اشياء حبيتها الفتره اللي راحت May Faves!

مرحبااا بنات .. شلونكم ان شاء الله طيبين 
العالم كلها اختبارات ومذاكره فالله يعينكم يارب .. انا جايتكم بمفضلات هالشهر وهي اشياء جربتها هالشهر او الفتره اللي راحت عموما وعجبتني وعلقت عليها عاد اشيائي كثيره هالمره اتمنى تعجبكم وتستفيدون ..

بالنسبه للوجه ماكنت استخدم فاونديشن لاني يوميا احط مكياج فصعبه احط فاونديشن كل يوم .. واحسن شي جربته هالشهر ويعطيني تغطيه جيده هو بي بي كريم مايبلين تغطيته خفيفه مافيه زيوت كثير وفيه حمايه من الشمس اتوقع قرب يخلص حقي اذا تبين تقرين زيادة عن البي بي كريم افتحي هالرابط .
بالنسبه للكونسيلر فيه ثنين كنت استخدمهم اول واحد الكونسيلر الجديد من بنفت وكتبت عنه هنا بس عشانه غامق صرت استخدمه كمصحح للهالات جميل جدا ولايتكتل وانصح فيه بعدها احط كونسيلر فيت مي من مايبلين وهذا فاتح بالنسبه لي بس يعطي اضاءه مع كونسيلر بينفت .. وعموما درجاته قليله لكنه جميل مره ويناسب البشرات اللي فيها عيوب قليله انصح فيه بقوه .
 البلشر بما اني دايم مستعجله وكنت مضغوطه فا احسن شي جربته هو البلشر الكريمي روز بيتل من نكس حلو مره وناعم ويناسب كل البشرات واللوكات وعلى فكره هو بديل مثالي لبلشر بوسي من ماك  شوفي هالرابط .

العيون : هالبالت عندي اياها من زمان من بير مينرلز وهي لميتد ادشن يعني مب متوفر هاللحين شاريتها اون لاين بس من فتره شفت سيفورا منزلين شدوات بير منيرلز قلت دام نزلوها بكتب عنها شدوات هالماركه جدا جميله وثابته وصبغته قويه مره احبها احيانا استخدم لون واحيانا الوان متعدده ( ملاحظه ماراح تلاقون هالبالت بس نصيحه جربوا شدواتهم ) .
الاكحال غير الاسود الوحده اكيد تحب التغيير ومافي اجمل من اللون الاخضر والبني كتغيير وبرضو هادي ومب زحمه زي الازرق والموف كلها من بورجوا وثباتها ممتاز .
المسكارا هاذي عينه من شانيل لمسكراتهم الجديده ممتازه مرره توزع الرموش ولا تكتلها وبرضو تطول حبيتها مره مع اني ماقد فكرت اشتري مسكارا من شانيل بس هاذي اعجبتني مره ويمكن اشتريها بالحجم العادي مستقبلا.

الفرش :
سيقما الكابوكي F88 اروح وارجع عليها مره ممتازه للتوزيع والدمج وبما ان شعيراتها جدا كثيفه فهي مناسبه مره للتغطيه المثاليه مع الفاونديشن الثقيل وحتى الخفيف تنفع له تقدرين تطلبينها من هنا وفيه خصم لو حبيتي 10 بالميه .
الفرشه الثانيه لي كم اسبوع شريتها من بربري رقمها ٩ استخدمها للدمج الشدو مره ممتازه وتدمج بسهوله ومهمتها شبيهه بفرشه 224 بس حبيت هاذي اكثر لان شعيراتها اكثر .

الشفايف :
روج ايف سان لوران YSL 14 وروج كريم بورلي رقمه 095 من ريفلون الصراحه كل هاللونين ابي استعملهم وبديت ادمجهم سوا اول شي احط ايف سان لوران وبعدها اخففه بمنديل وبعدها احط كريم بورليه من ريفلون ويعطيني نتيجه ناعمه مره .
واللي عندها كريم بورليه ووتورطت فيه لانه نيود بزياده اقولها حاولي تستخدمينه مع الارواج الصارخه او المحددات وراح يعجبك مره .

والقلوس اعشقه من كلارنس رقمه 2 مره جميل وقد تكلمت عنه احسانه احطه لوحده واحيانا مع ارواج ريحته تفتح النفس ويمكن تتحمسين وتاكلينه لان طعمه لذيذ . 

الاظافر :
 اليسار من سالي هانسن من وجوه فرع صحارى لونه ازرق بحري مره جميل وكريمي وعلى طول ينشف وهاذي اول مره اجرب مناكيرهم وعجبني مره رقمه 250 واسمه BLUE IT  .
الثاني هوليدي من شانيل Holiday 617 هذا اللون لو تذكرون الصيف الماضي انهبلت كنت ابيه ولا حصلته وكان لميتد ادشن واللحين نزلوه بشكل دائم جاني هديهلونه اورنج فاقع وهادي بنفس الوقت وبرضو حسيته يقبل كل البشرات .

الشيين اللي ماحبيتهم الفتره الماضيه :
هالسكراب / من باث اند بودي بوركس بالمانقو وجوز الهند ريحته استغفر الله ياربي قبيحه جدا وغير كذا مايسوي اي مفعول بس شكل واسم هاذي اول مره اجرب سكرابات باث بس شكلي ماراح اسويها ثاني مره .
الشي الثاني شمعه من ديورانس محلهم في حياة مول المحل يجننن مره وروايح تاخذ العقل وكنت من زمان ابي شمعه جميله وقررت اشتري منهم وحده وطبعا اخترت رائحتي المفضل اللافندر او ماشغلتها بالبيت انصدمت مالها ريحه ابد ابد :( مره انقهرت وخصوصا انها غاليه وغير كذا شي يقهرني بالشموع ماتحترق بالتساوي يعني بيضيع نص الشمع عليك بالحوايف عموما المحل ودي اجرب منه اشياء بس الشمعه احبطتني .

 *للاشتراك في مدونتي اضغطي على الرابط الموجود فوق على اليمين بالضغط على  

• تلقوني هنا على التويتر   
•  انستقرام : norahbeautybox
•  إذا حابين تطلبون من سيقما هذا كود التخفيض تحطونه قبل ماتسوون تشيك اوت ويخفض لكم ١٠ بالميه  SUM2013 اضغطي هنا لموقع سيقما
•  اشوفكم على خير .