مفضلات سبتمبر September favourites

مرحبا
ان شاء الله جميع قراء مدونتي بخير .. هالتدوينه راح اذكر افضل المنتجات بالنسبه لي اللي استخدمتها في شهر سبتمبر .. هاذي اول مره اكتب مفضلات .. الفكره من هالتدوينه اني اكتب اكثر المنتجات اللي كنت استخدمها بهالشهر واهم شي اكون حبيتها عاجبتني الفكره مره ودايم باليوتيوب والمدونات احب اشوف وش افضل شي عند البنات بهالشهر لأني احس فيه كثير اشياء مميزه ومفيدة فقلت يلا نسوي زيهم وبالاضافة ان شهر سبتمبر احب الشهور لقلبي لأنه شهر ميلادي ودايم يصير الجو فيه حلو ومعتدل واحسه رايق وحبوب ههههه هيا بنا نشوف افضل شي جربته بهالشهر ❤❤❤

الارواج اغلبها طبيعيه بما ان الجو لا هو صيف ولا هو شتاء حبيت اكون ناتشورال قدر الامكان 
من اليمين 
1- استي لودر لونه مشمشي دافي اسمه Spiced coral رقم 31
2- ماك فيفا قلام رقم V وقد كتبت عنه هنا
3 - ريفلون بينك ترفل رقم Pink Truffle 001
4 بريف من ماك MAC Brave هذا اغلب واحد كنت استخدمه روووعه وثباته ممتاز

 

1 - بالت نيكد من اربن داكي مايحتاج اقول شي ♥♡♥

2- بودره الاساس ستديو فكس جميله وتغطيه كامله تنفع للبشره الدهنيه من زمان عندي انساها وارجع اطيح فيها : )

3- العلبه السوداء الصغيره مجموعه اكحال ملونه من سماش بوكس جميله جدا انا طلعت لي مع مجموعه بس تقدرين تشترينها لوحدها الاكحال كريميه والوانها جميله وثابته

4 -اضاءه واتس اب من بينفت كتبت عنها سابقا يوميا احطها تقريبا مره جميله للمزيد شوفي التدوينه هنا 

5 - مسكارا بينفت ذي ار ريل جميله وطبيعيه تطول وتكثف بشكل بسيط تنفع للجامعه والدوامات ♥

 مناكير من او بي آي هو المناكير اللي علقت عليه هالشهر لونه وردي حليبي فاتح جدا مبين غير ! روعه هاللون سمبل وناعم متوفر في نزيه .

 

*سبري الجسم جميييل جدا من باث اند بودي وركس اول مافتح باث كنت كل يوم عندهم بعدين مليت حسيت كل الاشياء متشابهه :/ هذا بالذات هو وجابنيز تشري بلوسم مختلفين وفيهم ريحه مميزه انصح بكل المجموعه ♥♡♥
*العلبه الصغيره معقم جربت ديتول وهالطقه ودايم يكون فيها ريحه كيمائيه كريهه هذا من باث اند بودي وركس بالفانيليا حلو ولاتحسين انه كيميائي انصح تشترونه بالتخفيضات يطلع ب٥ او ٣ ريال الميني 
* المرطب اللي غطاه اسود من بودي شوب لجميع انواع البشره وفيه فيتامين E اعشق هالمرطب وماستغني عنه ابد ودايم ارجع اشتريه 
بما اني اعشق الاكواب فراح اوريكم كل شهر ان شاء الله كوبي المفضل هههههه واللي تلقى اكواب مميزه وجميله تعلمني :) 

 

ان شاء الله كانت هالتدوينه مفيده لكم واي وحده عندها شي جميل  توريني اياه هنا او بالتويتر ولاتنسون تعلمون  صديقاتكم وقريباتكم عن المدونه يستفيدون ♥♡♥

 * للاشتراك في مدونتي اضغطي على الرابط الموجود في اليمين بالضغط على .

* وللأستفسارات السريعه والمتابعه انا موجودة على التويتر ( تويتر نوره بيوتي بوكس )