عشرة منتجات ميك اب ضروريه

استجابه للجميلات ندى وهيا مدوناتهم هنا و هنا  راح اقولكم عن عشر منتجات ما استغني عنها
بالنسبه لي عشر شوي وجلست اضيق على نفسي لين طلعت عشر بس هالاشياء فعلا ما استغني عنها وفيه منها خلص وشريته مره ثانيه لان تجربتي كانت ممتازه ومايخيبون ظني ابدا نبتدي بسم الله الصوره الاولى :

1 / مايخفي عليكم بالت نيكد اشهر بالت عرفها التاريخ استخدمها بشكل يومي تقريبا مب شرط احط كم لون احيانا استخدم منها اضاءه فقط او كونتور دايم الجأ لها.
2 / مسكارا بنفت القديمه باد قال من اجمل المسكرات اللي جربتها وناسبتني بقوه ورجعت اشتريتها كذا مره تكثف وتطول وفرشتها تجنن .
3 / بلشر كريمي من نيكس جميل هاللون بشكل طبيعي كثير استخدمه وما استغني عنه واجمل شي انه سلس وثابت وسعره ممتاز
4 / روج فيفا قلام v  من ماك اللي متابعه مدونتي تعرف قد ايش احب هاللون ينفع مع كل شي واي شي واي وقت احبه مره تغطيته متوسطه لونه نيود وفيه لمعه خفيفه جدا .
5 / كونسيلر بوبي براون هالكونسيلر اعجوبه يجننن ويخفي العيوب وكأن بشرتك صافيه تماما احيانا ماحب احط كريم اساس ف احط الكونسيلر وبس لو خلص برجع اشتريه .

الصوره الثانيه :
6 / العلبه الشفافه الكبيره مزيل مكياج ومنظف للبشره من بايودرما اشهر مزيل وكثير سمعوا عنه اول شي ماعجبني بس مع الايام حبيته وصرت ما استغني عنه يزيل المكياج بشكل ناعم وماتحسين بحساسيه او شي من هالقبيل .
7 / فرشه البلشر من ريل تكنيك هالفرشه نااااااعمه بشكل خيالي احس متعه وانا احط البلشر مع انها كبيره بس توزيعها خطير وتمسك اللون اهم شي
8 / الفرشه النحيييفه وهل يخفى القمر فرشتي المحبوبه من سماش بوكس للكحل قد كتبت عنها كثير
9 / العلبه السوداء كريم مرطب للبشره من بودي شوب احطه باي وقت واحطه لو بغيت احط ميك اب روعه رووووعه خفيف ومافيه زيوت وتمتصه البشره بسرعه وفيه فيتامين E ومناسب لجميع انواع البشره .
10 / مرطب اليدين من لوكسيتان بزبدة الشيا يجننن هالمرطب ما استغني عنه مع ان ريحته ماعجبتني بس يديني ماقد صارت انعم من كذا .

اتمنى انكم استفدتوا واي وحده ممكن تشاركنا باشيائها اللي ماتستغني عنها : )  
* للاشتراك في مدونتي اضغطي على الرابط الموجود في اليمين بالضغط على .

* وللأستفسارات السريعه والمتابعه انا موجودة على التويتر ( تويتر نوره بيوتي بوكس )