Wednesday 8 July 2015

ريفيو شامل عن ماركة ويت اند وايلد الامريكية

مرحبا بنات
اليوم بكتب لكم تجربتي لميكب ويت اند وايلد ماركة امريكيه مشهوره من الدرق ستور جودتها بالاغلب رائعه وكثير يقارنون ارواجهم بارواج ماك جربت كذا منتج منهم وبعطيكم ريفيو عنهم وان شاء الله تستفيدون .


البالت المشهور comfort zone كمفرت زون اشتهر قبل خمس سنوات الوانه اغلبها ناتشورال وفيه الوان غامقه بالبالت البقيمنت روعه وقوامه كانه زبدة ثباتها ممتاز  جربتها مع برايمر مثل شدوهات ماك .
صديقتي جربتها بدون برايمر وبرضو لاحظت انها ثابته بشكل جميل انصح فيها .


جربت بلشرين اللي فوق اسمه ميلو واين mellow wine واللي تحت هيذر سيلك heather silk الوانها مرره قويه تحطين نقطه يكفي ولازم تصير يدك خفيفه مع هالبلشرات ثباتها روعه برضو بس زي ماقلت لازم تخففين ولا بيطلع مبقع لقيت صعوبه بالدمج بس شي معقول يمكن لاني كثرت .

برونز للوجه اسمه starlight bronze ماحبيته للاسف فيه لمعه قويه والشمر كبير فيه وباين مره اوفر مع انه يوم اجربه بالمحل كان ناعم فيه منتجات مثله احلى بكثير زي برونز نكس .


شدو مشهور لكامل الجفن والدمج اسمه بروليه نفس حق ماك بالضبط ونفس الاسم حلو للدمج مع الالوان الغامقه برضو حلو قوامه مرررره مع انه مطفي بس قوامه زبدة .

الارواج جربت وردي بس للاسف مالقيته ضايع الثاني لونه عنابي مطفي اسمه cinnamon spice  لونه جميل للشتاء مع كحل اسود ثقيل روعه .

بشكل عام الماركة جميله وكوالتي ممتاز اغلب منتجاتهم ثباتها قوي وماكأنها من ماركات الدرق ستور السيء فيها التعليب مررره رخيص وماينفك بسهوله خصوصا الروج لازم تصيرين حذره وانتي تسكرينه او ممكن ينكسر معك .

الماركة شريتها من فيرجن ياس مول متوفره ايضا فيرجن الامارات مول وجيان ياس مول .
اسعارها زي ماقلت رخيصه البلشرات باربعين والارواج بثلاثين والبالت بخمسين ريال تقريبا .

اتمنى عجبكم الريفيو الكامل للماركة والقاكم على خير
تابعوني على التويتر والانستقرام norahbeautybox


No comments:

Post a Comment