مشتريات الميك اب للبنت الجامعيه

الدراسه قربت وكثير دفعات من بنات الجامعه جالسين يتقضون اللحين للشوزات والشنط واللبس والميك اب .. الخ
وبما ان البنات حبوا تدوينتي السابقه انا بنت جامعيه وهذا من فضل ربي كلي شرف اني خدمتهم لو بالشي البسيط و حابه اكمل معروفي واكون اكثر دقه بالمشتريات .
طبعا بنات الجامعه لهم معزه بقلبي لأني كنت بنت جامعيه وانا اكبر اخواتي فكنت فعلا ضايعه علما اني كنت اكره الميك اب لما كنت بالمدرسه ههههههه يعني ماقد لمست الميك اب ودارت الايام وصار من اجمل الاشياء بحياتي والحمدلله : ) 

اولا حابه اقول ان كل المشتريات لــ ( الميزانيه المحدوده ) لان البنات اغلبهم ميزانيتهم مرهقه من المقاضي الثانيه
ثانيا جوده الميك اب رائعه يعني مب من نوعيه ( رخيص مخيس ) 

اللحين نستعرض الميك اب من اليسار لليمين : 

كريم الاساس / Foundation :
بورجوا هيلثي مكس غني عن التعريف اساس سايل تغطيته متوسطه قوامه خفيف اذا كنتي تحتاجين فاونديشن انصحك فيه اما اذا بشرتك ممتازه اكتفي بالواقي 

الظل/ Eyeshadow:
اخترت شدو ريفلون علبه فيها اربع الوان سويت تدوينه عنها هنا .. حلو تغيير مثلا لو مشتهيه شدو .

المسكارا/Mascara :
بورجوا فوليومايزر /volumizer mascara 
مسكارا فيها خطوتين تحطين الخطوة الأولى بعدين الثانيه تكثف وتطول روعه


الفرش / brushs
الفرش يبي لها ميزانيه لحالها لكن حابه انصح بفرشه جميله جدا نصحتني فيها صديقتي 
حزروا من وين ؟ H&M حبيب البنات : ) 
الفرشه للشدو جميله مره بالنسبه لسعرها (سعرها يمكن 20 ) استخدميها مع شدو ريفلون : )


بودرة الجواجب / Brow & Liner
من بودي شوب لونين بني وبني غامق يجي معاه فرشه منتج رائع وما استغني عنه واذا ميزانتك تسمح تشترين فرشه يكون افضل لكن لو ماتقدرين الفرشه اللي معاه تأدي الغرض .

الحمره / Blush :
نكس روز باتل رقم  ٠١ rose petal 01 
بلشر كريمي وردي طبيعي ينفع للصباح وينفع للي مايحبون يحطون كريم اساس سهل الاستخدام حتى ام خمس سنين بتعرف توزعه P;

الارواج/ Lipstick and Lipgloss
حلو تاخذين قلوس وروج 
القلوس /نكس ناتشورال رقم ١٢٢ NYX 122 Natural  
روعه لونه خوخي بيجي وردي
الروج مستحيل ما اذكر روجي المفضل من بورجوا هنا كتبت عنه 

 * تدوينتي هذي مثال فقط ممكن تمشين عليها بمشترياتك مب شرط نفس اللي اخترت : )
 * اسفه الاسعار ماتذكرها لان كثير اغراض من زمان عندي لكن تقريبا كل هالمشتريات ماتكلفك اكثر من ٣٠٠ريال : ) 
 * كل هالمشتريات متوفرة في سنتر بوينت ماعدا بودره الحواجب تتوفر في محلات بودي شوب 

 بالتوفيق لكل البنات لا تنسوني من دعواتكم : )