مسكارا شوكنق من ايف سان لوران YSL Shocking Mascara

مرحبا فيكم ان شاء الله الجميع بخير بتكلم اليوم عن مسكارا ايف سان لوران وهاذي اول تدوينه لي عن المسكارا بشكل عام ♥♥.. 
المسكارا نسبيه ممكن وحده تعجب بنت وتناسبها وممكن وحده تقول قبيحه وماسوت شي لرموشي وهذا شي طبيعي لأن الرموش تختلف من بنت لبنت . ومستحيل نلقى مسكارا تعجب الجميع وهذا حال الاشياء كلها بحياتنا 
هالمسكارا عليها سوق حاليا انتشرت بين البنات من بدايه الصيف و سيفورا اخر مارحت له قالت انها سولد اوت♥♥ .
المسكارا قوامها كثيف وناعم الفرشه عريضه نوعا ما وتشيل كميه كبيره من المسكارا ريحتها ورد وكثير تشكوا من الريحه صراحه حركه غريبه من الشركه مسكارا وفيها ريحه ليه ؟ 
بالنسبه لتجربتي جربتها بالمحل كانت جميله جدا وفعلا صدمه على اسمها روعه وكثفت وطولت بشكل خياااالي .. لما شريتها وجربتها اول مره تفاجأت انها جمعت رموشي وتلصقت :/ صحيح اني احب هاللوك اللي كأن العيون متبلله لكن هالمسكارا شاريتها عشان تعطيني كثافه وطول .. 
رحت قريت عنها بالنت لانه ضاق صدري من النتيجه☹ .. وطلع الكثير مشتكي من نفس الشي .. وقالوا تزين بعد ثالث او رابع استعمال وفعلا صار لي شهر تقريبا استخدمها باوقات متفرقه وطلعت روووعه بشكل صادم هههه تكثف وتطول وتكبر العين وتجملها معاناته يبيلها ممارسه وفعلا مع عده استعمالات بتعرفين كيف تستخدمينها وتوزعينها انصح فيها بس بعد تجربتها بالمحل لأن يمكن ماتعجبك وتتحسفين انك شريتيها .
يجي منها ست الوان الاسود الرمادي البرونزي الموف الاخضر والازرق ماعندي فكره لو كانت كل الالوان عندنا .
هذا شكل الفرشه :

اتمنى انكم استفدتو واذا استفدتي من المدونه خبري صديقاتك وقريباتك وخليهم يستفيدون ♥♡♥
* للاشتراك في مدونتي اضغطي على الرابط الموجود في اليمين بالضغط على .  

* وللأستفسارات السريعه والمتابعه انا موجودة على التويتر ( تويتر نوره بيوتي بوكس )