من فترة وانا ابي اكتب هالبوست وانشغل بالسناب والانستقرام كالعادة
حضرت قبل اسبوعين ايفنت ذا بودي شوب كان تعريف كامل عن مجموعة الزيوت الجديدة المجموعة نازله من فترة قريبه وكثير من بنات جدة والخليج جربوها وجا الوقت لبنات الرياض اخيرااا😭 المجموعه مختلفة عن اللي تعودنا من بودي شوب الزيوت داخله بقوة غير كذا التركيز كان ان المنتجات تعطيك استرخاء ودلع مب بس عنايه بس كان ناقص ينزلون شموع مع هالمجموعه وتكمل .☺️😁😍
الزيت اللي من اليمين يعيد الحيويه للبشره ويخفف من ظهور علامات التجاعيد تركيبته خفيفه مررررره يعني ماكنه زيت اتوقع البشرات الجافه راح تعشقه ويناسب جميع البشرات .
من اليسار منتج عجيب انا استخدمته لازالة الميكب وبعدها اغسل وجهي فضيييع يعطي نظارة ونعومة للبشره بعد اسبوع بتلاحظين الفرق ينفع لكل البشرات الشيء اللي ماحبيته ريحته 😔
كريمات مغذيه للبشره الجل جربته بالليل اصحى الصباح القى بشرتي رطبه كانها متشربه مويه حبيت التركيبه مره واحسن شي
ان تركيبته على طول تمتصها البشره الكريم مابعد جربته بس اتوقع اثقل من الجل .
لو اقولكم وش قد متحمسه للسكراب ماتصدقون مررررره سمعت عليه مدح بالمدونات الاجنبيه وفيه وحده حاطته من التوب بالمقشرات الجديده اللي طلعت هالفترة راح اجربه ان شاء الله واكتب عنه بالانستقرام بأقرب وقت .
من اليمين كريم للجسم للي يعشقون زبدة بودي شوب المشهورة راح يعجبهم هالمرطب ريحته خياااال فضيعه ناعمه وهاديه .
اخر شي اداة المساج او التدليك فيها زي الاحجار وباردة مره تدلكين فيها الوجه والرقبه تحفز الكولاجين في بشرتك وتستخدم مع الزيوت لنتيجة افضل .
فيه منتجات نزلت مع هالمجموعة ناويه اجربها ان شاء الله مثل قناع الطين للجسم اللي جربت شي من هالمنتجات تعلمنا عن تجربتها
في التويتر او الانستقرام او هنا اسمي بكل مكان norahbeautybox .
اتمنى استمتعتوا بهالرفيو البسيط مع المنتجات الجديدة والقاكم على خير في بوست جديد الاسبوع القادم 🙏🏾🌷🌈
No comments:
Post a Comment