ارواج ريفلون المرطبه Revlon Colorburst Lip Butter

زبده ريفلون للشفاه Revlon Colorburst Lip Butter

هالارواج نزلت من شهرين بالسعودية طبعا لها سنة نازلة من شركة ريفلون بس توها تنزل عندنا للأسف :(

اللي متابعين الميك اب بيعرفون قد ايش انهبلوا الناس على هالارواج اول شي عشانها مرطبه ولونها قوي في بعض الالوان وزيادة على كذا سعرها رخيص 
يعني ممكن تلقين منتج مشابه للريفلون لب بتر بكلارنس او كلينك او شانيل بضعف السعر باختصار ارواج فضيعه وكريميه وتجنن : ) 

نزل عندنا ٨ الوان من اصل ٢٠ لون وعلى كلام العامل بسنتر بوينت يقول بننزل الباقي مستقبلا والله اعلم متى :( 

اللي جربت الروج وعجبها وتبي الوان زيادة انصحها تطلبها من النت امازون موفر جميع الالوان وبسعر ٧ دولار يعني ارخص من هنا 

سعره هنا بالسعودية ٥١ ريال في سنتر بوينت.. شفت كورنر ريفلون بالصيدليات ويبدو انهم مابعد نزل عندهم لحد شهر رمضان 

كنت اتمنى نزل الكولكشن كامل واتصور انه ماينزل لأنه كثير الوان بالماركات ماتنزل عندنا 

اخترت اشتري لونين لأن الالوان الباقية الوانها فاتحة مثل البيج ماراح يعطي لون فقط ترطيب وشكل قلوسي 

هنا السواتش للون بينك تروفل / pink truffle رقم 001

هنا سواتش للون كاندي ابل / candy apple رقم 035

الارواج تستحق التجربة وكل المدح اللي جاها : )