انا بنت جامعية

بنات الجامعة اللحين بحالة حيرة خصوصا المستجدات وفيه كثير مايعرفون وش يشترون ميك اب لأن الغالبية تكون ماقد حطت ميك اب والمدارس اكثرها بالسعودية تمنع هالشي الا اذا كان ميك اب خفيف ..
بالجامعة راح تكون عندك حرية تحطين اللي تبين حتى الامهات يتساهلون مع بناتهم بعد ماكانت بنت بالمدرسة وتمنعها من الروج الاحمر P; 
اذا اتبعتي هالنقاط ان شاء الله راح تكون مرحلة التسوق سهلة وواضحه 
اولا / حددي ميزانيتك ميزانية التسوق للميك اب مهمة لأن صعبة تدخلين السوق وماحطيتي شي ببالك بتضطرين تشترين اشياء ماكنتي محتاجتها او تشترين شي واحد ويخسف بالبدجت كلها 
ثانيا /  اذا كنتي مفكرة تحطين فاونديشن فلازم تعرفين نوعية بشرتك ولونها لأنه بتضيعين من الالوان والانواع والماركات اشتري اقرب لون لبشرتك والاحسن يكون فيه حماية من اشعة الشمس ٢ في ١ .
ثالثا / القلوسات والارواج راح تستفيدين منها بشكل كبير حلو تحطين بسلتك روج وردي وقلوس كلير 
رابعا / البلشر او الحمره بالصباح حلو تكون طبيعي مايكون فيها شيمر او لمعه قوية شي خفيف انصحك ببلشرات برجوا 
خامسا / المسكارا شي ضروري عشان تكمل كشختك اختاري مسكارا تكثف وتطول وسعرها معقول من سنتر بوينت او ماركات الصيدليات لاتشترين غالي لانك المسكارا لأنها تنشف بسرعه فكل ٣ إلى ٦ شهور تقريبا ممكن تجددين   .

للمبتدأت او اللي ميزانياتهم منخفضه للميك اب اخترت لك بهالصورة اربع منتجات بأذن الله راح تعجبك وتناسبك 
أ - كريم الاساس هيلثي ميكس من بورجوا فاونديشن خفيف ويعطي اشراقة وطلة ويغطي العيوب بشكل مناسب تلقينه بسنتر بوينت والصيدليات 
ب - مسكارا ميبلين او المسكارا الصفرا : ) مشهورة وتأدي المطلوب موجودة في سنتر بوينت والصيدليات وكارفور والدانوب
ج - روج / مرطب ريفلون الوانه جميله وتركيبته تعطيك شكل الروج والقلوس بنفس الوقت اختاري اللون اللي يناسبك  تلقينه بسنتر بوينت او الصيدليات او دبنهامز او فافافوم 
د - بلشر / حمره كريمي من نيكس التركيبه الكريميه تناسب الصباح بالاضافه سهولة توزيعه حتى لو باليد تلقينه بسنتر بوينت .




هاذي اهم النصايح لبنات الجامعة واي مساعدة انا حاضره سواء هنا او بالتويتر : )