مزيل المكياج يعتبر من الاشياء الضروريه اللي لازم تكون عندك خصوصا لو كنتي تستخدمين المكياج الكامل او مكياج العيون بالذات .. فيه بنات يقولون يكفي نغسل بالغسول والمويه وخلاص .. للاسف مايكفي لان المكياج يحتاج ازاله بشكل لطيف وهالشي مايكون الا بالمزيل ..المزيلات كثيره جدا وكل ماركات الميك اب والعنايه منزله مزيل بعرض لكم تجاربي بالترتيب من اليمين الى اليسار
١- لوريال من افضل المزيلات اللي جربتها هاذي يمكن العلبه الخامسه اللي اخلصها ينظف ومايلطخ ومتوفر واهم شي رخيص وجودة رائعه.
٢-مزيل على شكل رغوه من سيفورا جميل وينظف بشكل ممتاز بس عيبه الصعوبه بالنسبه للانواع الثانيه
٣-مزيل حليبي من بربري جميل وينظف ويشيل كل الميك اب بشكل سهل حبيت التركيبه مره .
٤-بايدورما اشتهر بقوه بعالم اليوتيوب جربته مرتين حلو مرررره ويزيل بشكل لطيف ومره استخدمته كغسول والنتيجه جميله لطيف وماحسيت بجفاف زي العاده .
٥- مزيل من جونسون عادي جدا وماحسه ينظف يبي لك تمسحين كم مره
٦- نيفيا برضو عادي بس احسن من جونسن ينفع لو حاطه مكياج ناعم وخفيف اما لو سموكي ايز بتلطخين الدنيا بهالمزيل p;
٧- مزيل من بوتس Nْ7 روعه وينظف ويزيل المكياج بس عيبه ماينمزج بسرعه اذا رجيته والفتحه كبيره يبي لك تنتبهين اذا فتحتيه وفيه عيب بسيط انه يترك بقايا زي الزيت مع اني بغسل بعدها بغسول بس احس هالشي مزعج بالنسبه لي :/.
بالنسبه لي احب المزيلات السائله هي اللي تنظف وتشيل الميك اب من جذوره
* معلومه بسيطه : اذا شريتي مزيل فيه سائلين ازرق وشفاف رجيه لين يتمازج اللونين ويصير لون واحد بعدين استعمليه وكرري العمليه اذا احتجتي .
المناديل مليان برضو بالصيدليات وبالنسبه لتجاربي ماقد جربت مناديل تشيل الميك اب بذمه وضمير خصوصا لو الميك اب ثقيل هي ممتازه لو مكياجك خفيف + انتي طفشانه ومالك خلق تعتبر اسرع من المزيل السايل
هالمناديل من لوريال رقيقه وتنظف بشكل بسيط واهم شي ناعمه على الوجه
جربت جونسون فاشله جداا واحرقت وجهي وحمر منها قارنيه عاديه مره نيروجينا روعه رووووعه شريتها من التميمي ولا عاد لقيتها :(
لو ماكان عندك مزيل او ماتبغين تشترين فيه مزيل طبيعي عندك بالبيت وهو زيت الزيتون الطريقه
انك تجيبين قطن او الشرائح القطنيه وتصبين عليها مويه دافيه وبعدها تحطين شوي زيت زيتون وراح تشيل لك الميك اب بكل سهوله وبساطه : )
واخيرا بعد ماتخلصين ازاله الميك اب وتغسلين بشرتك لاتنسين ترشين مويه الورد راح تعطيك انتعاش ونظاره وتسكر المسامات تلقين مويه الورد في العطاره والمحامص : )
لاتنسون تعلموني لو عندكم مزيلات ممتازه !!
*اتمنى انكم استفدتو واذا استفدتي من المدونه خبري صديقاتك وقريباتك وخليهم يستفيدون ♥♡♥
* للاشتراك في مدونتي اضغطي على الرابط الموجود في اليمين بالضغط على .
* وللأستفسارات السريعه والمتابعه انا موجودة على التويتر ( تويتر نوره بيوتي بوكس )
* للاشتراك في مدونتي اضغطي على الرابط الموجود في اليمين بالضغط على .
* وللأستفسارات السريعه والمتابعه انا موجودة على التويتر ( تويتر نوره بيوتي بوكس )
عندي مزيل ميك اب من بوجوا مرررا جميل ويشيل بذمه
ReplyDeleteكنت استخدم لوريال لاكن هذا عجبني اكثر
بورجوا قد شفته جاي مع مسكارا وما اشتريته لاني مابي المسكارا لو لقيته لحاله بجربه
Deleteنسيت اقول موفقه حبوبه
ReplyDeleteريم حمد
العفو ياريم ...
Deleteتسلمين حبيبتي ع البوست الجميل ربي يعطيك العافية ياعسل :*
ReplyDeleteويعافيك يارب انتي اجمل ولله
Deleteتسلم يدكك ♡
ReplyDeleteشكرا : )
Deletethank u <3
ReplyDeleteI enjoyed reading it!
my pleasure
Deleteشكرا انا بنسبه لي جونسن الوشن مررررره بطل ولا سبب جفاف ولا تجاعيد مو الي انتي حاطه (كنه مويه )صح
ReplyDeleteاي اي نوع انتي تقصدين
Deleteتدوينة رائعة, وحبيت مودنتك وتم الاشتراك ,,
ReplyDeleteحمستيني لمزيل رويال ^^
بالنسبة للمناديل جربي نيفيا اذا ماجربتيها قبل
للبشرة الحساسة , مره روعه مرتاحة عليها أكثر من جونسون ,,
نيفيا ماقد جربتها .. ان شاء المره الجايه بشتريها
Deleteجونسن مانسبتني ابدا
تسلمين
تسلمين ويلي جرب شي يخبرنا
ReplyDeleteيسلمكي
Deleteأنا بشرتي جافة
ReplyDeleteأستخدمت غارنييه حليب بالورد , مرة لطيف ع البشرة وريحته حلوة
حاليا استخدم بيودرما عرضتي صورته بالبوستات الجديدة , فظيييع أحسه ماي من كثر ماهو خفيف ويشيل بسرعه وخصوصا العيون ولاحظت كم مرة يدخل بعيني وماسبب لي حرق او شي
من فترة قريبة سمعت ان مناديل بودي شوب اللي بفيتامين E حلوة وبنفس الوقت كويسة للبشرة على كلام خبيرة تجميل تثقة
ماقد شفت تبع قارنيه لو شفته راح اعطيه فرصه
Deleteاجمل شي في بيوديرما انه يناسب الجميع
ماقد شفت احد يشتكي منه : )
بوست ججميل *،*
ReplyDeleteانا استخدم مزيل قارنييه حليب بالورد اعتبرره مره بطل
بس مشكلته شوي يحوس ولازم تدربين عليه شوي لانه كذا حليبي تخافين يدخل بالعين
مره بالغلط دخل بعيني وكنت لابسه عدسات بس الحمدلله ماسبب لي اي تهيج بس
برضو الحذر واجب .. *ماجربت اشيل فيه مكياج ثقيل
جربت مناديل الاطفال اللي من ماركه نونو ومره كمان عجبتني
Definitely believe that which you said. Your favorite justification appeared to be on the web the simplest thing to be aware of.
ReplyDeleteI say to you, I definitely get annoyed while people think about worries that they
plainly do not know about. You managed to hit the nail upon the top and also defined out the whole thing without having side-effects , people could take a signal.
Will probably be back to get more. Thanks
my blog post ... http://juvesiioblog.com