سبراي فكس بلس من ماك مع بودرة الاتش دي من ميك اب فور ايفر

الفكس بلس من ماك عباره عن بخاخ رذاذ لتثبيت المكياج هالمنتج من اشهر المنتجات عالميا كثير بنات انجنوا عليه واعتبروه ماجك لانه يضيف اضاءه واشراق للوجه  وناس قالوا بايخ ومايستحق كل هالضجه اما بالنسبه لي المنتج جيد يميل للممتاز وراح اظل اشتريه لو خلص وممكن مستقبلا اجرب سبراي من ماركات ثانيه واعرضها هنا ونشوف الفرق : )
البنات ماقصروا بالنت حطوا مليون طريقه لكيفية استخدامه وانا هنا بذكر طريقتي وودي البنات اللي ماعجبوهم او تركوه بالدرج يعطونه فرصة ثانيه .
طريقتي :
بعد ما اخلص مكياجي ارش على وجهي واخليه لما احس انه نشف مب ينشف تماما لا ... فيه رطوبه بسيطه بعدها احط البودرة المنثورة الشفافه اتش دي من ميك اب فور ايفر اوزعها بفرشه كبيره على كامل الوجه ياإلهي اللوك يثبت ويطلع فيه رونق جمممممميل جدا جدا كثير اسوي هالطريقه واحس بالفرق بين لو ماسويتها احس فيه شي منور بوجهي ياليت تجربون هالطريقه وبأذن الله راح تعجبكم : ) 
بالنسبه للباودرة فيه كثير منها بماركات ثانيه ماك شانيل سشيدو .. الخ انتي اختاري اللي يناسبك ويعجبك .  

*الماك بلس سبراي يتوفر في محلات ماك
*الباودر في كاونتر ميك اب فور ايفر في دبنهامز ٬فافافوم٬ وجوه و سيفورا.