مرحبا بنات
اتوقع هاذي اول مرت اسوي هالنوع من التدوينات فكرته اعرض لكم المنتجات اللي خلصتها ورأيي فيها واذا برجع
اشتريها ولا لا .. المنتجات متنوعه بين العنايه والميكب الميكب يبي له وقت عشان تخلصينه الاغلب عنايه.
اشتريها ولا لا .. المنتجات متنوعه بين العنايه والميكب الميكب يبي له وقت عشان تخلصينه الاغلب عنايه.
- من اليمين شامبو ogx حطيت صور بالانستقرام كثير قريت مدح عنه بس بعد تجربه لما خلصت علبتين لاحظت شعري طاح بشكل غريب وماكنت مغيره شي بنظامي فاتوقع منه جميل هو وينظف وماحسيته يجفف الشعر بالعكس يعطي شعري لمعه بس ماتوقع ارجع اشتريه بسبب التساقط متوفر في صيدليات بوتس و وايتس و ماركت الدانوب و لولو .
-شامبو big من لاش روووعه كنظافه وريحه بس يجفف بشكل خيالي راح ارجع اشتريه بس اقلل من استخدامي له نوعيته من الشامبوهات اللي تستخدم بين فتره وفترة يادوب مره مرتين بالشهرمتوفر في محلات لاش .
- من اليمين مزيل المكياج بالشاي الاخضر من ذا فيس شوب روعه يابنات من اجمل المزيلات اللي جربتها ناااعم على البشره ويشيل كل شي وحتى المكياج الي ضد المويه وسعره ممتاز انصح فيه وراح ارجع اشتريه اكيد ❤️ متوفر في محلات ذا فيس شوب .
- من اليسار مرطب بشكل بخاخ من بينفت ريحته جميله وانوثيه ترطيبه مؤقت ماراح ارجع اشتريه لأن نتيجته بسيطه لاتذكر متوفر في وجوه و سيفورا .
- معجون denblan تبييض الاسنان جربته وبيض اسناني بشكل ملاحظ جميل للي مايحبون اللصقات بس يبي له استمرار سعره مبالغ فيه بالنسبه لمعجون اسنان تلاقونه في صيدليات وايتس .
سكراب من سوب اند قلوري اعشق منتجات الشاور من هالشركة تنظف وريحتها خيال مقشر بملح البحر وزيت الماندرين ريحته منعشه راح ارجع اشتريه بس دايم استغلو العرض عليه متوفر في صيدليات بوتس .
فاونديشن شير اكسبرت من باي تيري دايم احطه والقى مدح على بشرتي خفيف ويغطي ولا سبب لي حساسيه جميل مره سعره مبالغ فيه بس اذا تبين تغطيه جميله وخفيفه انصحك تاخذينه بدون تردد هالماركة كانت في دابنهامز وحاليا غير متوفر للاسف . 😔
- من اليمين مرطب للبشره من بايودرما ترطيبه عادي وكميته قليله جدا بالنسبه لسعره متوفر في صيدليات وايتس و بوتس .
- من اليسار ستورب كريم من ماك تحطينه قبل الاساس يعطي نضارة وقلو طبيعي للبشره نتيجته جميله بس لاحظت اغلب منتجات ماك للبشره تسبب نفور بوجهي ماراح ارجع اشتريه :(
وخلص البوست اتمنى استفتدوا منه
تابعوني على التويتر والانستقرام والسناب على حسابي norahbeautybox
القاكم على خير 💕❤️