مرحبا بنات ان شا الله كلكم طيبين
اللي متابعه مدونتي تعرف اني اعشق الالوان النتشورال اللي هي درجات البني والبيج والرمادي هالالوان تغريني مره بالاي شدو اذا شفتها اتنح هذا غير انها جميله على العيون صح الالوان الملونه الصارخه حلوه بس حلوه بالباليت فقط بس لما تحطيينها كمكياج يطلع الشكل اوفر مره كأنه حفله .
المهم انا من زمان كنت اجمع بالت لي من انقلوت هالمحل الرائع العجيب فروعه في الرياض في حياة مول والرياض قالري .
اسعار الاي شدو جميله جدا ومناسبه سعر كل شدو ٣٥ ريال فقط تقدرين تعبين لك علبه حسب احتياجك بالالوان اللي تحبينها
علبه الاي شدو الفاضيه فيها عشر اماكن سعرها ١٠٠ ريال تقريبا تزيد او تنقص قليلا لول لاني شاريتها من زمااان اول مافتح انقلوت
شدوهاتهم صبغتها ممتازه وثباتها روعه مع البرايمر ممكن تجلس فوق ١٢ ساعه وكميتها كبيره مقارنه بشدو ماك الدائري بضعف السعر وعندهم تعدد الوان عجيب محلات انقلوت تتعامل بالارقام يعني اي شدو له رقم مافي اسم المات تبدا برقم ثلاث ميه واللي فيها لمعه تبدا برقم اربع ميه راح اكتب لكم ارقام الشدوهات وشوفي اللي يناسبك وطيري للمحل وخوذيه . احيانا ممكن تواجهين صعوبه مع العاملات بالمحل بس ترا بالهم طويل لو مالقت لك اللون اللي تبينه قولي دوري مره ثانيه الله يعافيك كثير من الالوان اول مره قالت مش موجود بعدها دورت ولقته . لانها ارقام كثيره فتلخبط البائعه يعني اذا ناويه انقلوت فضي لك يوم وخوذي قهوتك من ستار بكس وروحي ابسطي عندهم : )
نجي للعيوب يوجد عيب بسيط جدا بالشدوهات وهي انها تتناثر وتتاطير خصوصا الالوان المطفيه بس ماعتبرها مشكله لو خليتي يدك خفيفه بالتوزيع .
نبدا بسم الله
الارقام من اليمين لليسار From right to left
330 لونه بيج وردي مطفي .
463 بيج فيه قلتر ذهبي مره روعه حتى لو تحطينه لحاله .
390 ترابي مطفي جميل جدا بالدمج مع الفاتح او الغامق .
344 توبي فاتح بين / بين الرمادي والبيج والبني مطفي بس جايه قلتر من الثاني .
337 بني فاتح فيه شوي رمادي وموف مطفي .
335 اورنج مطفي ترا مبين بالصوره فاقع بالواقع لونه جدا معقول وينفع مع شوي بني او ذهبي يطلع لوك روعه
421 بني فيه قلتر نحاسي روعه هاللون تقدري توزعينه لحاله .
329 بني داكن يميل للسواد ولو حطيتيه ثقيل يطلع كأنه اسود
السواتشز تلقونها على حسابي في الانستقرام .
- تلقوني هنا على التويتر
- انستقرام : norahbeautybox
- إذا حابين تطلبون من سيقما هذا كود التخفيض تحطونه قبل ماتسوون تشيك اوت ويخفض لكم ١٠ بالميه RNL2013 اضغطي هنا لموقع سيقما
- اشوفكم على خير .
ودي اشتري منهم خصوصا اني شفت منهم بدائل لبعض من ألوان ماك
ReplyDeleteيعطيك العافية نورة
البلشرات حقاتهم مره تجنن وثباتها مره عالي وسعرهم رخيص
ReplyDeleteيعطيك العافيه على البوست الحلو
شكرا عالبوست الجميل
ReplyDeleteوانا من الناس اللي يحبوا محل انقلوت
ولي زيارة قريب ان شاء الله لهم آخذ شدو
يعطيك الف عافيه جد افدتيني كثييير
ReplyDeleteكنت متردده هل ابدا اشتري او لا !
جربت من انجلوت كذا شغله الجوده حلوه على الاسعار
ان شاء الله راح اجرب الشدو حمستيني
يعطييك العافيه