مرحبا فيكم بنات ..
اتمنى انكم طيبين كلكم
قبل فتره وصلتني بوكس فيه بلشرات مارك جيكوب من اسعد اللحظات بحياتي يوم فتحت هالبوكس
فيه شاشه تعرض كيف تستخدمين هالبلشرات روعه الفكره وصورتها سناب اول ماوصلني
البلشرمنزلين خمس درجات متنوعه
كل درجة فيها لونين فاتح وغامق يعني بشكل ما تشترين بلشرين في بلشر
...
تركيبتها ساتن ناعمه وخفيفه تتوزع باعتدال ولا تبقع تقدرين تستخدمين اللون الفاتح لوحده او الغامق لوحده او تدمجيهم سوا
وفيه طريقه تستخدمينها لكل وجه ككنتور واضاءه ممكن تشوفينها على اكاونتهم .
انا جربت كل الطرق وحبيت الدمج اكثر شي ..
البشرات ثاااابته هذا الشي عندي مهم مره للبلشر لاني ماراح اشيله معي للمناسبه او اذا طلعت
فاحب اذا رجعت القاه موجود :d
اجمل الدرجات بالنسبه لي بحط لها سواتشز بالانستقرام :
* رقم ٥٠٨ لونه بينك غامق مع بينك فاقع دمج هاللونين مع بعض خيال خصوصا على البشره السمراء والحنطيه
*رقم ٥٠٤ لونه بينك فاتح مع كورالي فيه لمعه خفيفه ويعطي قلو ناعم للخدود من انسب البشرات لجميع البشرات
*رقم ٥٠٦ لونه بني مع بيج يجننننن احب هاللون مره تقدرين تستخدمين اللون الفاتح كاضأءه واللونين كبلشر
بلشرات مارك جيكوبز القديمه مادري اذا بيقطعونها او بتصير موجوده بس شريت الموف قبل سنتين وقد سويت عنه رفيو
جميل مررررره خصوصا مع الارواج البارده اللي تتورطين وش تحطين بلشر معها
درجة البلشر الموف ٢١٢
ارسلو لي مع بوكس البلشرات فرشه بلشر ومن قبل كنت شاريتها حلوه مره وتوزع بشكل ناعم وخفيف لكن يعيبها ثقيله بالنسبه للفرش
بالنهايه اقولكم بدون مبالغه من اجمل البلشرات اللي جربتها ناعمه ولونها واضح وثابته والعلبه كميه جمال بحد ذاتها انصح فيها متوفره حصريا بسيفورا بسعر ١٧٥ ريال سعودي .
اذا عندكم طلبات او اقتراحات راسلوني واحاول اكتب عنها .
لاتنسون متابعتي بالسوشل ميديا في كل مكان اسمي NORAHBEAUTYBOX
سنابي :
No comments:
Post a Comment