Tuesday 18 September 2012

قيرل اباوت تاون من ماك مع بديل رخيص من ريفلون MAC Girl About Town Lipstick



كتبت بتدوينه سابقه عن ٣ ارواج ورديه رائعه لكل بنت افتحي الرابط هنا  كان من ضمنها روج قيرل اباوت تاون من ماك ♥.
الروج لونه وردي غامق من درجات الفوشي ثابت قوامه كريمي وتغطيته كامله يعتبر من الارواج الكلاسيكيه بماك وفيه منه مناكير وقلوس كثير بنات يحبونه وكثير يكون اول روج لهم من ماك لانه مشهور وسهل تحطينه مع كذا لوك واهم شي لونه جذاب وملفت بشكل انوثي انصح فيه البنت اللي ملت من درجات الوردي المعتاده وحابه تغامر لكن تغامر بالوردي ودرجاته هذا ممتاز ومثالي لها.. ميزته يناسب جميع البشرات تقريبا وممكن تحطينه مع مكياج ثقيل وممكن خفيف وناعم بالنسبه لي افضله مع الميك اب السمبل بس قد شفت وحده مسويه سموكي ايز وحاطه هاللون وطالع مره خطير ومتناسب ♥♥.
سواتش : 
طبعا فيه الوان بديل من ماركات رخيصه او غاليه اذا كنت حابه تشترين هالروج  مبروك وعليك بالف عافيه ♥ : )
فيه بنات تقول ابي هاللون بس ارخص من ماك فيه ؟ طبعا موجود وهاللون بالذات مشهور بكل الماركات ومطلوب من جميع الاعمار .. فيه روجين من ريفلون طبق الاصل من قيرل اباوت تاون الاول فاشن فوشيا وهاللون ماتذكر اني شفته عندنا لكن لو لقيتيه لاتترددين لانه نسخته بالضبط والثاني فوشيا اللي عندي فوشيا رقمه ٠٣٠ وهنا بالصوره نشوف المقارنه :


الالوان بدون مبالغه لون واحد ولو ثنتين حاطينه ماراح افرق بينهم ابدا يعني ممكن تشوفين اختلاف بسيط جدا جدا لو حطيتيه على ايدك ولبستي النظاره ودققتي ههههه الثبات ماك اثبت من ريفلون ماك تقريبا يجلس ٦ ساعات اما ريفلون بالكثير اربع ساعات ودايما بالغالب الماركات الغاليه تكون اثبت من الميزانيه المحدودة 
الاسعار ماك ٩٠ تقريبا ريفلون ٤٤ ريال والله يديم الرخص اللي على سنع ♥♥.

* روج قيرل اباوت تاون متوفر في محلات ماك .
*ريفلون صيدلية وايتس٬دبنهامز ٬ فافافوم ٬ سنتر بوينت .

10 comments:

  1. رغم اني احب كل شيء عند ماك الا انو ماعندي روج منو
    مدري ليه ههههههههههههههههههههههههههههه
    يمكن لانو دايم محلاته قزاز و اللي يشتغلوا فيه ثقيلين دم , نو واي ادخله و انا مو عارفه وش ابي لانو اغلبهم خبرتهم بالميك اب زيرو , تخيلي يحكي لي فكس بلس تقدري تبخيه مكان اللي تبين تسوين له هايلايتر بدون شي تحتو , يعني لمعه خدود :/ هههههههههههههههه حاولت اقنع فيه قام قالي اعرف مني انتي :) > وقح
    + مافي مكان نجرب فيه الارواج و انا مهووسه ب سالوران ف م قد اهتميت ب ماك
    اثق ب رايك انا جدا , ابيك تكتبين لنا عن باليتات اي شدو الوان ناتشورال او من ماك و وش رايك ب باليتات نارس ؟.. ابي شي صباحي و مش عارفه وش اشتري

    ReplyDelete
    Replies
    1. ههههههههههههههههه فضيع صراحه البايع عاد ارواج ماك لاتقاوم الوانهم تجنن
      نارس ماعنده بالتات تقدرين تاخذين تريو فيه 3 الوان بس الصباحي انصحك بالت تو فيسد رووعه كتبت عنها بالمدونه او ريفلون حلوه بعد

      Delete
  2. عزيزتي ماذكرتي انت اسم روج ريفلون البديل ؟

    ReplyDelete
    Replies
    1. عدلت وكتبته رقمه 030 اسمه فوشيا

      Delete
  3. صاجه اختي ..ولو تلاحظين مو بس هالروج ..ريفلون صايره تطالع ماك مطالع ..وتقلد ..واغلب ارواج ماك تلقين درجاتها بريفلون ..لان ريفلون متعمده وقاصده هذا الشي ;-)

    ReplyDelete
    Replies
    1. حلو عشان الجميع يقدر يستمتع بالميك اب وبالجودة نفسها

      Delete
  4. صاجه اختي ..ولو تلاحظين مو بس هالروج ..ريفلون صايره تطالع ماك مطالع ..وتقلد ..واغلب ارواج ماك تلقين درجاتها بريفلون ..لان ريفلون متعمده وقاصده هذا الشي ;-)

    ReplyDelete
  5. السبب في تشابه ماك وريفلون هو ان وريفلون فرع من ماك لكن للميزانيات المحدوده
    معلوم سمعتها من ميك اب صورة اجنبيه

    ReplyDelete
    Replies
    1. صحيح ؟ كل شي محتمل مع اني ماقد سمعت هالشي

      Delete
  6. Hi there i am kavin, its my first time to commenting anyplace, when i read this article i thought i
    could also create comment due to this good paragraph.

    Feel free to surf to my blog post Juvesiio

    ReplyDelete