ريفيو شامل لاقلام الكونتور من سماش بوكس

مساء الخيرات 
الكونتور من اسرع الموضات اللي انتشرت بعالم الميكب وتقريبا مافي ماركه ماطلعت منتجات للكونتور سماش بوكس نزلوا هالاقلام قلت اكتب لكم عنها وتجربتي لها

المجموعه يجي فيها ثلاث اقلام قلم للأضاءه بيج بدرجة صفراء وقلم للبرونز لونه بني دافي وقلم للكونتور بني بدرجه رماديه بارده
 الاقلام حجمها متوسط يجي مع العلبه برايه خاصه بالاقلام وبرشور فيه صور مساعده للكنتور والتحديد .
التركيبه كريميه سهله جدا بالدمج وماتتكتل  وتظل كريميه حتى لو ما دمجتيها بسرعه 
اللون البني الرمادي افضل نتيجه من بينهم بس اذا تحبين نتيجه ثابته وباينه يفضل تحطين فوقه باودر 
بالنسبه للون الاضاءه ماعتقد يناسب الجميع خصوصا البشرات الفاتحه ماراح يبين عليها ابدا 
حبيت المجموعه انها سهله بالتوزيع والدمج وحلوه للمبتدئين بالكونتور وتنفع استخدام يومي غير كذا ماحسها شي مميز او انصح بشرائه  .



ميزات :
سهوله بالدمج 
مجموعه كامله مريحه بالشراء 

عيوب :
عدم الثبات 
الدرجات لاتنساب جميع البشرات 

متوفره في سيفورا بسعر ٢٨٠
هذا كل شي عن ثلاثي الاقلام من سماش بوكس للتحديد اتمنى استفدتوا من هالبوست والقاكم على خير 

تابعوني على الانستقرام والسناب والتويتر بأسمي norahbeautybox