فاونديشن مارك جيكوبز الجـديد Re(marc)able Full Cover Foundation Concentrate

مرحبا بنات
طولت عليكم بالريفيو بس الفاونديشن كان تحت التجربة والتمحيص P;

هالفاونديشن كالعادة عليه مدح باليوتيوب والانستقرام .. الخ جاني فضول اجربه غير ان فيه كثير حابين يجربونه ومتخوفين قلت اجربه واعلمكم بالنتيجه : )

الفاونديشن قوامه سايل ثقيل بدون زيوت نازل منه ٢٢ درجة تغطيته ثقيله مره وممكن تحتاجين كميه بسيطه وراح تكتفين فيها

تجربتي له :
انا احب التغطيه الثقيله والخفيفه عجبني الفاونديشن انه نقطتين تكفي وتغطي مع ان عندي اثار حبوب بس شفت انه غطاها بشكل كامل يعتبر من الفاونديشنات اللي ماتتخفف لو حطيتي قليل برضو بيعطك تغطيه كامله
اشوفه يناسب جميع البشرات ( بشرتي مختلطه ) بس  لازم تثبيت باودر للبشره الدهنية 
افضل نتيجة جربتها مع البيوتي بلندر  بس تكون تقريبا ناشفه عشان ماتتشرب الفاونديشن  برضو الكابوكي توزعه بشكل ممتاز .


مزايا :
تغطية ثقيله وطبيعية !
سهول بالدمج ومايحتاج وقت طويل
درجات واسعه تناسب جميع الاندرتون 


عيوب :
تكتل بسيط بعد مرور ثلاث الى اربع ساعات
اداة التوزيع احسها مب عملية تمنيت انه ضغاط .

درجتي ٥٢ hony light للي يعرفون لون بشرتي من الانستقرام ولا السناب الدرجه بيرفكت اول مره اوصل لدرجه تناسبني بهالشكل .

* ماركة مارك جيكوبز متوفرة حصريا بسيفورا 

اتمنى استفتدوا من هالريفيو والقاكم على خير حبيباتي .