February Favs 2013 الأفضل في شهر فبراير

رجعت للمفضلات (عبارة عن افضل المنتجات اللي استخدمتها في الشهر اللي فات ) احس من زمان ماكتبت بس لأن احيانا مالقى شي جديد فحلو اخذ بريك مع اني اعشق فديوهات وتدوينات المفضلات .

 اجمل بيبي كريم جربته بيبي كريم لوريال كثير بنات قالوا لي علمينا اذا عجبك وابشركم انه عجبني P: جميل جدا وخفيف تغطيته متوسطه ماستخدمت الا هو طوال هالشهر اسوء مافيه يبي له ترطيب عالي لانه قوامه ناشف .. 

كواد الشدو رقم ٤٠١ من زمان شاريته لكن ماحصل اجربه الا هالفتره واستغربت اني متجاهلته التغطيه واللون جميلين مره وثابت مره من الماركه التركية flormar فيه كثير تاجرات على التويتر يوفرونها واسعارها مناسبه .

 يمكن كثير اتكلم عن هالبرايمر لي سنة استخدمه وابشركم خلص وناوية اشتري واحد ثاني من افضل البرايمر اللي جربته يعطي اللون الاصلي للشدو الثبات رائع لاكثر من ١٢ ساعه تكتفين بنقطتين منه وتوزعينه على العيون قبل الشدو وبعدها بلحظات توزعين الشدومن ماركة تو فيسد تحصلونها في سيفورا .

المسكارا من ريفلون تكثف وتطول اجمل مافيها انها خفيفه جدا ماتحسين حاطه شي على رموشك مكتوب على العلبه انها تساعد على نمو شعيرات الرموش مادري اذا صدق او لا بس نشوف وش يصير .

 اضاءه لميتد اديشن من ماك اسمها WHISPER OF GILT يمكن تحصلونها لأن احيانا تقعد الاشياء فيعرضونها .
هذا اخر منتج شريته من كولكشنات ماك لأنهم زودوها ماغير ينزلون كولكشن وبين كل كولكشن وكولكشن كولكشن فرعي !!! ماصار يهمني وش ينزلون وغالبا المنتجات اللي بالكوكلشنات اللي تنزل تصير جودتها سيئه خصوصا الفرش مانصحكم تشترون منها .

 مافي اجمل من انك ترجعين لمنتج كنتي ناسيته وتكتشفين انك تحبينه بلشر من بينفت اسمه شوقر بمب Sugarbomb لونه مشمشي ذهبي جميل جدا يعطي لوك صحي منعش انصح فيه للصيف .

مادري وش فيني هالشهر على ريفلون !
الارواج هاذي اعتبرها بالنسبه لي افضل ارواج ماركه ريفلون ثابته ومرطبه وتغطيتها كامله واسعارها ممتازه 
الاول اسمهMink رقمه ٦٧١ الوسط اسمه CHERRIES IN THE SNOW رقمه 440 والأخير اسمه Fire & Ice رقمه ٧٢٠ ...
القلوس انا مب راعيه قلوسات ابدا بس هذا طحت فيه غرامه برضو من ريفلون حلاته مايدبق وتحسينه ثقيل اسمهPink Pop رقمه ١٨٠ .

فرشه الفلات كابوكي من سيقما رقم F 88  اعجبتني هالفرشه مره استخدمها لتوزيع الفاونديشن واحيانا تنفع للكنتور دمجها ناعم وتعطي تغطيه صافيه تقدرون تشترونها من هنا .

ماقلت لكم ريفلون قصتها قصه :/ هذا المناكير المطفي الوحيد اللي عندي واكتشفت اني احب المطفي اللون اخضر غامق فخم وكلاسي اسمه Emerald City رقمه ٠٣٢ مره انصحكم فيه طبعا عشان تعرفين اذا هو مطفي او لا فيه ستكر على الغطا مكتوب عليه مات .

اسرع شي اخلصه بالبيت الشموع والقهوة هالشمعه من باث اند بودي وركس من الاروماثيربي وهي مجموعه محدوده من الشموع هي شموع للاسترخاء والنوم .

اخر شي حطيته قبل بالانستقرام وهو دولاب الاكسسورات الجميل العظيم كل ما اشوفه اقول ويني كنت عنه من زمان جميل ومنظم ومرتب لكل الحاجات الاكسسواريه اول كنت حايسه نفسي بالادراج والعلب والتعليقات والسلسله تتشبك مع الاسواره < حرب 
واللحين يارب لك الحمد بس افتح واتنقى جاني احساس الاميرات ههه انصحكم فيه بقوه شريته من طيبه الرياض فيه من بني واسود وابيض سعره 550 تقدرون تطلبونه من هنا  ع الطلب
خلصت مفضلاتي اتمنى تستفيدون يارب وتلقون شي يعجبكم القاكم على خير حبيباتي ..

• *للاشتراك في مدونتي اضغطي على الرابط الموجود في اليمين بالضغط على  
• تلقوني هنا على التويتر  
•  إذا حابين تطلبون من سيقما هذا كود التخفيض تحطونه قبل ماتسوون تشيك اوت ويخفض لكم ١٠ بالميه SAVE2013