتبه ولونها متناسق مع شعرك .

 العيون : الظلال تعددت كان فيه الألوان المعدنيه اللي تجي بأبعاد مختلفه وفيه الالوان الترابيه والبنيه ويكون توزيع الظلال على كامل العين بشكل مبهم وخفيف .. الألوان الرماديه برضو تنفع للشتا وتعطي جمال للعيون بس اختاري اللون اللي يكون مايل للبني 
رسمه الكحل موضه هالشتاء تكون عريضه .. يعني ضعف رسمه الكات ايز العادي ٣ مرات p; حلوه هي وجريئه لكن ماتنفع للدوام الصباحي مثلا .

الشفاه : اللون العنابي هو اكثر لون يتكرر كل سنه فخم وجميل ودافي بالاضافه للون النيود اللي هو اللون الباهت ونفس لون الشفايف (يعني ما كأنك حاطه شي ) .

الخدود : الآلوان بالشتا دايم تكون دافيه يعني نقدر نقول الألوان المشمشيه والورديه ماتضبط زي الالوان الموف والاحمر البسيط ♥♥.

نجي لمكياجي اللي ما استخدمه الا بالشتاء تقريبا ... هالاشياء اللي بعرضها ما استخدمها بالصيف والسبب انها كلها غامقه ودافيه وماتنفع بالجو الحار . 

هاذي الارواج من اليمين لليسار
الأول / ريميل رقمه ١٢٤ لونه عنابي غامق فيه انعكاس بني 
الثاني / من ماك فايوليت لون بنفسجي جريئ نزل مرتين بماك اتوقع ينزلونه هالشتاء قليل استخدمه ولو استخدمته استخدم معه لون ثاني .
الثالث / روج من ميك اب فور ايفر رقمه ٤١ شهادتي مجروحه بأرواج ميك اب فور ايفر روووووعه  وثابته وماتجفف هذا لونه عنابي كلاسيكي يعتبر فاتح نوعا ما 
الرابع / اشهر روج بماك وكل البنات عندهم الظاهر هو ريبل لونه عنابي وفيه انعكاس بنفسج باذنجاني .

وهنا البلشرات من اليمين لليسار
الأول/ دالاس من بنفت روعه ودايم استخدمه بالشتاء يعطي لوك مرتب ودافي مع روج فاتح .
الثاني/ من انقلوت رقمه ٥٥ روعه هالبلشر لونه موف وردي فاتح مافيه لمعه مناسب لكل يوم ثباته ممتاز وماركه انقلوت عموما انصح فيها رخيص وجودتها ممتازه .
الثالث / سين من نارس لونه موف وفيه لمعه ذهبيه هذا عشق البنات بالشتاء خصوصا بنات اليوتيوب اذا دخل الشتا مايستخدمون الا هو روعه ولونه شتوي واللمعه الذهبيه معطيته حيويه .
اتمنى تكونون مبسوطين شتاء وصيف .. وتذكري انه دايم بالشتا يكون المكياج فيه فخامه بعكس الصيف والربيع فيه لمسه انتعاش ومرح  لاتنسين تاخذين اللي يناسبك ويناسب بشرتك ♥♥♥♥. 
 * للاشتراك في مدونتي اضغطي على الرابط الموجود في اليمين بالضغط على .

* وللأستفسارات السريعه والمتابعه انا موجودة على التويتر ( تويتر نوره بيوتي بوكس )

منتجات ندمت على شرائها

التسوق من امتع الاشياء بحياتنا ولما تتوفقين باشياء ممتازه يصير اسعد واسعد ♥ :)
كثير منتجات ندمنا اننا شريناها وماستعملناها يا اما انك تشوفين مدح ويطلع مب قد الكلام او البايع يقنعك انه واو وهو خربوطي او بكل بساطه انتي تخطئين باختيارك وهالشي يصير للاغلبيه بالمحلات نتحمس نشتري مع الناس والجو العام بالسوق يحرضك تشترين اشياء يمكن تكون غير جيدة او سيئه تدوينتي هاذي راح اقولكم عن منتجات ندمت اني شريتها: 

بودرة البرونز  من بورجوا /Bronzing Powder From BOURJOIS 
بودرة البرونز من بورجوا تجي على شكل لوح شوكولاته بعلبه كرتونيه تتسكر مغناطيسيا العلبه كيوت مره وسمعت مدح كثير عليها وقررت اشتريها واستغربت كثير كيف الناس معجبتهم صبغتها سيئه جدا لازم تحطين كم طبقه عشان يطلع لك اللون ماعتبر هالشي جيد ابدا يضيع وقت وجهد الباودر برونز يجي بدرجتين واح وخمسين وثنين وخمسين .

بيس ال مات من ميك اب فور ايفر All mat from MUFE
المنتج الثاني ال مات من ميك اب فور ايفر يفترض انه بيس يمتص الدهون ويعطيك اللوك المطفي للاسف مايسوي شي حطيتيه او ماحطيتيه نفس الشي جربته على وحده بشرتها دهنيه ومافي اي فرق خصوصا منطقه الانف بالنسبه للبشرات الدهنيه يتركز فيها الدهون ماتغيرت بعد ساعه الأنف فيه لمعان ! حتي للبشرات العاديه لو بغيتي تحطينه عشان يعطيك لوك مخملي ماراح يسوي شي يذكر اللي محيرني ان الميك اب ارتست من ميك اب فور ايفر يعشقونه يمكن انا ماعرفت له ؟! 
جربته فوق وتحت الفونديشن نفس الشي للامانه ملمسه مخملي رائع وريحته نظافه :) . 

فرشه الحمره من بودي شوب / Blush Brush From TheBodyShop
هالفرشه وصتني عليها صديقتي وقالت انها جميله ولاني اعشق فرش الميك اب شريتها .. الفرشه حجمها وسعرها معقول لكنها ناعمه بزيادة عن اللزوم فيه فرش ناعمه لكن تمسك اللون بالشكل المطلوب هاذي العكس 
التوزيع فيها سيئ جدا خصوصا ان بلشراتي صبغتها قويه اغلبها فتطبع اللون طباعه واذا جيتي توزعين راح يبان نقطه البدايه والفكره من البلشر انه يكون ناتشروال قدر الامكان هاذي تفعل العكس فعلا اكرهها وندمت اني شريتها مانصح فيها راح اجرب الكابوكي يمكن تكون احسن منها لاني سمعت مدح عليها : ) 
 

اساس ميبلين دريم لوكد موس / Dream liquid Mousse From Maybelline 
الاساس شريته بناء على مدح البائع مدح غير طبيعي شريته وندمت فورا الاساس يسيح ومايثبت ابدا حطي شوي او كثير الثبات سيئ قوامه ثقيل شوي وصعب بالدمج  الى حد وما انسى انه يتكتل بشكل قبيح الشي الحلو فيه الضغاط بما اني احب العلب اللي تجي ضغط سهله بالتحكم والاستعمال لكن ماراح انصح فيه احد ابدا .

قلوس من سماش بكس Gloos From Smashbox
قلوس من سماش بوكس شريته الشتا اللي راح هاللون عبجني مره وكونه غامق وقلوس شي اغراني بقوه اشتريه جميل جميل كلون لكن تركيبته سيئه ثقيل بالنسبه لقلوس ويتلصق كأني حاطه شي فوق شفايفي احب القلوسات الخفيفه تعطي تغطيه ولوك جميل فرشته مب عمليه من النوعيه اللي تكون شعيرات وقاسية وطويله مفروض تكون اسفنجيه اسهل بالتوزيع ماتوقع اني راح اشتري قلوسات من سماش بوكس ابدا .

مناكير من كليرز/  Manicure From Claires 

مناكير كليرز شريت لي وشريت لاختي منها هالماركه معروف انها تقريبا موجهه للمراهقات لكن حتى المراهقات يستحقون مناكير افضل سيئ بدرجه غير معقوله مع اني اسكر العلبه بشكل جيد الا انه تنشف ويصير قوامه كثيف وكأنه صمغ هذا غير ان اول ماشريته كان يطول على بال ماينشف .. مع ان سعره ١٣ ريال لكن حسافه عليه ريالين 
الوانهم حلوه لكن مستحيل اشتريه ثاني مره ولا حتى لطفلة ام خمس سنوات : )

ظل كريمي من ديور Creme Eyeshadow From Dior 
شدو كريمي من ديور شريته من ايام الصيف قوامه موسي على كريمي سهل جدا بالتوزيع لونه حلو وصيفي المشكله انه يتكتل بشكل غريب حطيت برايمر او ماحطيت نفس الشي مع اني جربت كثير شدوات كريميه لكن هذا اعتبره الاسواء استغربت من النتيجه لأن شدوهات ديور بالعاده ممتازه .
 
فيه منتجات ندمت عليها كانت من كولكشنات ليمتد اديشن فكره ان هالمنتج فترته محدوده تغريني مره : ( والعواقب منتج اندم عليه ماحبيت اذكرها لانها ماراح تفيدكم بشي لانها ماعاد صارت موجودة بالمحلات .
 فيه منتجات شريتها وندمت عليها ورميتها ماتحملت وجودها بحياتي ولو كنت داريه اني بكتب هالموضوع كان احتفظت فيها منها شدو بورجوا الثلاثي اتذكر انه اسوء شدو مر علي صبغته خفيفه ولا تبين وحتى لو بينت يطلع اللون واضح انه متكلف وطبقات متراكمة و ندمت بعد على فرش مكياجي للوجه والبلشر بعد فتره بسيطه خشنت معي وغير الشعر اللي تساقط :( برضو شدو شانيل الرباعي الالوان كانت روعه نتشرال وبرونز لكنها تطيح وتهل على كل الوجه .
المنتجات ماعجبتني انا شخصيا بعد تجارب وفتره ليست بالقليله لكن ممكن تعجب غيري وتمشي معهم ولولا اختلاف الاذواق لبارت السلع لاتنسون تعلموني عن منتجات انتم ندمتوا عليها : )
* اتمنى تدوينتي حازت على رضاكم واستفدتوا تسعدني متابعتكم واشتراككم وتعليقاتكم :)
* للاشتراك في مدونتي اضغطي على الرابط الموجود في اليمين .