مرحبا بنات شهر سبتمبر من اجمل الشهور عندي وخلص بسرعه :( المهم كتبت لكم اهم المنتجات اللي علقت عليها الشهر اللي فات وكلها عاجبتني وانصح فيها بقوه نبدا بسم الله : )
ماك ستورب كريم من زمان عندي وتاركته جميل لو دمجتيه مع اي فاونديشن يعطيك نضاره صحيه فيه فوائد بتغذيه البشره بس انا استخدمه كمنتج تجميلي
الشدو اللي من ماك اسمه فلوف من زماااان وانا ادوره ودايم مالقاه الحمدلله لقيته وطحت فيه مررره ممتاز مع اي شدو وعلى مدمع العين وتحت الحاجب لونه لؤلؤي فاتح .
اللي استخدمه من اربن داكي ثابته مره وفيه بكل الماركات لون كحل بني انصح اللي ملت من الاسود تجرب البني .
اللي تحت كحل من فور ايفر لونه شامباني رقمه23 ينفع لداخل العين من تحت مررررره يجنن مع انه مايبين انك حاطه بس يعطي شي جميل للعين مدري كيف اوصفه انا ماحب الابيض بالعين يطلع العين مره جاحضه بشكل غريب ومب صحي ابد احب البيج او هاللون اللي طحت عليه .
مرررره متازه مع الكونسيلر كانك ماحطيتي كونسيلر وحتى مع الفاونديشن روعه وتخففه لو كان ثقيل .
المبرد من سيفورا بلاستك مدري زجاج بس انه جميل مره صحيح غالي بالنسبه لمبرد بس افضل مبرد جربته .
اليسار جيفنشي اسمه برون رقمه ١٠٣ برضو ممتاز وفيه نسبه ترطيب نفس الفكره يبين مات شوي بس مايجفف وثابت
المحدد سبايس من ماك سبق وكتبت عنه بالمدونه صرت احطه مع اي شي وكل شي مره جميل .
اتمنى عجبتكم هالتدوينه واللي عندها شي جديد تنصح فيه تعلمنا عنه .
- تلقوني هنا على التويتر
- انستقرام : norahbeautybox
- اللي عندها سؤال هنا الآسك
- اشوفكم على خير.
حلوو.
ReplyDeleteنبغى سواتشات للأرواج =)
وماك ستروب سمعت فيه منه لوشن للبشرة الدهنية والمختلطة صح هالكلام؟؟
السواتشز دايم احطها بالانستقرام
Deleteماعندي فكره
اختس ايش افضل ماركه ايشدو كويس وثقيل ..شانيل ولا ماك ولا كالوراين ولا اف سان لوران ولا شنو لاني بالميك اب مز كتير بعرف وحابه شي كوبس استخدمه لسهرات وكدا بعني نيكد شايفه حلو بس مو لسهرات مو احسن من الماركات المعروفه فياريت تفيديني
ReplyDeleteياليت ياقلبي تكتبين كل شيء سعره معه '$
ReplyDelete