من فتره قريبه قالت لنا قورجس بالتويتر ان ماركة سياتيه للمناكير نزلوها بسيفورا وشريتها انا واختي وجربناها كم مره قلت جا الوقت اللي اسوي ريفيو عنها واقول رأيي وتستفيدون ان شاء الله .
العلبه يجي فيها اربع الوان مناكيرالحجم الصغير واربع علب كافيار برضو حجم صغير .
الالوان احمر ووردي وفضي ذهبي ، والكافيار متنوع فيه الفضي مع الازرق وفيه الاخضر مع الاحمر وفيه اللؤلؤي يجي مع العلبه زي الانبوب عشان توزعين فيه الكافيار على الاظافر ، جربت المناكير والكافيار حطيت الصوره بالانستقرام هنا وطريقته سهله بس تحطين المناكير وقبل ماينشف توزعين الكافيار على الاظافر وبس .
ماركه ساتيه هي اول ماركه انتجت مناكير الكافيار بالنسبه لرأيي فيها جدا عاديه والكافيار يطيح بعد يوم هالعلبه الالوان مافيها اي تميز والكافيار انتشر بكل مكان ماتسوى سعرها !
المضحك بالموضوع ان العلبه من الهوليدي كولكشن من السنه اللي راحت يعني فضله الاسواق الاوربيه والامريكيه وفرحانين سيفورا وكاتبين حصري !!
اتمنى انكم استفدتو من الريفيو واتمنى اشوف تعليقاتكم تحت : )
- *للاشتراك في مدونتي اضغطي على الرابط الموجود في اليمين بالضغط على
- تلقوني هنا على التويتر
- انستقرام : norahbeautybox
- إذا حابين تطلبون من سيقما هذا كود التخفيض تحطونه قبل ماتسوون تشيك اوت ويخفض لكم ١٠ بالميه SAVE2013 وهنا موقع سيقما
- اشوفكم على خير
كم سعر المجموعة
ReplyDeleteيااختي ليه يفشلونا اجل حصري >< ههههه
ReplyDeleteياعزتي لنا بس :(
بس هالمناكير على انها اشتهرت ماادري ماحبيتها
بس تجي كذا اوقات ودي اجرب من باب اللقافه :p
تدوينه جميله وصادقه اهم شئ :p
(F)
نقول فيه تطور وإن شاء الله تكون بدايه خير
ReplyDeleteأول الغيث قطرة :)
ويجيبوا المنتجات المقطوعه عنا :(
شريتها اول مانزلت موضتها والحين راكنتها :P
يعطيك العافيه نوره :*
بالنسبه لي حبيتها وتجربتي معها كانت جميله
ReplyDeleteللحين استخدمها وأحسها تزيد اليد نعومه
يمكن ماتوفقتي مره باختيار الالوان.. جربي الاسود او الابيظ
زمان سويت عنها بوست وتجربتي معها..
يعطيك العافيه نوره
هههههه حبيت فضله اوروبا .. قبل اتناقش مع زوجي بانو السوق تطور وصار يجيب اشياء حتى لو نزلت برا بفتره
ReplyDeleteقال ترا يجيبون لكم بقاياهم ، والحين تأكدت :( حسبي الله بس ههههههههه
عاد المشكله احنا نشتري اكثر منهم وسوقنا اقوى بس مدري ليه مضحوك علينا ..
مدري ماتحمست اجرب المناكير انتشرت مره مره ودي بشي سبيشل < مناك بس
شكرا نوره :$♥