شدوهات ميك اب فور ايفر الجديدة

 

مرحبا بنات 💕

من اول ماطلعت شدوهات ميكب فورايفر وانا متحمسه اجربها بس الوانهم كثيره ومحيرة واذا بغيتي لون طلع مخلص 

الشدوهات قوامها روعه وثابته واذا كان الجو حلو ماتحتاجين معها برايمر 

الالوان اللي اخذتها حبيت تكون مب عندي شي قريب منها مثلا الموف المات ماتوقع قد شفت مثله ابدا باي ماركة قد كتبت عنه قبل بالانستقرام روعه وقوامه ناعم مخملي ❤️

الشدوهات عندهم كثيرة وحجمها كبير مقارنه بحقت ماك نظامهم زي نظام انقلوت وماك تاخذين بالت فاضي وتعبين الوان قد ماتبين ماعندي فكرة اذا يبيعون الوان بعلب منفردة 👀 

البالت الفاضي من تحت فيها فتحات بحيث اذا بغيتي تطلعين اللون تدخلين دبوس او شي وتطلع معك لان محاوله تطليع اللون بالاظافر راح تفشل  😁

الالوان من اليسار 

رقم D -552 لونه لؤلؤي فيه لمعه قويه مايله للفضي هذا اقل لون حبيته 

رقمME- 302 لون اخضر ميتالك زيتي مع بني يعطي كذا لون قوامه عجيب توقعت لونه زي كلوب من ماك لكن فرق عظيم 

 بينهم هذا افضل بكثير ودايم دايم القاه مخلص 😳❤️

رقم  M-928 اللون الاخير الموف المات هو اول لون شريته لونه مايحتاج اقول شي عنه لاني مدحته كثير 

هذا كل شي عن الشدوهات انصحكم فيها مره بس الافضل زي ماقلت تاخذين الوان مميزة 👍

🏽

القاكم على  خير 

تابعوني بالسناب والتويتر والانستقرام بأسم : norahbeautybox 

❤️❤️❤️❤️