ريفيو منتجات عنايه من شيسيدو

مرحبا
بوست الاسبوع بيكون عن منتجات من شركة شيسيدو اليابانيه ارسلوها لي قبل فترة تقريبا شهر وامداني اجربها واعطي رأيي فيها

العطر من اليمين ريحته ورد فريش ينفع صباحي عاد انا خبرتي بالعطورات زيرو بس هذا ريحته جميله مره ومنعشه ❤️😍


بالوسط كريم للبشره يجدد الخلايا ويساعد على الترطيب وتصفيه وتوحيد البشره واغلب اللي استخدموه وكتبوه عنه رفيوهات قالوا ان حسوا ان بشرتهم صارت اصغر من اول  يستخدم يوميا نهار وليل انا استخدمته ليلي فقط وفعلا اقوم وبشرتي تجننن مترطبه مره وتحسين فيها ندى كذا تركيبته ثقيله شوي يعني اذا تبين تحطينه بالليل يفضل قبل النوم بساعه عشان تتشربه البشره جاي معاه ملعقه احب الكريمات تتوزع بهالشكل عشان مايتلوث الكريم . العلبه تجننن مره فخمه . انصح فيه بقوة👍🏽👍🏽👍🏽

واخيرا من اليسار واقي شمس بحماية +50 يساعد على توحيد البشره مع الاستخدام اليومي وتقليل ظهور التجاعيد
اجمل شي لاحظته انه مايدهن بالعادة الواقي دايم يدهن بالبشره بعد ساعه .
توزيعه سهل بس يترك اثر ابيض واضح هذا الشي ماحبيته فيه.

اشوف كثير بنات يمدحون الفاونديشن من شيسيدو وميزته مايعدم البشره ناويه اجربه ان شالله واذا

فيه منتجات تنصحون فيها من ماركة شيسيدو اكتبوا لي عنها هنا او بالانستقرام او التويتر
بالسوشال ميديا حسابي نفس اسمي هنا norahbeautybox

القاكم على خير