في كثير من المناسبات والدوامات او حتى الزيارات العاديه نلاحظ اخطاء في المكياج فيه بعض الاخطاء ممكن تمشي مرور الكرام وفيه اخطاء تكون ملفته بشكل محرج جمعت اكثر الاخطاء اللي اشوفها وحبيت انبهكم ( لاترتكبونها ) : )
١- الخطوط الواضحه للفاونديشن
من اقدم الاخطاء ومن اكثرها شيوعا .. مع التطور والاطلاع صاروا البنات يعرفون يوزعون الاساس بشكل متوازن والاهم انهم يختارون اللون المناسب الا انه مازال فيه ناس يكون واضح الخط بين الفك والوجه او الرقبه تجنبي هالشي قدر الامكان وخلي توزيعك صحيح واهم شي الفاونديشن مقارب للون بشرتك .
٢- البلشر او الحمره
لاتحطين البلشر زي المهرج .. معروف المهرج الحمره دائرية ومرتكزة بوسط الخدود الغرض من هالشكل اعطاء المهرج شكل مرح وطفولي .. انتي محتاجه تحطين بلشر عشان يعطيك لوك هيلثي وفرش واهم نقطه يكون طبيعي : )
٣ - الكحل المسحوب
الكحل المسحوب لآخر الوجه نلاقيه شائع بالازمنه القديمه لكن مازال يوجد ناس تسحبه بشكل ملفت تذكري توصلين لنقطه معينه تناسب حجم عينك .
٤- الروج الغامق
الروج الغامق يعطي مظهر جميل وفخم لكن للأسف فيه كثير بنات يحطونه في ايام الصيف بمجرد ماينتهي الشتا ودعي روجك العنابي : )
٥ - خطوط الحواجب
الحواجب المرتبه المرسومة تعطي جمال للعيون والوجه للأسف فيه بنات يبان الحدود للقلم الفكرة من رسم الحواجب انك تملين الفراغات بشكل يوحي للمشاهد انها شعر مش لون حاولي يكون اللون مناسب للونك ولون شعرك وارسمي بفرشه او قلم بشكل طبيعي.
No comments:
Post a Comment