مرحبا ❤️💕
من زماان ماسويت مفضلات يمكن من ٢٠١٣ احب هالمواضيع سواء تدوينات او فديوهات باليوتيوب وان شاء الله بين فتره وفتره احط هالبوستات ❤️
من اليمين فرشه الماسكات من سيفورا جميله وصرت اتحمس احط ماسكات منها اداة بسيطة بس فايدتها ممتازه في بنات قالوا لي بالانستقرام ان ذا فيس شوب عندهم زيها وارخص لو تلفت هاذي راح ارجع اشتري من ذا فيس شوب ❤️
كريم لترطيب اليدين من افينو روعه بشكل خيالي تمتصه البشره بشكل فوري ولا يدبق ولا له رائحة باختصار مثالي
ديودرنت من مارك اند سبينسر روايحهم حلوه ولا سبب لي حساسيه حبيت اغلب اغراض العنايه حقتهم
باودرة هيلثي مكس من بورجوا من سنه ماستخدم الا هي للتثبيت روعه وتندمج على البشره ولا تتكتل حتى لو كثرتي وتمتص الدهون بس مب اكثر من خمس ساعات فلازم احطها بالشنطه اذا بطول 👍🏽❤️
فاونديشن نارس شير قلو غني عن التعريف والمدح تغطيته متوسطه وطبيعيه اتعب وانا اقول طبيعيه درجاتهم تجنن لبشراتنا وهذا اللي حببني فيه اكثر يعيبه الغطا حقه 😩
فرشه البلشر رقم ٧٣ من سيفورا من افضل الفرش اللي جربتها للبلشر تدمج وتاخذ اللون بشكل مناسب ممكن تحسينها صغيره لو شريتيها بس صدقيني راح تعطيك كنترول اكثر بحيث ماتحطين بلشر كثير ومايكتل معك بالنهايه ❤️
بلشر فيديو من اربن داكي قبل فتره نزلت بوست عن هالبلشر بلون ثاني وماكنت مرره مفتنعه فيه بس هاللون اخذ قلبي
❤️ لونه نود مطفي ينفع بكل مكان ومناسبه ومكياج راح يناسب البشرات الفاتحة والمتوسطه 👌🏽
سامبل مسكارا ايستي لودر عطوني اياها دابنهامز فضيعه تكثف وتوزع وتطول ناويه على الفل سايز اذا خلصت مسكراتي 😁❤️
كحل ريميل جاني هديه لونه بيج عجبني ثباته بدون مبالغه ست ساعات ثابت احطه جوا العين انصح فيه بقوه 👌🏽👍🏽❤️
بالت بيسك تو من اربن داكي شريته ايام تخفيض سيفورا العشرين بالميه وماحبيته بالبدايه بس جتني فتره ما القى الا هو قدامي واستخدمه وبديت احبه الوانه ناعمه مررره وتستخدمينها بشكل دائم 😍❤️
اللي يتابعني بالانستقرام يعرف اني اعشق شاي النكهات مع اني ماستسيغ الشاي الاحمر 😂
اعطتني صديقتي شاي الفراوله مره منعش ولذيذ بالحر مع اني اشربه دافي بس يعطي احساس حلو باجوائنا الحارقه هي طالبته من موقع اي هيرب بس مادري اذا متوفر باسواقنا او لا 👀☺️
هذا كل شيء بهالبوست
تابعوني على التويتر والانستقرام والسناب على حسابي norahbeautybox
اتمنى استمتعتوا واستفدتوا
الى اللقاء💕❤️
No comments:
Post a Comment