ترتيبي لطاوله الميك اب ❤️

مرحبااا بنات شهر رمضان على نهايته الله يعيده علينا وعليكم وحنا باحسن حال
قبل كم يوم حطيت فيديو بالانستقرام عن طريقتي بترتيب الميك اب وكثير بنات اعجبهم انبسطت كثير من الفيد باك قلت اكتب بالمدونه بالتفصيل عن اماكن اغراضي لاني ماذكرتها بالانستقرام  للي حابه ترتب مكياجها كل اشيائي بسيطه ومتوفره واسعارها معقوله يعني اغلى شي الطاوله شريتها ٤٩٥ من ايكيا .
حابه اقول نقطه ضروري ترتبين مكياجك بالطريقه اللي تناسبك عشان تستخدمينه وتعرفين مكان كل شي بكذا تستفيدين من اغراضك وتحللين مشترياتك لان اذا صار كل شي بمكان وعشوائي راح تنسين اشياء ولاتستخدمينها وتخرب وتعفن وانتي ما استانستي فيها .

اول شي الطاوله شريتها من ايكيا متوفره دايم عندهم واختي شرت زيها حتى تركيبها سهل ممكن اخوك سواقكم او حتى انتي تركبينها ماتسوى ياخذون عليك فلوس تركيب وتوصيل فيها درج واحد فقط ماحسه يتحمل كثير فيه مكياج حطيته في ادراج ثانيه خصوصا اللي ماستعمله كثير او شريته وطلع سيئ وبلشانه فيه :(
المرايه من ايكيا برضو سعرها ٧٥ ريال ماحبيت احط مرايه كبيره خصوصا ان عندي مرايه كبيره بالغرفه هاذي تكفي للميك اب وتؤدي الغرض .

علبه القطن الزجاجيه هديه من صديقتي احب احط القطن والاعواد بهالشكل واحب يكون عليها غطا تعرفون جونا غبار وحاله .
مقسم الارواج من الدانوب وفيه مثله اكبر معاه درج ومكان للاغراض الثانيه للمكياج زي بلشر كريم اساس حلو للي مكياجها قليل تحط اشيائها عليه سعره ماتذكر بس اتوقع بحدود  ٥٠ هالمقسمات الشفافه تلقينها برضو في ( ابو ريالين ) ومحلات الكماليات .
حاطه بالت انقلوت عشان الاستخدام السريع ودايم ابدل احيانا نيكد او ماك ... الخ حسب المود .

العلبه الزرقاء حطيت فيها فرش العيون شاريتها من سنتر بوينت من زمان ماعجبتني مره راح ابدلها قريب .. والعلبه الشفافه حطيت فيها فرش الوجه وهي اصلا علبه شمعه من باث اند بودي وركس غسلتها ونظفتها وحطيت الفرش فيها والعلبه الصغيره حطيت فيها البيوتي بلندر وبرضو كانت شمعه من ايكيا لما خلصتها استعملتها بهالشكل .

الفازه كانت جايتنا بشكولاته ماعرف من وين المهم لما اكلوا اهلي التشوكلت اخذتها ههههه وحطيت بلشراتي خصوصا اللي اشكالهم حلوه عشان استمتع بجمال البلشرات هههههه انا من عشاق البلشرات اعتبرها اجمل شي بالميك اب ❤️ ❤️.

هذا كل شي على الطاوله اللي فوق الطاوله استخدمه شبه يومي خصوصا بالايام اللي اكون مستعجله ماحب افتح الدرج وادور شي كل شي قدامي .

بالدرج المقسمات اخذتها من ايكيا اخذت ثنين الواحد ٩ ريال وزعت فيها الميك اب حسب نوعيته شي للقلوسات واقلام الشفايف وش للمسكارا والكحال .... الخ واخر شي فيه مساحه مايوسعها مقسم حطيت العلب البالتات وبين فتره وفتره ابدل بينهم عشان استخدمهم وكل بالت تاخذ حقها ههههههه حشا حسيت انهم عيالي ههههه .

وبس هذا كل شي عن مكياجي وترتيبه اتمنى تستفيدون من هالبوست وشكرا لوقتكم .

• تلقوني هنا على التويتر   
•  انستقرام : norahbeautybox
•  إذا حابين تطلبون من سيقما هذا كود التخفيض تحطونه قبل ماتسوون تشيك اوت ويخفض لكم ١٠ بالميه  RNL2013 اضغطي هنا لموقع سيقما
•  اشوفكم على خير .
•