مدري شلون بتكلم عن هاللون اول شي البلشر مشهووووور جدا جدا جدا بعالم الميك اب اللون جميل ورائع وينيفرسل يقبل على جميع انواع البشره عاد انتي واللي يناسبك ثقيل او خفيف نهار او ليل.
انا من اشد المعجبين بحمرة نارس ببساطة تعطيك اللون اللي تبين مع سهوله وثبات طويل وهذا المطلوب
القهر ان ماركة زي نارس ماتنباع عندنا بس اني ما ارتحت الا لما شريته هههه ويستحق المدح والشراء : )
لونه خوخي / بيتشي على وردي فيه لمعه ذهبيه الدرجه الورديه اعتبرها غامقه الى حد ما تغطيته واضحه وملمسه بودره لكن تحسينه كريمي من كثر ما هو يصبغ بقوه ♥
طبعا ماركه نارس يوم شافت الاقبال والجماهيريه على هالبلشر طلعت قلوس وروج واشياء ثانية( انا ماعندي الا البلشر ) والماركات الثانيه طلعوا لون شبيه له سواء الماركات الغاليه او الرخيصه باختصار صار بلشر ايقونه ♥
سواتش :
نجي للبديل قريت كثيركثير شي لايحصى من البدائل وفيه بدائل من ماك برضو للي يبون♥
انا عندي البديل من بورجوا اخترت بديل رخيص عشان يستفيدون اللي يحبون يشترون مكياج الميزانيه المحدودة ووحتى المفتوحه يكون عندهم خيار وبالنسبه للمبتدئين بالميك اب هذا بلشر رائع لهم .
المقارنه :
NARS Orgasm Blush بالمقارنه مع Bourjois 33 Lilas D’or
نارس اكثر لمعته الذهبيه وثابته بورجوا بعد كم ساعه احسها تختفي شوي اما بالنسبه للالون بالعلبه زي بعض بالضبط بس على البشره تختلف اختلاف بسيط بورجوا على وردي ونارس على خوخي ملاحظة : البلشرات تختلف اذا حطيناها على البشره طبعا مستحيل نلقى بديل طبق الاصل لكن هاللون على بشرتي مرررره قريب لاورقازم.
* اتمنى تدوينتي حازت على رضاكم واستفدتوا تابعوني عندي الجديد والمفيد بإذن الله.
* للاشتراك في مدونتي اضغطي على الرابط الموجود في اليمين .
* بورجوا متوفرة في سنتر بوينت ايكونك دبنهامز فافافوم سعرحمرة
*سعر حمره بورجوا ٥٤ ريال رقم ٣٣ .
مواقع توفر ماركة نارس :
نوردستروم
ساكس فيث افنيو
الله يالبلاشر هذا لونه شي جميل ويناسب كل الوان البشرات
ReplyDeleteانا ماجربته بس جربت بديل او مشابه له من ايلف اللي هو يجي بلش وبرونز وفيه بعد من البلشر لاين الاستوديو واحد قريب ل اورقازم اذا ماخاب ظني انه كونكد كورال
من الماركات اللي ودي اجربها ايلف ماحصل لي الشرف ... ان شاء الله مستقبلا : ) شكرا لك يامنيره
ReplyDelete