مره مشتاقه للتدوين بشكل دوري بس انشغلت كثير الفتره اللي راحت بدوامي وان شاء الله ارجع زي اول .. فكرت اني اخلي تدوينه بشكل اسبوعي ثابته بحيث التزم بالوقت ومنها كل تدوينه تاخذ حقها بالقراءه .. ❤️
عاد قلت ابدا من اليوم واخلي كل جمعه تدوينه بأذن الله .. ❤️ ❤️
اليوم بتكلم عن مسكارا ايف سان لوران بيبي دول كتبت عنها بالانستقرام
المسكارا نزلت بعد مسكارا شوكينق اللي قد كتبت عنها قبل فتره هنا
المسكارا من اول استعمال عجبتني وهذا شي نادرا بالمسكرات لانها دايم بعد كم مره تزين معك هاذي مختلفه تفرق الرموش وتطول وتكثف لونها اسود اسود
اجمل شي بالمسكارا انها ثاااااابته لما احطها بالصبح تظل الرموش ملتفه حتى الليل غالبا المسكرات بعد ست ساعات تنزل اوتفقد شكلها هاذي لا ❤️
الفرق بينها وبين شوكنق اللي كنت منهبله عليها بعد ان هاذي تفرق الرموش بس شوكنق احيانا تكتل وتجمع الرموش بس كلهم بشكل عام مسكرات ممتازه .
شكل فرشتها بالصوره اللي فوق .. اسوء شي فيها سعرها مرررره غاليه ١٩٠ ريال كثير على شي يخلص وينشف بسرعه وحده من المتابعات قالت لي انها زي مسكارا لوريال تيلسكوبك ان شاء الله القى لوريال واجربها بعد ماتخلص هاذي
اتمنى هالتدوينه اعجبتكم واتمنى للجميع ويك اند سعيد ❤️ ❤️
- تلقوني هنا على التويتر
- انستقرام : norahbeautybox
يعطيك الف عافيه عزيزتي
ReplyDeleteماقد جربت ماسكرا من ايف سالوران
بس اول ماشفت الفرشه جت على بالي تلسكوبك من لوريال
وحتى توني من كم يوم سويت عنها ريفيو في مدونتي
مره حمستوني اجرب لوريال ان شاء الله القاها بالسوق لان كثير يقولون منقطعه
Deleteيعطيك الف عافيه على مرورك
فرشتها تشبه ذي ار ريل من بينفت والا؟
ReplyDeleteعموما الماسكارا هذي لقيتها بسيفورا اونلاين ب112 ريال بس!