روج سموك ريد من توم فورد Smok Red From TOM FORD

توم فورد ماركة تعتبر حديثه كانت مختصه بالازياء والجلديات وبالفترة الاخيرة طلعت خط للميك اب من الماركات ذات الاسعار المرتفعه والجوده ممتازه .
اللون عنابي مخملي غامق علبته بيضاء فاخرة تركيبته كريميه سهل وثابت بشكل خيالي حطيته مره بمناسبه وكنت ماخذته معي عشان اعيد عليه اذا مر الوقت ولحسن الحظ مافتحت العلبه حتى مع الاكل والشرب والثرثره : ) 
عيبه انه غالي بشكل مبالغ فيه الروج سعره حوالي ميتين ريال ماتوقع فيه روج يستحق هالسعر مهما كانت ميزاته .
توم فورد كانت متوفرة بدبنهامز ولما رجعت له قبل فترة قال ان ماعندي الا ارواج برضو زرت محل وجوه بصحارى وقال انسحبت من الشركه نفسها والمسموح بيعه العطور فقط احبطت احباط شديد :/ اتوقع انهم كانوا يشترون المنتجات بدون ترخيص لبيعها عشان كذا انسحبت عموما مازال فيه محلات تبيع الارواج بكميات قليله زي دبنهامز وهارفي نكلس وكتبت هالتدوينه للفائده لو بغيتوا تشترونه او وللي تبغى تتسوق من برا .
لو حصل لي اشتري منها شي مستقبلا راح اختار البلشر لأن عليه مدح مب طبيعي وكثير من الميك اب ارتست يستخدمونه .
نصيحه بما ان الماركه اسعارها مرتفعه يستحسن تشترين شي مقتنعه فيه تماما وتستخدمينه بشكل دائم .
سواتش :

* اتمنى انكم استفدتوا و لا تنسون التعليق والمشاركه ♥ ♥ :)
* للاشتراك في مدونتي اضغطي على الرابط الموجود في اليمين . 
* وللأستفسارات السريعه والمتابعه انا موجودة على التويتر ( تويتر نوره بيوتي بوكس )