مشتريات ٢٠١٤

اخيرااااا بنزل مشترياتي ❤️❤️
لي فتره وانا اقول بحطها والهى او اتكسل .. اتمنى الجميع بخير متحمسه اوريكم مشترياتي الجميله الرائعه فعلا هالمره توفقت الحمدلله اتمنى تستفيدون منها 😍💕
اول شي من سيفورا 

ارواج كلارنس روج كلات اول مره اجرب ارواج كلارنس مكياجهم مايشدني ابدا احس مافيه تجديد بس هالروج غير نظرتي فعلا جميييييل ويرطب وكريمي الدرجه اللي اخذتها رقم سته لونه موف على وردي .
اخذت من شانيل هالشدو الرباعي رقم ١٤ بعد ماشفت يوتيوب عنها عجبتني مرررررره مع اني ماخذه موقف من شدو شانيل الرباعي دايم يكون الكوالتي سيئ بس هذا الوانه وصبغته روعه ينفع للاستخدام اليومي .

غسول بيورتي كن فيلوسفي مالقيت الا الحجم الكبير ينفع لكل انواع البشره ❤️

واخيرا مسكارا الحواجب من بينفت ثاني مره اشتريها حلوه فيها لون خفيف تنفع فوق البودره او القلم او اذا حابه لوحدها يجي منها لونين او ثلاثه مش متأكده .

من ماك الكولكشن الجديد اخذت كحل باذنجاني على بني اسمه ريفن هذا اللي لفت انتباهي وحسيته مميز الباقي نص ونص واخذت منهم مناكير اسمه mean and green  لاول مره اجرب مناكيرهم لونه متموج فيه وردي وبني وذهبي ونحاسي مايحتاج مدحي لانه فعلا روعه .

بوبي براون الماركه الاليمه الراقيه اخذت منهم فرشه بلشر انا وفرش البلشر عشق لاينتهي مابعد جربتها بس متاكده انها ممتازه اجمل شي بفرش بوبي براون خفتها كانها ريشه مقارنه بسيقما وماك .الشي الثاني الشدو اسمه burnt sugar 9 لونه نحاسي على بني على زيتي حلو لوحده نوعه ساتن .

واخيرا من انقلوت شفت هالروج على صديقتي ووقعت في غرامه رقمه ٤١٠ دورته بكل الفروع مالقيته بس لقيته بالبحرين نوعه مات لونه وردي على توتي اللون جميل جدا بس جااااااف مره تحسين تتعبين وانتي تحطينه مره خيب ظني الكوالتي والعلبه سيئه بعد ياله تنفتح 😥😭

وبس هذا كل شي اتوقع بوقف شراء ميك اب لاني خربتها بقوه هههههههه متحمسه مره اجرب اللي شريته 😍😘

اتمنى لكم فصل دراسي جديد مليئ بالسعاده والاشراق .❤️❤️❤️

لاتنسون تتابعوني على الانستقرام بحط السواتشات هناك 

• تلقوني هنا على التويتر   
•  انستقرام : norahbeautybox